ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:3 - New Testament in Pengo Parja Language

³ ଆରେ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଈଶ୍ୱର ବେଣ୍ ୱେଚ୍‌ଚି ବୁଲାଆନିହିଙ୍ଗ୍, ର କୁତାବେଡ୍‍ଗା କି ମଣା କି କାଦି କି ଡାବୁଙ୍ଗ୍ କି ଇନାକାପା ଅମାଟ୍। ଇନେସ୍‌କି ରିଣ୍ଡାଙ୍ଗ୍ ହେନ୍ଦ୍ରାପାଟା ପା ଅମାଟ୍।

ସତ୍‌ ବଚନ୍‌ ପୁନି ନିୟମ୍‌

³ ଆରି, ହେୱାରିଂ ଇଚାନ୍‌, “ମି ହାନି କାଜିଂ ବାଡ୍‌ଗା କି ମଣା କି ରୁଟି କି ଡାବୁଙ୍ଗ୍‌ ପା ଅମାଟ୍‌, ନଲେ ରିଣ୍ଡାଂ ଆଙ୍ଗିଙ୍ଗ୍‌ ରଚେ ଇଟ୍‌ମାଟ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:3 Iomraidhean Croise

ମାର୍କ 6:7

କେତ୍‌ଦିନ୍ ହାଚି ପାଚେ ହେୱାନ୍ ବାରଜାଣ୍ ଚେଲାହିରିଙ୍ଗ୍ ହିର୍‌ବାତାନ୍, ବୁତ୍ଆତ୍ମା ପିହିକିଦେଙ୍ଗ୍ ହେୱାରିଙ୍ଗ୍ ଆଦିକାର୍ ହିତାନ୍, ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ରିୟା ରିୟାରିଙ୍ଗ୍ କିଜି ଇ ଆଦେସ୍ ହିଜି ପକ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:22

ଯୀଶୁ ଆରେରଗ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ଇନାକା ତିନ୍‌ଞ୍ଜି ଜିନାଦେର୍, ହେଦାଙ୍ଗ୍ କାଜିଙ୍ଗ୍ ଚିନ୍ତା କିମାଟ୍। ଗାଗାଡ଼୍‌ତିଙ୍ଗ୍ ଡ଼ୁକ୍‌ତେଙ୍ଗ୍ ଇନାକା ଉସ୍‌ପାନାଙ୍ଗ୍ ଇଞ୍ଜି ହେ ବିଷୟରେ ଚିନ୍ତା କିମାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:28

ଈଶ୍ୱର ବାଟାନି କାଚ୍ରାତିଙ୍ଗ୍ ହଲ୍‌ନି ରୁପ୍ ହିତାନ୍‌ନା। ହେ କାଚ୍ରା ନେଞ୍ଜେଙ୍ଗ୍ ଜିତାତ୍‌ନା ଆରେ ୱିଗାଲିଙ୍ଗ୍ ହେ କାଚ୍ରାତିଙ୍ଗ୍ ନାଣିତାକେ ତୁହିହିନାର୍। ଈଶ୍ୱର ହାତ୍‌ପା ହେ କାଚ୍ରାତାଙ୍ଗ୍ ମିଙ୍ଗେଙ୍ଗ୍ ଆଦିକ୍ ହଲ୍‌ନି ରୁପ୍ ହିଦ୍‌ନାନ୍। ଈଶ୍ୱରତିଙ୍ଗ୍ ଅଲପ୍ ପାର୍ତି କିନାକାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:35

ତାପାଚେ ଯୀଶୁ ପକ୍‌ଚିମାଚି ଚେଲାହିରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମାନାୟାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ମିଙ୍ଗେଙ୍ଗ୍ ପକ୍‌ଚି ମାନ୍‌ଞ୍ଚାଙ୍ଗ୍। ଆନେଙ୍ଗ୍ ମିଙ୍ଗେଙ୍ଗ୍ ଡାବୁଙ୍ଗ୍, ମଣା, ଆରେ ପାଣ୍ଡାୟ୍ ପିସ୍ତି ଇନାକାପା ଅୱେଦେଙ୍ଗ୍ ପକ୍‌ଚି ମାନ୍‌ଞ୍ଚାଙ୍ଗ୍। ମିଙ୍ଗେଙ୍ଗ୍ ଇନା ଅସୁବିଦା ଆତାତ୍ କି?” ପକିଆତି ଚେଲାହିର୍ ୱେଚ୍‌ଚାର୍, “ଆକାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:11

ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଯଦି ମି ଲାଗାୟ୍ ରିଣ୍ଡି ହେନ୍ଦ୍ରା ମାନାତ୍, ଲାଗିଙ୍ଗ୍ ହେବେତାଙ୍ଗ୍ ର ହେନ୍ଦ୍ରା ଇନେରିଙ୍ଗ୍ ହିଲେତ୍ ହେୱାନିଙ୍ଗ୍ ହିୟାଟ୍। ଆରେ ଯଦି ମିଙ୍ଗେଙ୍ଗ୍ କାଦି ମାନାତ୍ ଇନେରିଙ୍ଗ୍ କାଦି ହିଲେତ୍ ହେୱାନିଙ୍ଗ୍ ବାଟାକିଜି ହିୟାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:29

ତାପାଚେ ଲେବି ତାଞ୍ଜ ଯୀଶୁ କାଜିଙ୍ଗ୍ ର ଗାଜାବଜି କିତାନ୍। ହେପାଦ୍ନା କେତେକ୍ ସିସ୍ତୁଏନ୍‌ନାକାର୍ ଆରେ ଜେକନି ମାନାୟାର୍ ଯୀଶୁ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:4

ଆରେ, ଏଚେପାଦ୍ନା ଏପେଙ୍ଗ୍ ଇମ୍‌ଣି ଇଞ୍ଜ ହାନାଦେର୍, ହେ ଇଞ୍ଜାଙ୍ଗ୍ ହାନିପାତେକ୍ ହେବେ ମାନାଟ୍।

୨ ତିମଥି 2:4

ରକାନ୍ ସେନାଦଳ୍‌ନି କାମାୟ୍ କିନିହିଙ୍ଗ୍ ହେୱାନ୍ ଜେକ ଆରେ ର କାମାୟ୍ କିଉନ୍। ଇନେସ୍‌କି ହେୱାନ୍ ତା ଗାଜା ଅପିସର୍‌ତିଙ୍ଗ୍ ୱାରି କିୟିକିଦେଙ୍ଗ୍ ଇଚାକିନାନ୍।