ମାର୍କ 3:9 - New Testament in Pengo Parja Language

⁹ ହେଦାଙ୍ଗ୍ କାଜିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, ନା କାଜିଙ୍ଗ୍ ର ହିରୁ ଡଙ୍ଗା ଜଗାଡ଼୍ କିୟାଟ୍, ଏନେଙ୍ଗ୍ କିତିସ୍ ନା ଚାରିବେଣ୍‌ତାଙ୍ଗ୍ ଗଉଲି ଆଉର୍।

ସତ୍‌ ବଚନ୍‌ ପୁନି ନିୟମ୍‌

⁹ ହେ ପାଦ୍‌ନା ବିଡ଼୍‌ କାଜିଂ, ମାନାୟାର୍‌ ଇନେସ୍‌ ହେୱାନ୍‌ ଜପି କ୍ଡୁସ୍‌ପିସ୍‌ ହାଲୁର୍‌, ଇଦାଂ କାଜିଂ ହେୱାନ୍‌ ନିଜ୍‍ ଚେଲାରିଂ ତା କାଜିଂ ର ହାରୁ ଡଙ୍ଗା ଲାଗେ ଇଡ୍‌ଦେଂ ଇଚାନ୍‌;

ମାର୍କ 3:9 Iomraidhean Croise

ମାତିଉ 15:39

ତାପାଚେ ଯୀଶୁ ହେୱାରିଙ୍ଗ୍ ପକ୍ତାନ୍। ଆରେ ତା ଚେଲାହିର୍ ହୁଦାଙ୍ଗ୍ ଡଙ୍ଗାତାକେ ଦୁମ୍‌ଜି ମଗ୍‌ଦାନ୍‌ ସହର୍‌ନି ହାନ୍ଦିତାକେ ୱାତାର୍।

ମାର୍କ 4:1

ଆରେରଗ ଯୀଶୁ ଗାଲିଲୀ ଜିଲ୍ଲାନି ହାମ୍‌ଦୁର୍ କାଣ୍ଡିତ ହିକ୍ଷାହିଦେଙ୍ଗ୍ ଆରମ୍ କିତାନ୍, ଯୀଶୁ ଚାରିବେଣ୍‍ତ ବେସିହେନି ମାନାୟ୍ ରବେ ଆତାର୍। ଲାଗିଙ୍ଗ୍ ଯୀଶୁ ର ଡଙ୍ଗାତାକେ ହାଲ୍‌ଜି କୁଚ୍‌ଚାନ୍, ଡଙ୍ଗା ଏଜୁକାଙ୍ଗ୍ ଅଲପ୍ ଦେହାମାଚାତ୍ ଆରେ ମାନାୟାର୍ କାଣ୍ଡିତ ମାଚାର୍।

ମାର୍କ 4:36

ହେବେତାଙ୍ଗ୍ ତା ଚେଲାହିର୍ ମାନାୟାରିଙ୍ଗ୍ ପିସ୍ତି ଯୀଶୁ ଇମ୍‌ଣି ଡଙ୍ଗାତାକେ ଆଗେ କୁଚ୍‌ଚି ମାଚାନ୍ ହେ ଡଙ୍ଗାତାକେ ହେୱାନିଙ୍ଗ୍ ଅସାହାଚାର୍। ଆରେ କେତେକ୍ ମାନାୟ୍ ଜେକନି ଡଙ୍ଗାଙ୍ଗ୍ ଆସ୍ତି ତାପାଚେ ହାଚାର୍।

ମାର୍କ 5:2

ଯୀଶୁ ଡଙ୍ଗାତାଙ୍ଗ୍ ଜୁତି‍ଦାପ୍ରେ ରକାନ୍ ବୁତ୍ଆତ୍ମା ଡୁୟାଆତାକାନ୍ ଦୁଗେର୍ ବାଟାତାଙ୍ଗ୍ ହସି ଯୀଶୁଙ୍ଗ୍ ଗିଟାଆତାନ୍।

ମାର୍କ 5:30

ହେଦାପ୍ରେ ଯୀଶୁ ଜାର୍ ଶାକ୍ତିତାଙ୍ଗ୍ ର ମାନାୟ୍ ହାର୍‌ଆତାକା ପୁନ୍‌ଞ୍ଜି, ମାନାୟ୍ ଗଉଲି ମାଦି ବୁଲାଆଜି ୱେନ୍‌ବାତାନ୍, “ନା ହେନ୍ଦ୍ରା ଇନେର୍ ଆସ୍‌ପାତାର୍?”

ମାର୍କ 6:32

ଲାଗିଙ୍ଗ୍ ଯୀଶୁ ଆରେ ତା ଚେଲାହିର୍ ଡଙ୍ଗାତାକେ କୁଚ୍‌ଚି ର ଟାଙ୍ଗ୍ରାବାହାତାକେ ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:1

ଦିନେକ୍ ଯୀଶୁ ଗିନେସରତ ହାମ୍‌ଦୁର୍ କାଣ୍ଡିତାକେ ନିଲ୍‌ଚି ମାଚାନ୍। ତାବେତାଙ୍ଗ୍ ଈଶ୍ୱର କାତା ୱେଞ୍ଜେଙ୍ଗ୍ ମାନାୟାର୍ ତା ଚାରିବେଣ୍‌ତାଙ୍ଗ୍ ଟେଲାହେମ୍‌ଲା ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:3

ଯୀଶୁ ହେବେ ମାଚି ର ଡଙ୍ଗାତାକେ ଦୁମ୍‌ତାନ୍। ହେ ଡଙ୍ଗା ଶିମୋନତି ମାଚାତ୍। ଯୀଶୁ ଡଙ୍ଗାତିଙ୍ଗ୍ କାଣ୍ଡିତାଙ୍ଗ୍ ଅଲପ୍ ବିତ୍ରେ ଅଦେଙ୍ଗ୍ ଶିମୋନତିଙ୍ଗ୍‌ ୱେଚ୍‌ଚାନ୍। ତାପାଚେ ହେ ଡଙ୍ଗାତାକେ କୁଚ୍‌ଚାନ୍ ଆରେ ହେ ଡଙ୍ଗା ଜପି ମାନ୍‌ଞ୍ଜି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।

ଜହନ୍‌ 6:15

ଯୀଶୁ ପୁଚାନ୍ ଯେ ମାନାୟାର୍ ହେୱାନିଙ୍ଗ୍ ରାଜା କିଦେଙ୍ଗ୍ ଇଚାକିଜି ମାଚାର୍। ହେପାଦ୍ନା ହେୱାନ୍ ହେ ବାହା ପିସ୍ତି ରକାନ୍ ମାଡ଼ିଜପି ହାଚାନ୍।