ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:30 - New Testament in Pengo Parja Language

³⁰ ହେପାଦ୍ନା ତିନ୍‌ଜାଣ୍ ଚେଲାହିର୍ ହୁଡ଼୍‌ତାର୍ ଯେ ଏଲିୟ ଆରେ ମୋଶା ଇ ରିୟାର୍ ଯୀଶୁ ହୁଦାଙ୍ଗ୍ ବେଣ୍ କିବାଆନାରା।

ସତ୍‌ ବଚନ୍‌ ପୁନି ନିୟମ୍‌

³⁰ ଆରେ ହୁଡ଼ାଟ୍‌ ତ୍ରିପ୍‌କୁ, ମସା ଆରି ଏଲିୟ, ଇ ରିୟାର୍‌ ହେୱାନ୍‌ ଲାହାଙ୍ଗ୍‌ ବେରଣ୍‌ କିଦେଙ୍ଗ୍‌ ଲାଗାତାର୍‌;

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:30 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:17

ଭବିଷ୍ଯତବକ୍ତା ଏଲିୟ ଆତ୍ମା ଆରେ ଶାକ୍ତି ଲେକେ ଯୋହନ ପା ଡାଣ୍ଡାସି ଲେକେ ଆଜି ମାପୃ ଆଗେ-ଆଗେ ହାନାନ୍। ହେୱାନ୍ ଆବାରିଙ୍ଗ୍ ତା ହିମ୍‌ଣାର୍ ହୁଦାଙ୍ଗ୍ ମେହାଇ କିନାନ୍। ହେୱାନ୍ ଈଶ୍ୱରତିଙ୍ଗ୍ ମାନିକିୱି ଅଦରମ୍‌ ମାନାୟାରିଙ୍ଗ୍ ଦରମ୍ ମାନାୟାର୍ ହାନି ହାଜ୍‌ଦିଙ୍ଗ୍ ତାସିୱାନାନ୍। ମାପୃ କାଜିଙ୍ଗ୍ ହେୱାନ୍ ମାନାୟାରିଙ୍ଗ୍ ଜାଗ୍ରତ୍ କିୟିକିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:27

ତାପାଚେ ଯୀଶୁ ଦରମ୍ ସାସ୍ତର୍‌ନି ବିଷୟରେ ଇନାକା ୱିଜୁ ଲେକା ମାନାତ୍, ହେ ୱିଜୁ ରଞ୍ଜାଙ୍ଗ୍-ରଞ୍ଜାଙ୍ଗ୍ କିଜି ବୁଜାଇ କିଦେଙ୍ଗ୍ ଲାଗାତାନ୍। ଯୀଶୁ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ଆରମ୍ କିଜି ଜେକନି ଭବିଷ୍ଯତବକ୍ତାର୍ ପାତେକ୍ ୱିଜାକାର୍ ହେୱାନ୍ ବିଷୟରେ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାନ୍, ହେ ୱିଜୁ ବୁଜାଇ କିତାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:44

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆନେଙ୍ଗ୍ ମାନି ୱେଡ଼ାଙ୍ଗ୍‌ନି କାତାତିଙ୍ଗ୍ ଏତୁକିୟାଟ୍। ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ, ଭବିଷ୍ଯତବକ୍ତା ବହିତାକେ ଆରେ କେର୍‌କଣ୍‌ବିହିତାକେ ନା ବିଷୟରେ ଇନାକା ୱିଜୁ ଲେକାଆତାତ୍‌ନା, ହେ ୱିଜୁ ହାତ୍‌ପା ଗଟାଆତାତ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:19

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କେତେକ୍ ମାନାୟାର୍ ଇନାରା ଡୁବନ୍‌ହିନି ଯୋହନ୍, ଆରେ କେତେକ୍ ହେନି ଇନାରା ଏଲିୟ, ଆରେ କେତେକ୍ ହେନି ଆଗେନି ଭବିଷ୍ଯତବକ୍ତାର୍ ବିତ୍ରେତାଙ୍ଗ୍ ରକାନ୍ ହାଃଜି ଆରେରଗ ନିଙ୍ଗ୍‍ତାନ୍‍ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:29

ଏଚେପାଦ୍ନା ହେୱାନ୍ ପାର୍ତାନା କିଜି ମାଚାନ୍, ତା ରୁପ୍ ବାଦ୍‌ଲାଆତାତ୍ ଆରେ ତା ହେନ୍ଦ୍ରା ପା ବେସି ଣିନ୍‌ଞ୍ଜି ଚାକ୍‌ଚାକା ଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:31

ହେୱାର୍ ମୁମ୍ ପା ଗୌରବତାଙ୍ଗ୍ ହଲ୍‌ଜି ମାଚାତ୍। ଯିରୁଶାଲାମ ସହର୍‌ତାକେ ଯୀଶୁ ହାଃନି ବିଷୟ ହେୱାର୍ ବେଣ୍‌କିବାଆଜି ମାଚାର୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।