ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:18 - New Testament in Pengo Parja Language

¹⁸ ଲାଗିଙ୍ଗ୍ ଏପେଙ୍ଗ୍ ଇମ୍‌ଣି କାତା ୱେନାଦେର୍, ହେ ବିଷୟତାଙ୍ଗ୍ ପୁନ୍‌ଞ୍ଜି ମାନାଟ୍। ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ଶାକ୍ତି ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍, ଈଶ୍ୱର ହେ ମାନାୟ୍‌ତି ପୁଚାକା ପା ଅନାନ୍।”

ସତ୍‌ ବଚନ୍‌ ପୁନି ନିୟମ୍‌

¹⁸ “ଏପେଙ୍ଗ୍‌, ଇନେସ୍‌ ୱେନାଦେରା ହେ ବିସ୍ରେ ଜାଗ୍ରତ୍‌; ଇନାକିଦେଂକି ଇନେରିଂ ମାନାତ୍‌, ହେୱାନିଂ ହିୟାନାତ୍‌, ଆରେ ଇନେରିଂ ହିଲୁତ୍‌, ହେୱାନ୍‌ ଇନାକା ଜାର୍‍ତି ମାନାତ୍‌ ଇଞ୍ଜି ବାବି କିନାନ୍‌, ହେଦାଂ ପା ହେୱାନ୍‍ ତାଂ ଅୟାନାତ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:18 Iomraidhean Croise

ମାତିଉ 13:12

ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍, ଈଶ୍ୱର ହେ ମାନାୟ୍‌ତି ପୁଚାକା ପା ଅନାନ୍।

ମାତିଉ 25:29

ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍। ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍, ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍। ମାତର୍ ଇମ୍‌ଣି ମାନାୟ୍ ତା ଲାଗାୟ୍ ମାନି ଦର୍‌କାର୍‌ଆନି ଜିନିଷ୍‌ତିଙ୍ଗ୍ ବାଉରା ଆଉନା। ତାବେ ଇନାକାପା ମାନାତ୍, ୱିଜୁ ଜେଲ୍‌ଜି ଅନାର୍।’

ମାର୍କ 13:14

“ଆନେଙ୍ଗ୍ ନଙ୍ଗୟ୍ ଇନାକା ୱେଚ୍‌ଚେଙ୍ଗ୍ ହାନାଙ୍ଗା ପଡ଼ି କିନାକାଦେର୍ ବୁଜାଆଡ। ରଦିନ୍ ଏପେଙ୍ଗ୍ କରାପ୍ ମାନାୟ୍‌ତିଙ୍ଗ୍ ଯିରୁଶାଲାମ ମନ୍ଦିର୍‌ତାକେ ନିଲ୍‌ତାକା ହୁଡ଼୍‌ନାଦେର୍, ଇମ୍‌ଣି ବାହାତାକେ ହେୱାନ୍ ମାନ୍‌ୱାକା ମାଚାତ୍ ହେବାହାତାକେ ହେୱାନ୍ ମାଚିଲେ, ହେ ମନ୍ଦିର୍‌ ବୁଡାଇ କିନାନ୍। ହେପାଦ୍ନା ଯିହୁଦା ଜିଲ୍ଲାତ ମାନାକାଦେର୍ ଜାର୍ ଜିବୁନ୍ ରକ୍ଷା ପାୟା ଆଦେଙ୍ଗ୍ ମାଡ଼ିତ ହନ୍‍ଚିହାଲେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:26

ରାଜା ହେୱାରିଙ୍ଗ୍ ୱେଚ୍‌ଚାନ୍, ‘ଯଦି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍। ହେୱାନ୍‌ତାଙ୍ଗ୍ ହେ ପୁଚାକା ପା ଈଶ୍ୱର କିସ୍ତି ଅନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:44

ଯୀଶୁ ଇନା ଇନାକା କାମାୟ୍ କିଜି ମାଚାନ୍ ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବାଆଜି ମାଚାର୍। ହେପାଦ୍ନା ହେୱାନ୍ ଜାର୍ ଚେଲାହିରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗ୍, ହେଦାଙ୍ଗ୍ ବାଣା ଆମାଟ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍।”

