ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:41 - New Testament in Pengo Parja Language

⁴¹ ହେପାଦ୍ନା ଯାଇରସ୍‌ ଇଞ୍ଜି ର ମାନାୟ୍ ଯୀଶୁ ଲାଗାୟ୍ ୱାତାନ୍। ହେୱାନ୍ ଯିହୁଦିର୍ ପାର୍ତାନା ଇଲ୍‌ନି ମୁକ୍ୟା ମାଚାନ୍। ହେୱାନ୍ ଯୀଶୁଙ୍ଗ୍ କାଲ୍ ତାରେନ୍ ସାରାଣ୍ ଏନ୍ତାନ୍ ଆରେ ୱେଚ୍‌ଚାନ୍, “ମାଞ୍ଜ ୱା।”

ସତ୍‌ ବଚନ୍‌ ପୁନି ନିୟମ୍‌

⁴¹ ଆରେ, ହୁଡ଼ାଟ୍‌; ଜାଇରସ୍‌ ତର୍‌ଦାକାନ୍‌ ରୱାନ୍‌ ୱାତାନ୍; ହେୱାନ୍‌ ରୱାନ୍‌ କୁଟୁମ୍‌ ଇଞ୍ଜ ମୁଡ଼୍‌ଦାକାନ୍‌ ମାଚାନ୍‌ । ହେୱାନ୍‌ ଜିସୁତି କାଲ୍‌ତାରେନ୍‍ ଗୁର୍‌ଜି ଜାର୍‌ ଇଞ୍ଜ ୱାନି କାଜିଂ ଗୱାରି କିତାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:41 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:14

ଯୀଶୁ ଜମ୍‌ନିଦିନ୍‌ ନାଞ୍ଜିଙ୍ଗ୍ ହେ କଗ୍‌ଲେଙ୍ଗ୍ ହାର୍ କିତିଲେଙ୍ଗ୍ ଯିହୁଦିର୍ ପାର୍ତାନା ଇଲ୍‌ନି ନେତାର୍‌ ରିସାଆତାର୍ ମାନାୟାରିଙ୍ଗ୍ ୱେଚ୍‌ଚାର୍‌। “ର ଆଟ୍ କାମାୟ୍ କିଦେଙ୍ଗ୍ ଚଅଦିନ୍ ମାନାତ୍। ଲାଗିଙ୍ଗ୍ ଏପେଙ୍ଗ୍ ହାର୍ ଆଦେଙ୍ଗ୍ ହେ ଚଅଦିନ୍ ବିତ୍ରେତାଙ୍ଗ୍ ରଦିନ୍ ୱାଡ। ଜମ୍‌ନିବାର୍ ନାଞ୍ଜିଙ୍ଗ୍ ଇନାୱେଡ଼ାଙ୍ଗ୍ ପା ହାର୍ ଆଦେଙ୍ଗ୍ ୱାମାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:16

ହେୱାନ୍ ଯୀଶୁଙ୍ଗ୍ ସନ୍‌ମାନ୍ ହିଦେଙ୍ଗ୍ ତା କାଲ୍‌ପାନା ତାରେନ୍ ଜୱାର୍ କିତାନ୍, ଆରେ ହେୱାନିଙ୍ଗ୍ ଦନ୍ଯବାଦ୍ ହିତାନ୍। ଇୱାନ୍ ଶମିରଣିୟ୍‌ନି ବିନ୍‌ଜାତିନି ମାନାୟ୍ ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:8

ଶିମୋନ ପିତର ଆରେ ୱିଜାକାର୍ କେଉଟାର୍ ଏଚେକ୍ ଜବର୍ ମିନ୍‌କୁ ଆସ୍ତେଙ୍ଗ୍ ଆଡ଼୍‌ତିଲେଙ୍ଗ୍ ଚାନିଆ ଆଜି ହାଚାର୍। ଶିମୋନ ପିତର ଇଦାଙ୍ଗ୍ ହୁଡ଼୍‌ଜି ଯୀଶୁ କାଲ୍‌କୁ ତାରେନ୍ ମେଣ୍ଡାକୁନ୍ଦିକିଜି ଜୱାର୍‌କିଜି ୱେଚ୍‌ଚାନ୍, “ଏ ମାପୃ! ଏନେଙ୍ଗ୍ ନା ଲାଗାୟ୍‌ତାଙ୍ଗ୍ ହାଲା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:42

ଇନେସ୍‌କି ତା ଗାଡ଼୍‍ହି ହାଃନିଲେକେ ଆଜି ମାଚାତ୍। ହେ ଗାଡ଼୍‌ଚେଙ୍ଗ୍ ବାର ବାହ୍‌ରୁ ଆଜି ମାଚାତ୍। ଇବେଣ୍ ୱେନ୍‌ଞ୍ଜି ଯୀଶୁ ଯିହୁଦିର୍ ପାର୍ତାନା ଇଲ୍‌ନି ମୁକ୍ୟା ଯାଇରସ୍‌ ଇଞ୍ଜ ହାନିହିଙ୍ଗ୍ ବେସିହେନି ମାନାୟ୍ ଯୀଶୁ ଚାରିବେଣ୍‌ତାଙ୍ଗ୍ ରୁଣ୍ଡାଆଜି ତା ଜପି ତିବ୍‍ଗା ତିବ୍‍ଗି ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:49

