ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:48 - New Testament in Pengo Parja Language

⁴⁸ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ତର୍‍ଦାଙ୍ଗ୍ ଇ ହିରୁ ହିମ୍‌ଣାକାଙ୍ଗ୍ ଆହ୍‌ନାନ୍, ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍। ଆରେ ଇନେର୍ ନାଙ୍ଗେଙ୍ଗ୍ ଆସ୍ତାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ଆହ୍‌ନାନ୍। ଲାଗିଙ୍ଗ୍ ମି ବିତ୍ରେତାଙ୍ଗ୍ ଇନେର୍ ଦରମ୍‌ଆଜି ହିରୁକାନ୍ ଆନାନ୍ ହେୱାନ୍‌ନେ ଗାଜାକାନ୍ ଆନାନ୍।”

ସତ୍‌ ବଚନ୍‌ ପୁନି ନିୟମ୍‌

⁴⁸ ଇନେର୍‌ ନା ତର୍‌ଦାଂ ଇ ହିରୁ ହିମ୍‌ଣାତିଂ ମାନିକିନାର୍‌, “ହେୱାର୍‌ ନାଙ୍ଗେଙ୍ଗ୍‌ ମାନିକିଦ୍‌ନାର୍‌, ଆରେ ଇନେର୍‌ ନାଙ୍ଗେଙ୍ଗ୍‌ ଇଟ୍‍ଦାନାର୍‌, ହେୱାର୍‌ ନା ପକ୍‍ତାତାକିନିଂ ମାନ୍‌କିନାର୍‌; ଇନାକିଦେଂକି ମି ୱିଜ଼ାଦେର୍‌ ବିତ୍ରେ ଇନେନ୍‌ ହିରୁକାନ୍; ହେୱାନ୍‌ ଗାଜାକାନ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:48 Iomraidhean Croise

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ମାତିଉ 18:14

ହେଲେକେ ସରଗ୍‌ନି ଆବା ପା ଇଚା କିନାନା କି ମାନାୟ୍ ପା ନରକ୍‌ତାକେ ହାଲ୍‌ମେର୍ ଇଞ୍ଜି।

ମାତିଉ 19:28

ଯୀଶୁ ୱେଚ୍‌ଚାନ୍, “ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ପୁନି ଯୁଗ୍‌ଦ ଏଚେକାଡ଼୍‌ଦ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ଜୟ୍-ଜୟ୍ ପାୟାଆନି ସିଂହାସନ୍‌ତାକେ କୁଚ୍‌ନାନ୍, ହେପାଦ୍ନା ନା ବାରଜାଣ୍ ଚେଲାର୍ ପା ବାରଗଟା ସିଂହାସନ୍‌ତାକେ କୁଚ୍‌ଚି ଇସ୍ରାଏଲନି ବାରଗଟା କୁଟୁମ୍‌ନି ମାନାୟାରିଙ୍ଗ୍ ସାସନ୍ କିନାର୍।

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାତିଉ 25:45

ତାପାଚେ ଆନେଙ୍ଗ୍ ହେୱାରିଙ୍ଗ୍ ୱେଚ୍‌ନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ଇବେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତିକିନି ମାନାୟାର୍ ବିତ୍ରେତାଙ୍ଗ୍ ଇମ୍‌ଣି ମାନାୟ୍‌ତିଙ୍ଗ୍ ପା ସାଇଜ କିଦେଙ୍ଗ୍ ମୁନା କିତିସ୍। ହେଲେକେ ଏପେଙ୍ଗ୍ ନାଙ୍ଗେଙ୍ଗ୍ ସାଇଜ କିଦେଙ୍ଗ୍ ମୁନା କିତାଦେର୍!’

ମାର୍କ 9:37

“ଇନେର୍ ପା ନା ତର୍‍ଦାଙ୍ଗ୍ ଇଲେକେ ହିରୁ ହିମ୍‌ଣାତିଙ୍ଗ୍ ମାନି କିନାନ୍, ହେୱାନ୍ ନାଙ୍ଗେଙ୍ଗ୍ ମାନିକିଦ୍‌ନାନ୍। ଆରେ, ଇନେର୍ ପା ନାଙ୍ଗେଙ୍ଗ୍ ମାନିକିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ନେ ମାନିକିଦୁନା ମାତର୍ ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ପା ମାନି କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:11

ଇମ୍‌ଣାକାନ୍ ଆନେଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିନାନ୍, ଈଶ୍ୱର ହେୱାନିଙ୍ଗ୍ ହିରୁ କିନାନ୍। ଇମ୍‌ଣାକାନ୍ ଆନେଙ୍ଗ୍ ହିରୁ ଇଞ୍ଜି ବାବିକିନାନ୍, ହେୱାନିଙ୍ଗ୍ ଈଶ୍ୱର ଗାଜା କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:26

