ମାର୍କ 4:12 - New Testament in Pengo Parja Language

¹² ଦରମ୍ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେୱାର୍ ହୁଡ଼୍‌ନାର୍ ମାତର୍ ପୁନୁର୍, ଆରେ ୱେନାର୍ ମାତର୍ ବୁଜା ଆଉର୍। ଯଦି ହେୱାର୍ ବୁଜାଆତାର୍‍ମା ଈଶ୍ୱରତାକେ ୱାତାର୍‌ମା ଆରେ ହେୱାରିଙ୍ଗ୍ ଈଶ୍ୱର ପାପ୍ କେମା କିତାନ୍‍ମା।”

ସତ୍‌ ବଚନ୍‌ ପୁନି ନିୟମ୍‌

¹² ଇନେସ୍‌ ହେୱାର୍‌ ହୁଡ଼୍‌ଜି ହୁଡ଼୍‌ଜି ବୁଜାଆଦେଂ ଆଡୁର୍‌, ଆରି ୱେନୁ ୱେନୁ ପୁଞ୍ଜେଙ୍ଗ୍‌ ଆଡୁର୍‌, କାତେହିନା ହେୱାର୍‌ ଇସ୍ୱର୍‌ତାକେ ୱାନାର୍‌ ଆରି କେମା ପାୟା ଆନାର୍‌ ।”

ମାର୍କ 4:12 Iomraidhean Croise

ମାର୍କ 8:18

ମିଙ୍ଗେଙ୍ଗ୍ କାଣ୍‌କୁ ଆରେ କିତୁଲ୍ ମାନିକ୍, ମାତର୍ ଏପେଙ୍ଗ୍ କାଣ୍‌କୁ ମାନ୍‌ଞ୍ଜି ହୁଡ଼୍‌ଦେଙ୍ଗ୍ ଆଡୁଦେରା, କିତୁଲ୍ ମାନ୍‌ଞ୍ଜି ୱେଞ୍ଜେଙ୍ଗ୍ ଆଡୁଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏତ୍‌କିଦେଙ୍ଗ୍ ଆଡୁଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:10

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ତା ରାଜିନି ପୁନ୍‌ୱିତି କାତାତିଙ୍ଗ୍ ପୁଞ୍ଜେଙ୍ଗ୍ ଏପେଙ୍ଗ୍ ସୁଯଗ୍ ଗାଟାଆତାଦେର୍‌ନା। ମାତର୍ ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନୁୱାତାର୍‌ନା ହେୱାରିଙ୍ଗ୍ ସୁଯଗ୍ ଗଟାଆୱାତାତ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ କାତା ୱେଚ୍‌ନିଲେକେ କିଜି ୱେଚ୍‌ଚାନାଙ୍ଗା। ଆନେଙ୍ଗ୍ ଇମ୍‌ଣାକା ବାଡାୟ୍‌ କିନାଙ୍ଗା ହେଦାଙ୍ଗ୍ ହୁଡ଼୍‌ନାର୍ ମାତର୍ ତା ଅର୍ତ ପୁନୁର୍। ଆରେ ଆନେଙ୍ଗ୍ ୱେଚ୍‌ଚି କାତାତିଙ୍ଗ୍ ୱେନାର୍ ମାତର୍ ବୁଜା ଆଉର୍।”

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

ଏବ୍ରି 6:6

ହେୱାର୍ ଯଦି ଈଶ୍ୱରତାଙ୍ଗ୍ ଅଲ୍‌ଗା ହାଜ୍‌ଦିଙ୍ଗ୍ ହାନାର୍, ଲାଗିଙ୍ଗ୍ ହେୱାରିଙ୍ଗ୍ ଆରେରଗ ଲେଉଟାଇ କିଜି ତାସି ୱାଦେଙ୍ଗ୍ ବେସି କଷ୍ଟ ଆନାତ୍। ଇନେସ୍‌କି ହେୱାର୍ ଈଶ୍ୱର ମେହିତିଙ୍ଗ୍ ଆରେରଗ କୃଶକାଟ୍‌ତାକେ ଅହ୍‌ନାରା ଆରେ ହେୱାର୍ ମାନାୟାର୍ ମୁମ୍‌ଦ ଖ୍ରୀଷ୍ଟଙ୍ଗ୍ ଅପ୍‌ମାନ୍ କିନାରା।