ମାତିଉ 1:1 - New Testament in Pengo Parja Language

¹ ଯୀଶୁ ଖ୍ରୀଷ୍ଟ ଦାଉଦ ରାଜା ଆରେ ଅବ୍ରାହାମ୍‌ ଲାତ୍ରାନିକାନ୍ ମାଚାନ୍। ଯୀଶୁନି ଆକଦାଦିର୍‌ନି ଲାତ୍ରା ଲେକେ:

ସତ୍‌ ବଚନ୍‌ ପୁନି ନିୟମ୍‌

¹ ଅବ୍ରାହାମ୍‌ ଆରି ଦାଉଦ୍‌ତି ଲାତ୍ରା ଜିସୁ କ୍ରିସ୍ଟ ଲାତ୍ରାର୍‍ତି ତାରେନ୍‌ ପତିତ ଲେକା ଆତାତ୍‌ନ୍ନା ।

ମାତିଉ 1:1 Iomraidhean Croise

ମାତିଉ 1:18

ଯୀଶୁ ଖ୍ରୀଷ୍ଟ ଜନମ୍ ଆନି ଆଗେ ଇଲେକେ ଆତାତ୍, ମରିୟମ ହୁଦାଙ୍ଗ୍ ଯୋଷେପ କାଜିଙ୍ଗ୍ ମାଲା ଆଜି ମାଚାତ୍। ହେୱାର୍ ବିବା ଆୱି ଆଗେ ମରିୟମ ପବିତ୍ର ଆତ୍ମାତାଙ୍ଗ୍ ଗରବ୍‌ତ ମାଚାତ୍।

ମାତିଉ 1:2

ଅବ୍ରାହାମ୍‌ ଇସାକ ଲାତ୍ରାହି ମାଚାନ୍, ଇସାକ ଯାକୁବ ଲାତ୍ରାହି ମାଚାନ୍। ଯାକୁବ, ଯିହୁଦା ଆରେ ତା ଟଣ୍ଡାହିର୍ ଲାତ୍ରାହି ମାଚାନ୍।

ମାତିଉ 15:22

କିଣାନିୟ ସହର୍‌ତାଙ୍ଗ୍ ର କଗ୍‌ଲେ ୱାଜି ଯୀଶୁଙ୍ଗ୍ ୱେଚ୍‌ତାତ୍, ଏ ମାପୃ, ଦାଉଦ ରାଜା ଲାତ୍ରାନି ଯୀଶୁ ନାଙ୍ଗେଙ୍ଗ୍ ଦୟାକିଦା, ମାଞ୍ଜ୍ କଇଙ୍ଗ୍ ବୁତ୍ଆତ୍ମା ଡୁତାତ୍‌ନା।

ମାତିଉ 3:16

ଯୀଶୁ ଡୁବନ୍ ଅତି ଦାପ୍ରେ ଏଜୁଙ୍ଗ୍‌ତାଙ୍ଗ୍ ନିଙ୍ଗ୍‌ଞ୍ଜି ୱାତିହିଙ୍ଗ୍ ବାଦାଡ଼୍ ଜେୟା ଆତାତ୍। ଆରେ ହେୱାନ୍ ଈଶ୍ୱରତି ପବିତ୍ର ଆତ୍ମାତିଙ୍ଗ୍ ପାର୍‌ୱା ଲେକେ ତା ଜପି ୱାନାକା ହୁଡ଼୍‌ତାନ୍।

ମାତିଉ 9:27

ଯୀଶୁ ହେବେତାଙ୍ଗ୍ ହାନିହିଙ୍ଗ୍ ରିୟାର୍ କାଣାମାନାୟ୍ ପାଚେ-ପାଚେ ହାଲ୍‌ଜି ଗାଜାକାଟ୍ କିଜି ୱେଚେଙ୍ଗ୍ ଲାଗାତାର୍, “ଏ ଦାଉଦ ରାଜା ଲାତ୍ରାନି ଯୀଶୁ, ମାଙ୍ଗେଙ୍ଗ୍ ଦୟାକିଦା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:33

ହେୱାନ୍ ଯାକୁବ ଲାତ୍ରାତିଙ୍ଗ୍ ଯୁଗ୍-ଯୁଗ୍ ରାଜାଆଜି ସାସନ୍ କିନାନ୍। ଆରେ ତା ସାସନ୍ କିନି ରାଜି ଇନାୱେଡ଼ାଙ୍ଗ୍ ପା ୱିଜୁତ୍।”

ଜହନ୍‌ 7:42

ଦରମ୍ ସାସ୍ତର୍‌ତାକେ ଲେକା ମାନାତ୍ ଯେ, ଖ୍ରୀଷ୍ଟ ଦାଉଦ ରାଜା ପରିବାର୍‌ତାଙ୍ଗ୍ ୱାନାନ୍। ଆରେ ଦରମ୍ ସାସ୍ତର୍‌ତାକେ ଲେକା ମାନାତ୍ ଖ୍ରୀଷ୍ଟ ଦାଉଦ ରାଜାମାନି ବାହାନି ବେତଲିହିମ୍ ନାଟାଙ୍ଗ୍ ୱାନାନ୍।”