ମାତର୍ ଏପେଙ୍ଗ୍ ହେୱାର୍ ଲେକେ ଆମାଟ୍, “ମି ବିତ୍ରେ ଇନେର୍ ଯଦି ଗାଜାକାନ୍ ହେୱାନ୍ ୱିଜୁତାଙ୍ଗ୍ ହିରୁକାନ୍ ଆନି ଦର୍‌କାର୍। ଆରେ ଇନେର୍ ସାସନ୍ କିଦେଙ୍ଗ୍ ଇଚାକିନାନ୍ ହେୱାନ୍ ହେବାକିନାକାନ୍ ଆୟେନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:30

ଇନେସ୍ ଲେକେ ଏପେଙ୍ଗ୍ ନା ରାଜିତାକେ ନା ହୁଦାଙ୍ଗ୍ ଟେବୁଲ୍ ଜପି ତିନାଦେରା, ଆରେ ଏପେଙ୍ଗ୍ ସିଂହାସନ୍ ଜପି କୁକ୍‌ଚି ଇସ୍ରାଏଲନି ବାରଗଟା କୁଟମ୍‌ନି ମାନାୟାରିଙ୍ଗ୍ ସାସନ୍ କିନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:28

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, କଗ୍‌ଲେ ଗରବ୍‌ତାଙ୍ଗ୍ ଜନମ୍ ଆତାକାର୍ ଇନେର୍ ପା ଡୁବନ୍‌ହିନି ଯୋହନତାଙ୍ଗ୍ ଗାଜା ଆକାୟ୍। ମାତର୍ ଈଶ୍ୱର ସାସନ୍ କିନି ରାଜିତାକେ ଇନେର୍ ୱିଜାକାର୍‌ତାଙ୍ଗ୍ ହିରୁ, ହେୱାନ୍ ଡୁବନ୍‌ହିନି ଯୋହନତାଙ୍ଗ୍ ପା ଗାଜାକାନ୍ ଆନାନ୍।

ଜହନ୍‌ 13:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ପକ୍ତାତାକାନିଙ୍ଗ୍ ଇନେର୍ ଆହ୍‌ନାନ୍, ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍। ନାଙ୍ଗେଙ୍ଗ୍ ଇମ୍‌ଣାକାନ୍ ଆସ୍ତାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ପା ଆହ୍‌ନାନ୍।”

ଜହନ୍‌ 14:21

ଇମ୍‌ଣାକାନ୍ ନା ଆଦେସ୍‌ତିଙ୍ଗ୍ ପୁନାନ୍ ଆରେ ମାନି କିନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ଲାଡ୍ କିଦ୍‌ନାନା। ଆରେ ନାଙ୍ଗେଙ୍ଗ୍ ଲାଡ୍ କିଦ୍‌ନାକାର୍ ନା ଆବା ଈଶ୍ୱରତିଙ୍ଗ୍ ଲାଡ୍ କିନାନ୍। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ଆରେ ଜାର୍‌ତିଙ୍ଗ୍ ହେୱାନ୍‌ତାକେ ଚଚ୍‌ନାଙ୍ଗ୍।”

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

୧ ପିତର 5:6

ହେଦାଙ୍ଗ୍ କାଜିଙ୍ଗ୍ ୱିଜୁ ଶାକ୍ତିମାନି ଈଶ୍ୱର ମୁମ୍‌ଦ ଜାର୍‌ତିଙ୍ଗ୍ ଦରମ୍ ଆଡ, ଲାଗିଙ୍ଗ୍ ଟିକ୍ ସମୟରେ ଈଶ୍ୱର ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନି କାଜିଙ୍ଗ୍ ଗାଜାକାନ୍ କିଦ୍‌ନାନ୍।

ହତ୍‌ତି 21:14

ହେ ସହର୍‌ନି ବାଉଣ୍ଡ୍ରି ବାରଗଟା କାଲ୍‌କୁକାଙ୍ଗ୍ ପାଉଣ୍ଡେସେନ୍ ଆଜି ମାଚାତ୍, ଆରେ ପାଉଣ୍ଡେସେନ୍ ଜପି ମେଣ୍ଢା ଇନେର୍‌କି ଯୀଶୁ ବାଚିକିତି ଚେଲା ବାରଜାଣ୍ ତର୍‌ ଲେକାଆଜି ମାଚାତ୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।