ଯୀଶୁ ହେ କଗ୍‌ଲେ ହୁଦାଙ୍ଗ୍ ବେଣ୍‌କିନିହିଙ୍ଗ୍, ପାର୍ତାନା ଇଲ୍‌ନି ମୁକ୍ଯା ଯାଇରସ୍‌ ଇଞ୍ଜାଙ୍ଗ୍ ରକାନ୍ ୱାଜି ଯାଇରସ୍‌ ତିଙ୍ଗ୍ ୱେଚ୍‌ଚାନ୍, “ମିଞ୍ଜ୍‌କଇ ହାତାତେ, ଗୁରୁଙ୍ଗ୍ ଇନା କିଦେଙ୍ଗ୍ ଆରେ ହଇରାଣ୍ କିନାୟା?”

ଜହନ୍‌ 11:21

ମାର୍ଥା ଯୀଶୁଙ୍ଗ୍ ୱେଚ୍‌ଚାତ୍, “ମାପୃ, ଏନେଙ୍ଗ୍ ଯଦି ଇବେ ମାଚିସ୍, ନା ଟଣ୍ଡେନ୍‌ ହାଃୱାତାନ୍‌ମା।

ପକ୍ୟାତାକା 13:15

ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ସାସ୍ତର୍ ପଡ଼ିକିତି ପାଚେ, ପାର୍ତାନା ଇଲ୍‌ନି ମୁଡ଼୍‌ଦାକାର୍ ହେୱାର୍ ଲାଗାୟ୍ ଇଦାଙ୍ଗ୍ ୱେଚ୍‌ଚି ପକ୍ତାର୍, “ଟଣ୍ଡାର୍‌କାଦେର୍, ମାନାୟାରିଙ୍ଗ୍ ସାହାସ୍ ହିଦେଙ୍ଗ୍ ଇମ୍‌ଣି କାତା ମାଚିସ୍ ୱାଜି ୱେଚାଟ୍।”

ପକ୍ୟାତାକା 18:17

ଲାଗିଙ୍ଗ୍ ହେୱାର୍ ପାର୍ତାନା ଇଲ୍‌ନି ମୁକ୍ୟା ସୋସ୍ତନା ତର୍‌ଦି ମାନାୟ୍‌ତିଙ୍ଗ୍ ଆସ୍ତାର୍, ଆରେ ହେୱାର୍ ବିଚାର୍‌କିନି ବାହା ମୁମ୍‌ଦ ନେ ଟ୍ରାକ୍‌ତାର୍। ମାତର୍ ଗାଲ୍ଲିୟନ୍ ରାଜା ହେ ବିଷୟରେ ମାନ୍‌ଦିୟାନ୍ କିୱାତାନ୍।

ପକ୍ୟାତାକା 18:8

ତାପାଚେ ପାର୍ତାନା ଇଲ୍‌ନି ମୁକ୍ୟା କ୍ରିଷ୍ପ ଆରେ ତା ପରିବାର୍‌ନି ମାନାୟାର୍‌ ମାପୃତାକେ ପାର୍ତି କିତାର୍। ଆରେ ପାଉଲ କାତା କରନ୍ତିୟ ସହର୍‌ତାକେ ମାନି କେତେକ୍ ମାନାୟ୍ ପାର୍ତି କିତାର୍, ଆରେ ଡୁବନ୍ ଅତାର୍।

ପକ୍ୟାତାକା 9:38

ପିତର ଲୁଦ ସହର୍‌ତାକେ ମାନାନ୍ ଇଞ୍ଜି ଚେଲାହିର୍ ପୁଚାର୍, ଇ କାତା ୱେଚ୍‌ଚି ରିକାରିଙ୍ଗ୍ ପକ୍ତାର୍, “ମା ଲାଗାୟ୍ ୱାଦେଙ୍ଗ୍ ଡେରି କିମାଟ୍।” ଲୁଦ ସହର୍ ଯାପା ସହର୍ ଲାଗାୟ୍ ମାଚାତ୍।

ହତ୍‌ତି 5:8

ଏଚେପାଦ୍ନା ହେୱାନ୍ ସାସ୍ତର୍‌ତିଙ୍ଗ୍ ଅତାନ୍‌, ହେପାଦ୍ନା ହେ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ମେଣ୍ଢା ଇନେର୍‌କି ଯୀଶୁ ଆଗେ ମେଣ୍ଢାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍। ୱିଜାର୍ ପ୍ରାଚିନାର୍‌ ମରି ଆରେ ହନାତାଙ୍ଗ୍ ରସ୍ତି ଦୁପ୍‌ନି ମାନି ଗିନାଙ୍ଗ୍ ଆସ୍ତି ମାଚାର୍ ହେ ଦୁପ୍‌ନି ଅର୍ତ ଈଶ୍ୱର ଲକ୍‌ନି ପାର୍ତାନା।