ମାର୍କ 11:4 - New Testament in Pengo Parja Language

⁴ ହେ ରିୟାର୍ ଚେଲାହିର୍ ହେନାସ୍ ହାଚାର୍, ଆରେ ଇଲ୍ ଦୁୱେର୍‌ନି ହାକ୍‌ଡ଼ିତ ର ଗଦତିଙ୍ଗ୍ ଗାଚ୍‌ଚାକା ହୁଡ଼୍‌ଜି ହେଦେଲିଙ୍ଗ୍ କୁତ୍‍ତାର୍।

ସତ୍‌ ବଚନ୍‌ ପୁନି ନିୟମ୍‌

⁴ ହେୱାର୍‌ ହାଲ୍‌ଜି ଦୁୱେର୍‌ ଲାଗାୟ୍‌ ବାର୍ତ ହାକିଡ଼ିତ ର ଗଦ ହିମ୍‌ଣା ଗାଚ୍‌ଚାକା ହୁଡ଼୍‌ଜି ହେଦେଲିଂ ରିକ୍ତାର୍ ।

ମାର୍କ 11:4 Iomraidhean Croise

ମାତିଉ 21:2

“ମି ଲାଗାୟ୍‌ନି ନାସ୍‌କୁକାଙ୍ଗ୍ ହାଲାଟ୍। ଆରେ ହାଚି ଦାପ୍ରେ ର ଗଦତିଙ୍ଗ୍ ଗାଚ୍‌ଚାକା ହୁଡ଼୍‌ନାଦେର୍ ଆରେ ତା କଚଣ୍‌ତ ତା ଗଦହିମ୍‌ଣା ମାନାତ୍। ହେୱେକିୟାଙ୍ଗ୍ ରିକ୍‍ଚି ନା ଲାଗେ ତାସିୱାଡୁ।

ମାତିଉ 26:19

ହେବେତାଙ୍ଗ୍ ଚେଲାହିର୍ ଯୀଶୁ ଆଦେସ୍‌ତିଙ୍ଗ୍ ମାନିକିଜି ଯୀଶୁ ହେୱାରିଙ୍ଗ୍ ଇନେସ୍ ଲେକେ ୱେଚ୍‌ଚି ମାଚାନ୍, ହେଲେକେ ଆତାର୍ ଆରେ ହେୱାର୍ ନିସ୍ତାର୍ ପାର୍ବୁନି ବଜି ରସ୍ତାର୍।

ମାର୍କ 11:3

ଆରେ ‘ଇନା କିଦେଙ୍ଗ୍ ରିକ୍‌ନାଦେରା ଇଞ୍ଜି ଇନେର୍ ପା ୱେନ୍‌ବା ଆଦ୍‌ନାର୍,’ ‘ତାଙ୍ଗେଙ୍ଗ୍ ୱେଚ୍‌ନାଦେର୍ ଇଦାଙ୍ଗ୍ ମା ଯୀଶୁ ମାପୃଙ୍ଗ୍ ଦରକାର୍ ମାନାତ୍ ଇଞ୍ଜି ୱେଚ୍‌ଚିସ୍, ତାପାଚେ ହେୱାନ୍ ମିଙ୍ଗେଙ୍ଗ୍ ଜଲ୍‌ଦି ପକ୍ତାନାନ୍।’”

ମାର୍କ 11:5

ହେବେତାଙ୍ଗ୍ ହେବେ ନିଲ୍‌ଚିମାଚି ମାନାୟ୍ ବିତ୍ରେତାଙ୍ଗ୍ କେତ୍‌ଜାଣ୍ ହେୱାରିଙ୍ଗ୍ ୱେନ୍‌ବାତାନ୍, “ଗଦତିଙ୍ଗ୍ ଏପେଙ୍ଗ୍ ଇନା କିଦେଙ୍ଗ୍ ରିକ୍‌ନାଦେରା?”

ଜହନ୍‌ 2:5

ଯୀଶୁ ତେହି ହେବାକିନାକାରିଙ୍ଗ୍ ୱେଚ୍‌ଚାତ୍, “ଯୀଶୁ ଇନେସ୍ ଲେକେ ୱେଚ୍‌ଚାନାନ୍ ଏପେଙ୍ଗ୍ ହେଲେକେ କିୟାଟ୍।”

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।