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ପକ୍ୟାତାକା 10:33

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଡେରି କିୱାଦାଙ୍ଗ୍ ନି ଲାଗାୟ୍ ମାନାୟାରିଙ୍ଗ୍ ପକ୍ତାତାଙ୍ଗ୍, ଆରେ ଏନେଙ୍ଗ୍ ୱାଜି ହାର୍ କିତାଇନା। ଲାଗିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ଇନାକା ୱିଜୁ ଆଦେସ୍ ହିତ୍‌ତାନ୍‌ନା, ହେଦାଙ୍ଗ୍ ୱେନି କାଜିଙ୍ଗ୍ ଆପେଙ୍ଗ୍ ୱିଜାକାପ୍ ଈଶ୍ୱର ମୁମ୍‌ଦ ରୁଣ୍ଡା ଆତାପ୍‌ନା।”

ପକ୍ୟାତାକା 17:11

ଥେସଲନିକି ସହର୍‌ତାକେ ମାନି ଯିହୁଦି ମାନାୟାର୍ ଈଶ୍ୱର କାତା ୱେଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାର୍। ମାତର୍ ବେରିୟା ସହର୍‌ନି ମାନାୟାର୍ ୱେଞ୍ଜେଙ୍ଗ୍ ଇଚାକିଜି ମାଚାର୍। ଲାଗିଙ୍ଗ୍ ଇୱାର୍‌ତାଙ୍ଗ୍ ୱିଜୁ କାତା ୱେଚାର୍। ଆରେ ହେୱାର୍ ଇୱିଜୁ କାତା ଟିକ୍ କି ବୁଲ୍ ପୁଞ୍ଜେଙ୍ଗ୍ ୱିଜୁଦିନ୍ ଦରମ୍ ସାସ୍ତର୍ ପଡ଼ିକିଜି ମାଚାର୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

୧ କରନ୍ତିୟ 14:37

ଏପେଙ୍ଗ୍ ଯଦି ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାଦେର୍, ଆରେ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା ବାବିକିନାଦେରା, ଲାଗିଙ୍ଗ୍ ଏପେଙ୍ଗ୍ ପୁନି ଦର୍‌କାର୍ ଯେ ଆନେଙ୍ଗ୍ ଇମ୍‌ଣି ୱିଜୁ ଆଦେସ୍ ୱେଚ୍‌ନାଙ୍ଗା ହେଦାଙ୍ଗ୍ ମାପୃତାଙ୍ଗ୍ ୱାତାତ୍‌ନା।

୧ କରନ୍ତିୟ 3:18

ଏପେଙ୍ଗ୍ ନିଜେ ଟକାୟ୍ କିୟାଆମାଟ୍। ଯଦି ମି ବିତ୍ରେତାଙ୍ଗ୍ ରକାନ୍ ପୁର୍ତିନି ମାନାୟାର୍ ମୁମ୍‌ଦ ଜ୍ଞାନି ଇଞ୍ଜି ବାବିକିନାନା, ହେୱାନ୍ ଜାର୍‌ତିଙ୍ଗ୍ ପୁର୍ତିନି ମାନାୟାର୍ ମୁମ୍‌ଦ ବକୁୱା ଆୟେନ୍, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ମୁମ୍‌ଦ ବୁଦି କାଟାକାଦେର୍ ଆନାଦେର୍।

୧ କରନ୍ତିୟ 8:2

ଯଦି ଏପେଙ୍ଗ୍ ଇନାଦେର୍ ଆନେଙ୍ଗ୍ ଇ ବିଷୟରେ ହାର୍ କିଜି ପୁଚାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ହେ ବିଷୟରେ ହାର୍ କିଜି ପୁନ୍‌ୱାତାଦେର୍‌ନା।

ପିଲିପିୟ 3:4

ଏଲେଙ୍ଗ୍ ଆତିସ୍ ଆନେଙ୍ଗ୍ କିତି ଉପାଇତାଙ୍ଗ୍ ଆହା କିଦେଙ୍ଗ୍ ଆଡ଼୍‌ତାଙ୍ଗ୍‌ମା, ଯଦି ଇନେର୍ ମାନାୟ୍ କିତି ଉପାଇତାକେ ଆହା କିତିସ୍ ଆନେଙ୍ଗ୍ ହେଦାଙ୍ଗ୍‌ତାଙ୍ଗ୍ ଆଦିକ୍ ଆହା କିତାଙ୍ଗ୍‌ମା।

ଏବ୍ରି 2:1

ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଇମ୍‌ଣି ସତ୍ କାତା ୱେଚାସ୍‌ନା ହେଦାଙ୍ଗ୍‌ତିଙ୍ଗ୍ ଆସେଙ୍ଗ୍ ଆଦିକ୍ ମାନ୍‌ଦିୟାନ୍ ହିନି ଦର୍‌କାର୍, ନଇଲେ ଆସେଙ୍ଗ୍ ହାଜି ବାଣା ଆୟିଆନାତ୍।