ମାତିଉ 2:2 - New Testament in Pengo Parja Language

² “ଯିହୁଦିର୍‌ନି ରାଜା ଆଦେଙ୍ଗ୍ ଜନମ୍ ଆତି ହିମ୍‌ଣା ଇମ୍‌ଣି ବାହାତାକେ ମାନାନ୍? ଇନେସ୍‌କି ମା ଦେସ୍‌ତ ତା ଜନମ୍ ଆତି ହୁକା ହତ୍‌ତାକା ହୁଡ଼୍‌ଜି ଆପେଙ୍ଗ୍ ଯିରୁଶାଲାମ ସହର୍‌ତାକେ ହେୱାନିଙ୍ଗ୍ ଜୱାର୍ କିଦେଙ୍ଗ୍ ୱାତାପ୍‌ନା।

ସତ୍‌ ବଚନ୍‌ ପୁନି ନିୟମ୍‌

² “ଇମ୍‌ଣି କାଡ଼୍‌ଦେ ଜିହୁଦିର୍‌ ରାଜା ଆନି କାଜିଂ ଜଲମ୍‌ ଆତାନ୍ନା, ହେୱାନ୍‌ ଇମେନ୍‌ ? ୱେଡ଼ାହନି ଦେସ୍‌ତାଂ ତା ହୁକାଙ୍ଗ୍‌ ହୁଡ଼୍‌ଜି ତାଙ୍ଗ୍‌ ପୁଜାକିନି କାଜିଂ ଆପେଂ ୱାତାପ୍‌ନା ।”

ମାତିଉ 2:2 Iomraidhean Croise

ମାତିଉ 2:3

ଯିହୁଦିର୍‌ନି ରାଜା ଜନମ୍ ଆତି କାତା ୱେନ୍‌ଞ୍ଜି ହେରୋଦ ରାଜା ଆରେ ଯିରୁଶାଲାମ ସହର୍‌ନି କେତେକ୍ ମାନାୟ୍ ୱିଜାକାର୍ ଚିନ୍ତା ଆତାର୍।”

ମାତିଉ 21:5

ସିୟୋନ ଦେସ୍‌ତିଙ୍ଗ୍ ୱେଚ୍‌ଚାନ୍, ହୁଡ଼ାଟ୍, ମି ରାଜା ମିବେ ୱାନାନା। ହେୱାନ୍ ଦରମ୍‌ଆଜି ଗଦଜପି କୁଚ୍‌ଚି ୱାନାନା।

ମାତିଉ 27:11

ଇପାଦ୍ନା ଯୀଶୁଙ୍ଗ୍ ରାଜିତିଙ୍ଗ୍ ସାସନ୍ କିନି ଗବର୍‌ନର୍ ପିଲାତ ରାଜା ମୁମ୍‌ଦ ନିଲି କିତାର୍। ଗବର୍‌ନର୍ ପିଲାତ ରାଜା ଯୀଶୁଙ୍ଗ୍ ୱେନ୍‌ବାତାନ୍, ଏନେଙ୍ଗ୍ ଇନାକା ଯିହୁଦିର୍ ରାଜାତି? ଯୀଶୁ ଗବର୍‌ନର୍ ପିଲାତ ରାଜାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ସତ୍ ୱେଚ୍‌ନାୟା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:38

“ଇମ୍‌ଣି ରାଜା ମାପୃ ତର୍‍ଦାଙ୍ଗ୍ ୱାନାନା, ହେୱାନିଙ୍ଗ୍ ଈଶ୍ୱର ଆଶ୍ରିବାଦ୍ କିୟେନ୍, ସରଗ୍‌ତାକେ ଶାନ୍ତି ଆରେ ୱିଜୁ ଈଶ୍ୱରତାଙ୍ଗ୍ ଗାଜା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:11

ନେଞ୍ଜେଙ୍ଗ୍ ଦାଉଦ ରାଜା ବେତଲିହିମ୍ ସହର୍‌ତାକେ ମି କାଜିଙ୍ଗ୍ ଉଦାର୍ କିଦ୍‌ନାକାନ୍ ଜନମ୍ ଆତାନ୍‌ନା ହେୱାନ୍ ଆନାନା ଖ୍ରୀଷ୍ଟ ମାପୃ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:3

ପିଲାତ ରାଜା ଯୀଶୁଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଇନାକା ଯିହୁଦିର୍ ରାଜାତି?” ଯୀଶୁ ପିଲାତ ରାଜାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ସତ୍ ୱେଚ୍‌ନାୟା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:38

ଆରେ ଯୀଶୁଙ୍ଗ୍ ଦୁପ୍‌ତି କୃଶକାଟ୍ ଜପି ଇନସ୍ତା କିଦେଙ୍ଗ୍ ର ମାର୍ ପାଟା ରସ୍ତି ବଡ୍ ଇଡ଼୍‌ତାର୍। ହେ ପାଟାତାକେ ଇଲେକେ ଲେକାଆଜି ମାଚାତ୍, “ଏ ଯିହୁଦିର୍ ରାଜା।”

