ମାର୍କ 3:18 - New Testament in Pengo Parja Language

¹⁸ ଆନ୍ଦ୍ରିୟ, ପିଲିପ, ବାର୍ଥଲମି, ମାଥିଉ, ଥୋମା, ଆଲ୍‌ପି ମେହି ଯାକୁବ, ଥଦ୍ଦୀୟ, ଦେସ୍‌ତିଙ୍ଗ୍ ହେବାକିନି ଶିମୋନ,

ସତ୍‌ ବଚନ୍‌ ପୁନି ନିୟମ୍‌

¹⁸ ଆନ୍ଦ୍ରିୟ, ପିଲିପ୍‌, ବାର୍ତଲମି, ମାତିଉ, ତମା, ଆଲପିତି ମେହି ଜାକୁବ୍‌, ତଦିୟ, କିଣାନିୟ ସିମନ୍‌,

ମାର୍କ 3:18 Iomraidhean Croise

ମାତିଉ 13:55

ଇୱାନ୍‌ତ ହେ ବାଡ଼ାଇ ମେହି। ତା ତେହି ତର୍‌ତ ମରିୟମ ଆରେ ଇୱାନ୍ ଟଣ୍ଡାହିର୍ ତର୍‌ ଯାକୁବ, ଯୋଷେପ୍‌, ଶିମୋନ ଆରେ ଯିହୁଦା।

ମାତିଉ 9:9

ଯୀଶୁ ହେବେତାଙ୍ଗ୍ ହାନିହିଙ୍ଗ୍ ମାଥିଉ ତର୍‌ଦାକାନିଙ୍ଗ୍ ସିସ୍ତୁଏନ୍‌ନି ବାହାତାକେ କୁଚ୍‌ଚି ମାଚାକା ହୁଡ଼୍‌ଜି, ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନା ପାଚେ ୱା।” ହେବେତାଙ୍ଗ୍ ହେୱାନ୍ ତା କାମାୟ୍ ପିସ୍ତି ତାପାଚେ ହାଚାନ୍।

ମାର୍କ 2:14

ଯୀଶୁ ହେବେତାଙ୍ଗ୍ ହାନିହିଙ୍ଗ୍ ଆଲ୍‌ପି ମେହି ଲେବିଙ୍ଗ୍ ହୁଡ଼୍‌ଜି, ଇୱାନିଙ୍ଗ୍ ମାଥିଉ ପା ଇଞ୍ଜିମାଚାର୍। ହେୱାନ୍ ସିସ୍ତୁଏନ୍‌ନି ବାହାତାକେ କୁଚ୍‌ଚି ମାଚାନ୍। ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନା ପାଚେ ୱା।” ହେବେତାଙ୍ଗ୍ ହେୱାନ୍ ତା କାମାୟ୍ ପିସ୍ତି ତାପାଚେ ହାଚାନ୍।

ମାର୍କ 3:17

ଜେବଦି ମେହି ଯାକୁବ ଆରେ ତା ଟଣ୍ଡାହି ଯୋହନ୍, ଇନେରିଙ୍ଗ୍ ହେୱାନ୍ ବିନେରିଗସ୍ ଇଞ୍ଜି ଆରେ ର ତର୍‌ ହିତାନ୍। ବିନେରିଗସ୍‍ନି ଅର୍ତ ବିଜ୍‌ଲି ଲେଗ୍‌ଦି ମାନାୟ୍।

ମାର୍କ 3:19

ଆରେ ଇଷ୍କାରିତିୟ ଯିହୁଦା, ଯୀଶୁଙ୍ଗ୍ ଶାତ୍ରୁ କେଇଦ ଆହିକିତାନ୍।

ମାର୍କ 6:3

ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ଜହନ୍‌ 1:40

ଡୁବନ୍‌ହିନି ଯୋହନତାଙ୍ଗ୍ କାତା ୱେନ୍‌ଞ୍ଜି ଇମ୍‌ଣି ରିୟାର୍ ଚେଲାହିର୍ ଯୀଶୁ ପାଚେ-ପାଚେ ହାଲ୍‌ଜି ମାଚାର୍, ହେ ରିକାର୍ ବିତ୍ରେତାଙ୍ଗ୍ ଆନ୍ଦ୍ରିୟ ରକାନ୍ ମାଚାନ୍। ହେ ଆନ୍ଦ୍ରିୟ ଶିମୋନ ପିତର ଟଣ୍ଡାହି ମାଚାନ୍।

ଜହନ୍‌ 11:16

ତାପାଚେ ଥୋମା ଇନେରିଙ୍ଗ୍ କି ଦିଦୁମ ଇଞ୍ଜିମାଚାର୍, ହେୱାନ୍ ଜେକନି ଚେଲାହିଙ୍ଗ୍ ୱେଚ୍‌ଚାନ୍, “ଜାଡ ଆସେଙ୍ଗ୍ ପା ଯୀଶୁ ହୁଦାଙ୍ଗ୍ ଯିହୁଦା ଜିଲ୍ଲାତାକେ ହାଃଦେଙ୍ଗ୍ ହାନାସ୍।”