ପକ୍ୟାତାକା 2:30

ହେୱାନ୍ ରକାନ୍ ଭବିଷ୍ଯତବକ୍ତା ମାଚାନ୍। ହେଦାଙ୍ଗ୍ କାଜିଙ୍ଗ୍ ତା ଲାତ୍ରାତାଙ୍ଗ୍ ରକାନିଙ୍ଗ୍ ତା ସିଙ୍ଗାସନ୍‌ତାକେ କୁଚିକିନାନ୍, ଇ କାତା ଈଶ୍ୱର ପାର୍ମାଣ୍ କିଜି ଦାଉଦ ରାଜାଙ୍ଗ୍ ହିତାକା ହେୱାନ୍ ପୁନ୍‌ଞ୍ଜି ମାଚାନ୍।

ରୋମିୟ 1:3

ଇ ହାର୍ଦିକାବୁର୍ ଈଶ୍ୱର ମେହି, ମା ମାପୃ ଯୀଶୁ ଖ୍ରୀଷ୍ଟ ବିଷୟରେ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ, ଦାଉଦ ରାଜାର୍ କୁଟୁମ୍‌ତାକେ ଜନମ୍ ଆଜି ମାଚାନ୍।

ରୋମିୟ 4:13

ଈଶ୍ୱର ଅବ୍ରାହାମତିଙ୍ଗ୍ ଆରେ ତା କୁଟୁମ୍‌ତିଙ୍ଗ୍ ପାର୍ମାଣ୍ କିଜି ମାଚାନ୍ ଯେ, ହେୱାନ୍ ଇ ପୁର୍ତି ହେୱାରିଙ୍ଗ୍ ହିତାନ୍। ଆରେ ଈଶ୍ୱର ଇ ପାର୍ମାଣ୍ ଅବ୍ରାହାମତିଙ୍ଗ୍ ହିଜିମାଚାନ୍, ଇନେସ୍‌କି ଅବ୍ରାହାମ ଈଶ୍ୱର ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଆକାୟ୍, ମାତର୍ ଈଶ୍ୱରତିଙ୍ଗ୍ ପାର୍ତିକିତି କାଜିଙ୍ଗ୍, ହେୱାନିଙ୍ଗ୍ ତା ଆଗେ ଦରମ୍ ମାନାୟ୍ କିଜି ଇ ପାର୍ମାଣ୍ ହିତାନ୍।

ରୋମିୟ 9:5

ହେୱାର୍ ଆକଦାଦିର୍ ଈଶ୍ୱରତିଙ୍ଗ୍ ଗାଜାକାର୍ ମାଚାର୍, ଆରେ ଖ୍ରୀଷ୍ଟ ନିଜେ ର ଯିହୁଦି ମାଚାନ୍, ଏଚେଦିନ୍ ପାତେକ୍ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ ମାଚାନ୍। ଆରେ ହେୱାନ୍ ଈଶ୍ୱର ମାଚାନ୍, ଇନେର୍ ୱିଜୁ ଜିନିଷ୍ ଜପି ସାସନ୍ କିନାନା, ଆରେ ହେୱାନ୍ ୱିଜୁଦିନ୍ ଜୟ୍-ଜୟ୍ ପାୟାଆନି ଦର୍‌କାର୍। ଆମେନ୍।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

୧ ତିମତି 2:5

ଇନେସ୍‌କି ଈଶ୍ୱର ରକାନ୍ ନେ ମାନାନ୍, ଈଶ୍ୱର ଆରେ ମାନାୟାର୍ ବିତ୍ରେ ରକାନ୍ ନେ ମାଦି ମାନ୍‌ଞ୍ଜି କାମାୟ୍ କିନାକାନ୍ ମାନାନ୍। ହେ ମାଦି ମାନି ମାନାୟ୍ ଆନାନା ଯୀଶୁ ଖ୍ରୀଷ୍ଟ।

୨ ତିମଥି 2:8

ଯୀଶୁ ଖ୍ରୀଷ୍ଟ ବିଷୟରେ ୱିଜୁଦିନ୍ ଏନେଙ୍ଗ୍ ମାନ୍ତ ଏତୁକିଜି ମାନା। ହେୱାନ୍ ଦାଉଦ ରାଜା ଲାତ୍ରାନି ମାନାୟ୍ ଆରେ ଈଶ୍ୱର ହେୱାନିଙ୍ଗ୍ ହାଃତି ମାନାୟାର୍‌ତାଙ୍ଗ୍ ଆରେରଗ ଜିବୁନ୍ କିଜି ନିକ୍ତାନ୍‌ନା। ଇ ହାର୍ଦିକାବୁର୍ ଆନେଙ୍ଗ୍ ଶୁଣାୟ୍ କିନାଙ୍ଗା।

ହତ୍‌ତି 22:16

“ଆନେଙ୍ଗ୍ ଯୀଶୁ, ୱିଜୁ ମଣ୍ଡ୍‌ଲିକାଙ୍ଗ୍ ଇ କାବୁର୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ନା ଦୁତ୍‌କୁକାଙ୍ଗ୍‌ ପକ୍ତାତାଙ୍ଗ୍‌ନା। ଆନେଙ୍ଗ୍ ଦାଉଦ ରାଜା ମୁଡ଼୍ ଚିରାନି କୁଟୁମ୍‌ତାଙ୍ଗ୍ ଜନମ୍ ଆତାଙ୍ଗ୍‌ନା, ଆରେ ତା ରାଜ୍ ଗାଦିତାକେ କୁଚ୍‌ଚେଙ୍ଗ୍ ନା ଅଦିକାର୍ ମାନାତ୍। ଆନେଙ୍ଗ୍ ନେ ଅଜଡ଼୍ ହୁକା।”