ମାର୍କ 1:5 - New Testament in Pengo Parja Language

⁵ ହେବେତାଙ୍ଗ୍ ଯିହୁଦା ଜିଲ୍ଲା ଆରେ ଯିରୁଶାଲାମ ସହର୍‌ତାଙ୍ଗ୍ କେତେକ୍ ମାନାୟ୍ ତା ଲାଗେ ୱାତାର୍, ଆରେ ହେୱାର୍ ଜାର୍-ଜାର୍ ପାପ୍‌ତିଙ୍ଗ୍ ୱେଚ୍‌ଚାର୍, ହେବେ ଡୁବନ୍‌ହିନି ଯୋହନ ହେୱାରିଙ୍ଗ୍ ଯର୍ଦ୍ଦନ ନାଗୁଡ଼୍‌ତ ଡୁବନ୍ ହିତାନ୍।

ସତ୍‌ ବଚନ୍‌ ପୁନି ନିୟମ୍‌

⁵ ହେବେ ସବୁ ରାଜିନି ଜିହୁଦା ଦେସ୍‌ ଆରି ସବୁ ଜିରୁସାଲମ୍‌ନି ମାନାୟାର୍‌ ହସି ହେୱାନ୍‌ ଲାଗାୟ୍‌ ୱାଦେଙ୍ଗ୍‌ ଲାଗାତାର୍‌ ଆରି ଜାର୍‌ ଜାର୍‌ ପାପ୍‌ କିତାକା ମାନିକିିଜ଼ି ହେୱାନ୍‌ତାଂ ଜର୍ଦନ୍‌ ନାଗୁଡ଼୍‌ ତାକେ ବାପ୍ତିସିମ୍‌ ଅତାର୍‌ ।

ମାର୍କ 1:5 Iomraidhean Croise

ମାତିଉ 4:25

ଲାଗିଙ୍ଗ୍ ଗାଲିଲୀ ଜିଲ୍ଲା, ଦେକାପଲି (ଇନେରିଙ୍ଗ୍ କି ଦଶ୍‌ଗଟା ସହର୍‌କୁକାଙ୍ଗ୍ ଦେକାପଲି ଇନାର୍) ଯିରୁଶାଲାମ ସହର୍, ଯିହୁଦା ଜିଲ୍ଲା ଆରେ ଯର୍ଦ୍ଦନ ନାଗୁଡ଼୍ ହେପାଡ଼୍‌କାତାଙ୍ଗ୍ ବେସିହେନି ମାନାୟାର୍ ଯୀଶୁ ପାଚେ-ପାଚେ ହାଞ୍ଜେଙ୍ଗ୍ ଲାଗାତାର୍।

ମାର୍କ 1:4

ହେ ଡାଣ୍ଡାସି ଡୁବନ୍‌ହିନି ଯୋହନ ମାଚାନ୍ ଆରେ ହେୱାନ୍ ଟାଙ୍ଗ୍ରାବାହାତ ମାଚାନ୍। ହେୱାନ୍ ମାନାୟାରିଙ୍ଗ୍ ୱେଚ୍‌ଚି ମାଚାନ୍, “ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ଡୁବନ୍ ଅୱାଟ୍। ଏଲେଙ୍ଗ୍ କିତିସ୍ ଈଶ୍ୱର ମିଙ୍ଗେଙ୍ଗ୍ ପାପ୍ କେମା କିଦ୍‌ନାନ୍।”

ମାର୍କ 1:6

ଯୋହନ ଉଟ୍ ତେମୁଲ୍‌ତ ରସ୍ତି ହେନ୍ଦ୍ରା ଉସ୍‍ପି ମାଚାନ୍, ଆରେ ଜାର୍ ମେଙ୍ଗାକାଙ୍ଗ୍ ତଲ୍‍ତାଙ୍ଗ୍ ରସ୍ତି ମେଙ୍ଗାଡରି ଗାଚିଆ ଆଜି ମାଚାନ୍। ହେୱାନ୍ ତିନିଆନି ପିକୁଙ୍ଗ୍ ଆରେ ରାନ୍‍ପୁକି ତିନ୍‌ଞ୍ଜି ମାଚାନ୍।

ଜହନ୍‌ 1:28

ଇ ୱିଜୁଗଟ୍‌ନା ବେତାନି ସହର୍ ହେ ପାଡ଼୍‌କା ଯର୍ଦ୍ଦନ ନାଗୁଡ଼୍‌ତ, ଡୁବନ୍‌ହିନି ଯୋହନ ମାନାୟାରିଙ୍ଗ୍ ଡୁବନ୍‌ହିଜି ମାଚାନ୍।

ଜହନ୍‌ 3:23

ଡୁବନ୍‌ହିନି ଯୋହନ ଶାଲମ୍ ସହର୍ କଚଣ୍‌ନି ଏନୋନ ନାଟ ମାନାୟାରିଙ୍ଗ୍ ଡୁବନ୍‌ହିଜି ମାଚାନ୍। ଇନେସ୍‌କି ହେବାହାତାକେ ବେସି ଏଜୁଙ୍ଗ୍ ମାଚିକ୍। ଆରେ ମାନାୟାର୍ ହେବେ ଡୁବନ୍ ଅଦେଙ୍ଗ୍ ହାଲ୍‌ଜି ମାଚାର୍।

ଜହନ୍‌ 5:35

ଡୁବନ୍‌ହିନି ଯୋହନ ରକାନ୍ କାଚାଆନି ବଇଟାଲେକେ ଅଜଡ଼୍ ମାଚାନ୍। ଆରେ ଏପେଙ୍ଗ୍ ହେ ଅଜଡ଼୍ ଅଲପ୍ ଦିନ୍‌ତିଙ୍ଗ୍ ହୁଡ଼୍‌ଜି ୱାରି ଆତାଦେର୍।

ପକ୍ୟାତାକା 19:18

ହେପାଦ୍ନା ଇମ୍‌ଣାକାର୍ ପାର୍ତି କିଜି ମାଚାର୍ ହେୱାର୍ ବିତ୍ରେତାଙ୍ଗ୍ ବେସିହେନି ୱାଜି, ଜାର୍-ଜାର୍ କିତି ପାପ୍ କାମାୟ୍‌ତିଙ୍ଗ୍ ୱିଜାକାର୍ ଆଗେ ୱେଚ୍‌ଚାର୍।

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ଜାକ୍‌ବ 5:16

ଲାଗିଙ୍ଗ୍ ଜାର୍-ଜାର୍‌ବିତ୍ରେ କିତି ପାପ୍‌ତିଙ୍ଗ୍ ୱେଚ୍‌ପାଆଡ, ଆରେ ବେମାର୍‌ତାଙ୍ଗ୍ ହାର୍‌ଆନି କାଜିଙ୍ଗ୍ ଜାର୍-ଜାର୍ କାଜିଙ୍ଗ୍ ପାର୍ତାନା କିବା ଆଡ। ଦରମ୍ ମାନାୟ୍‌ନି ପାର୍ତାନା କିତାକା ୱିଜୁ କାମାୟ୍ ପୁରାଆନାତ୍।