ଜହନ୍‌ 14:22

ତାପାଚେ ଯିହୁଦା ଇୱାନ୍ ଇଷ୍କାରିତିୟ ଯିହୁଦା ଆକାୟ୍, ହେୱାନିଙ୍ଗ୍ ୱେନ୍‌ବାତାନ୍, “ଏ ମାପୃ, ପୁର୍ତିତିଙ୍ଗ୍ ଇନା କିଦେଙ୍ଗ୍ ଚଞ୍ଜିଆନାୟା? ମାତର୍ ଏନେଙ୍ଗ୍ ଇନା କିଦେଙ୍ଗ୍ ମାଙ୍ଗେଙ୍ଗ୍ ଚଚିୟାଆନି କାଜିଙ୍ଗ୍ ଜଜ୍‌ନା କିନାୟା?”

ଜହନ୍‌ 21:2

କେତ୍‌ଜାଣ୍ ଚେଲାହିର୍ ରବେଆଜି ମାଚାର୍, ହେୱାର୍ ଆତାର୍ ଶିମୋନ ପିତର, ଥୋମା, କୁକ୍‌ନି ତର୍‌ ଦିଦୁମ। ଗାଲିଲୀ ଜିଲ୍ଲାନି କାନ୍ନା ସହର୍‌ନି ନିତନିୟେଲ, ଜେବଦି ମେହିର୍, ଆରେ ରିକାର୍ ଜେକନି ଚେଲାହିର୍।

ପକ୍ୟାତାକା 1:13

ହେୱାର୍ ହେ ସହର୍ ବିତ୍ରେ ହାଚାର୍। ଆରେ ହେୱାର୍ ମାନି ଇଲ୍‌ନି ଜପ୍‌ଣି ପାଉଜ୍‍ତ ହାଚାର୍। ହେବେ ମାନି ଚେଲାହିର୍ ତର୍‌ ଇଲେକେ ପିତର, ଯୋହନ, ଯାକୁବ, ଆନ୍ଦ୍ରିୟ, ପିଲିପ, ଥୋମା, ବାର୍ଥଲମି, ମାଥିଉ, ଆଲ୍‌ପି ମେହି, ଯାକୁବ, ଦେସ୍ ହେବାକିନି ଶିମୋନ ଆରେ ଯାକୁବ ମେହି ଯିହୁଦା।

ପକ୍ୟାତାକା 15:13

ହେୱାର୍ କାତା ୱିସ୍ତି ପାଚେ ଯାକୁବ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍ ନା କାତା ୱେନାଟ୍।

ପକ୍ୟାତାକା 21:18

ଆର୍‌କାତ୍ ନାଞ୍ଜିଙ୍ଗ୍ ପାଉଲ ମା ହୁଦାଙ୍ଗ୍ ମେହାଆଜି ଯାକୁବ ଇଞ୍ଜ ହାଚାନ୍। ଆରେ ୱିଜୁ ପ୍ରାଚିନାର୍ ହେବେ ରୁଣ୍ଡାଆଜି ମାଚାର୍।

୧ କରନ୍ତିୟ 15:7

ଆରେ ଯାକୁବ ଆରେ ତା ୱିଜାର୍ ବାଚିକିତି ଚେଲାହିରିଙ୍ଗ୍ ପାଚେ ଚଞ୍ଜିଆଆଜି ମାଚାନ୍।

୧ କରନ୍ତିୟ 9:5

ଆପେଙ୍ଗ୍ ଖ୍ରୀଷ୍ଟାନ୍ କଗ୍‍ଲେକାଙ୍ଗ୍ ବିବାଆଜି ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାକା ମା ଅଦିକାର୍ ମାନାତ୍। ଇନେସ୍‌ଲେକେ ମାପୃ ଯୀଶୁ ଟଣ୍ଡାହିର୍, କେପା ଆରେ ଜେକନି ବାଚିକିତି ଚେଲାର୍ ବିବାଆଜି ତା ଡକୃହିକ୍ ହୁଦାଙ୍ଗ୍ ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାରା।

ଗାଲାତିୟ 1:19

ମାତର୍ ହେବେ ମାପୃ ଟଣ୍ଡାହି ଯାକୁବଙ୍ଗ୍ ପିସ୍ତି ଆରେ ଜେକନି ବାଚିକିତି ଚେଲାରିଙ୍ଗ୍ ଇନେରିଙ୍ଗ୍ ପା ହୁଡ଼୍‌ୱାତାଙ୍ଗ୍।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।

ଜାକ୍‌ବ 1:1

ଆନେଙ୍ଗ୍ ଯାକୁବ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ରକାଙ୍ଗ୍ ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ଦାସ୍। ପୁର୍ତିନି ଚାରିବେଣ୍‌ତାଙ୍ଗ୍ ଚିନ୍-ବିନ୍ ଆଜି ମାନି ଯିହୁଦି ଜାତିନି ବାର ଲାତ୍ରାନି ଖ୍ରୀଷ୍ଟାନାରିଙ୍ଗ୍ ଆନେଙ୍ଗ୍ ଜୱାର୍ କିନାଙ୍ଗା।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।