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 12:13

ହେୱାର୍ କାଜ୍‌ରି ଡାଡ଼ିଙ୍ଗ୍ ଆସ୍ତି ଯୀଶୁଙ୍ଗ୍ ହୁଡ଼୍‌ଦେଙ୍ଗ୍ ହାଚାର୍। ହେୱାର୍ ୱାରିତାଙ୍ଗ୍ ଗାଜା କାଟ୍‌ତାଙ୍ଗ୍ ୱେଚ୍‌ଚେଙ୍ଗ୍ ଲାଗାତାର୍, “ହେୱାନିଙ୍ଗ୍ ଜୟ୍-ଜୟ୍ କିୟାଟ୍, ଇନେର୍ ମାପୃ ତର୍‍ଦାଙ୍ଗ୍ ୱାନାନ୍, ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିୟେନ୍, ଈଶ୍ୱର ଇସ୍ରାଏଲନି ରାଜାଙ୍ଗ୍ ଆଶ୍ରିବାଦ୍ କିନାନ୍।”

ଜହନ୍‌ 18:37

ପିଲାତ ୱେଚ୍‌ଚାନ୍, “ଲାଗିଙ୍ଗ୍ ଏନେଙ୍ଗ୍ ରକାଇ ରାଜା।” ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ରାଜା ଇଞ୍ଜି ୱେଚ୍‌ଚାନାୟା। ଇଦାଙ୍ଗ୍ ସତ୍। ଆନେଙ୍ଗ୍ ଇଦାଙ୍ଗ୍ କାଜିଙ୍ଗ୍ ଜନମ୍ ଆତାଙ୍ଗ୍‌ନା। ମାନାୟାରିଙ୍ଗ୍ ସତ୍ ବିଷୟରେ ପୁନିକିଦେଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଜଗତ୍‌ତାକେ ୱାତାଙ୍ଗ୍‌ନା। ସତ୍‌ତିଙ୍ଗ୍ ଲାଡ୍ କିନାକାର୍ ୱିଜୁ ମାନାୟ୍ ନା କାତା ୱେନାର୍।”

ଜହନ୍‌ 19:19

ପିଲାତ ରାଜା ର ମାର୍ ପାଟା ରସ୍ତି ଯୀଶୁଙ୍ଗ୍ ଦୁପ୍‌ତି କୃଶକାଟ୍ ଜପି ବଡ୍ ଇଡ଼୍‌ତାର୍। ହେ ପାଟାତାକେ ହେଲେକେ ଲେକାଆଜି ମାଚାତ୍, “ଏ ନାଜରିତିୟ ଯୀଶୁ, ଯିହୁଦିର୍ ରାଜା।”

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ଜହନ୍‌ 9:38

ହେବେତାଙ୍ଗ୍ ହେୱାନ୍ ୱେଚ୍‌ଚାନ୍, “ଆଁ, ମାପୃ ଆନେଙ୍ଗ୍ ପାର୍ତି କିଦ୍‌ନାଙ୍ଗା।” ହେୱାନ୍ ଯୀଶୁଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିତାନ୍।

ଏବ୍ରି 1:6

ଆରେ ଈଶ୍ୱର ଏଚେପାଦ୍ନା ତା ଗୌରବମାନି ହିମ୍‌ଣାତିଙ୍ଗ୍ ଇ ପୁର୍ତିତାକେ ପକ୍ତାତାନ୍, ହେପାଦ୍ନା ଈଶ୍ୱର ୱେଚ୍‌ନାନ୍, “ଈଶ୍ୱରତି ୱିଜୁ ଦୁତ୍‌କୁ ହେୱାନିଙ୍ଗ୍ ପୁଜା କିୟେକ୍।”

ହତ୍‌ତି 22:16

“ଆନେଙ୍ଗ୍ ଯୀଶୁ, ୱିଜୁ ମଣ୍ଡ୍‌ଲିକାଙ୍ଗ୍ ଇ କାବୁର୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ନା ଦୁତ୍‌କୁକାଙ୍ଗ୍‌ ପକ୍ତାତାଙ୍ଗ୍‌ନା। ଆନେଙ୍ଗ୍ ଦାଉଦ ରାଜା ମୁଡ଼୍ ଚିରାନି କୁଟୁମ୍‌ତାଙ୍ଗ୍ ଜନମ୍ ଆତାଙ୍ଗ୍‌ନା, ଆରେ ତା ରାଜ୍ ଗାଦିତାକେ କୁଚ୍‌ଚେଙ୍ଗ୍ ନା ଅଦିକାର୍ ମାନାତ୍। ଆନେଙ୍ଗ୍ ନେ ଅଜଡ଼୍ ହୁକା।”