ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:13 - New Testament in Pengo Parja Language

¹³ କେତେକ୍ ମାନାୟ୍ କାଲ୍‌କୁ କୁଡ଼ିନି ଜମିତ ଆର୍ତି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ୱାରିତାଙ୍ଗ୍ ଆହ୍‌ନାର୍। ମାତର୍ ହେୱାର୍ ଗରବ୍ ବିତ୍ରେ ଈଶ୍ୱର କାତା ହାଲ୍‌ୱିତିଲେ ହେୱାର୍ ଈଶ୍ୱରତାକେ ଅଲପ୍‌ଦିନ୍ ପାର୍ତିକିନାର୍ ଆରେ ଈଶ୍ୱର କାତାକାଜିଙ୍ଗ୍ ଦୁଃକ୍ କଷ୍ଟ ୱାତିସ୍ ହେୱାର୍ ପାର୍ତିତିଙ୍ଗ୍ ପିହ୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

¹³ ଆରେ କାଲ୍‌କୁକୁଡ଼ି ବୁଇଁନି ବିୟାନ୍‌ ଆର୍‌ତି ଲାଗ୍‌ଦି ମାନାୟାରିଂ ବୁଜାଆନାତ୍‌, ହେୱାର୍‌ ବଚନ୍‌ ୱେନ୍‌ଞ୍ଜି ୱାରିତାଂ ଇଟ୍‌ନାର୍‌; ମାତର୍‌ ହେୱାର୍‌ତି ଚିରାହିଲ୍‌ୱିତିଲେ ହେୱାର୍‌ ଅଲପ୍‍ ସମୁ ପାର୍ତି କିତାର୍‌ ଆରି ପରିକ୍ୟା ସମୁତ ଦରମ୍‌ ପିହ୍‌ନାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:13 Iomraidhean Croise

ମାର୍କ 6:20

ମାତର୍ ହେରୋଦ ଯୋହନତିଙ୍ଗ୍ ମାନିକିଜି ମାଚାନ୍, ଇନେସ୍‌କି ହେୱାନ୍ ସଦ୍‌ଦରମ୍ ଆରେ ଦରମ୍ ମାନାୟ୍ ଇଞ୍ଜି ପୁନ୍‌ଞ୍ଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଯୋହନ୍‌ତିଙ୍ଗ୍ ଜଇଲ୍ ଇଞ୍ଜ ହାର୍‌ଦାଙ୍ଗ୍ ଇଡ଼୍‌ଜି ମାଚାନ୍। ଏଚେପାଦ୍ନା ଯୋହନ ହିକ୍ଷା ହିନାକା ୱେନ୍‌ଞ୍ଜି ହେରୋଦ ରାଜା ବାଙ୍ଗାଆଜି ମାଚିସ୍ ପା ତା ବେଣ୍ ୱେଞ୍ଜେଙ୍ଗ୍ ମାନ୍ କିଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:12

ଈଶ୍ୱର କାତା ଆନାତା ୱିତ୍‍ତି ବିୟାନ୍ ଲେକେ। ମାନାୟାର୍ ଈଶ୍ୱର କାତାତିଙ୍ଗ୍ ୱେନାର୍ ମାତର୍ ଶୟତାନ୍ ୱାଜି ୱେଚି କାତାତିଙ୍ଗ୍ ବାଣାଇ କିନାତ୍, ଇନେସ୍‌କି ହେୱାର୍ ଈଶ୍ୱରତାକେ ପାର୍ତି କିମେର୍ ଆରେ ରକ୍ଷା ପାୟାଆମେର୍ ଇଞ୍ଜି ଶୟତାନ୍ ମାନ୍‌କିନାତ୍। ହେୱାର୍ ହାଜ୍‌ଦ ଆର୍ତି ବିୟାନ୍ ଲେକେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:14

ଆରେ କେତେକ୍ ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ୱାତିସ୍ ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କାତାତିଙ୍ଗ୍ ମାନିକିଉର୍।

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ଜହନ୍‌ 15:6

ଇନେର୍ ଯଦି ନାବେ ମାନ୍‌ଗୁନ୍, ଲାଗିଙ୍ଗ୍ ହେୱାନିଙ୍ଗ୍ କେନ୍ଦାଲେକେ ହଣ୍‌ଜି ବାର୍ତ ତୁସିହିନାର୍। ଆରେ ହେ ତୁସିହିତି କେନ୍ଦା ୱାଚ୍‌ନାତ୍। ମାନାୟାର୍ ୱାଚ୍‌ଚି କେନ୍ଦାତିଙ୍ଗ୍ ଅଜି ନାଣିତାକେ ଦେହ୍‌ନାର୍। ହେଦାଙ୍ଗ୍ କାଡ୍‌ନାତ୍।

ଜହନ୍‌ 5:35

ଡୁବନ୍‌ହିନି ଯୋହନ ରକାନ୍ କାଚାଆନି ବଇଟାଲେକେ ଅଜଡ଼୍ ମାଚାନ୍। ଆରେ ଏପେଙ୍ଗ୍ ହେ ଅଜଡ଼୍ ଅଲପ୍ ଦିନ୍‌ତିଙ୍ଗ୍ ହୁଡ଼୍‌ଜି ୱାରି ଆତାଦେର୍।

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।

୧ କରନ୍ତିୟ 15:2

ଇମ୍‌ଣି ହାର୍ଦିକାବୁର୍ ଆନେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ହେ ହାର୍ଦିକାବୁର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍। ଯଦି ଏପେଙ୍ଗ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାକା ବନ୍ଦ୍ କିନାଦେର୍ ଲାଗିଙ୍ଗ୍ ମି ପାର୍ତି ବେକାର୍ ଆନାତ୍‌।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଗାଲାତିୟ 3:4

ଏପେଙ୍ଗ୍ ଖ୍ରୀଷ୍ଟାନ୍ ଆତି ପାଚେ ବେସି ଦୁକ୍‌କଷ୍ଟ ପାୟାଆଜି ମାଚାଦେର୍। ହେଦାଙ୍ଗ୍ ଇନାକା ବେକାରେ ମାଚାତ୍ କି? ହାତ୍‌ପା ହେଲେକେ ହିଲାତାତ୍।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 2:7

ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ଥେସଲନୀକିୟ 3:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

ଏବ୍ରି 10:39

ଇମ୍‌ଣାକାର୍ ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍ ନଷ୍ଟ ଆତାର୍‌ନା, ଆସେଙ୍ଗ୍ ହେୱାର୍ ଦଳ୍ ନିକାସ୍ ଆକାୟ୍। ମାତର୍ ଇମ୍‌ଣାକାର୍ ଈଶ୍ୱରତାକେ ପାର୍ତି କିଜି ଜାର୍ ଜିବୁନ୍ ଉଦାର୍ ପାୟାଆତାର୍‌ନା, ଆସେଙ୍ଗ୍ ହେୱାର୍ ଦଳ୍ ନିକାସ୍।

ଜାକ୍‌ବ 2:26

ଲାଗିଙ୍ଗ୍ ଆତ୍ମା ହିଲ୍‌ୱିତିସ୍ ଗାଗାଡ଼୍ ଇନେସ୍ ହାଃତି ଲେକେ, ହେଲେକେ ନେ ହାର୍ଦି କାମାୟ୍ କିୱାଦାଙ୍ଗ୍ ପାର୍ତି କିନାକା ପା ହାଃତି ଲେକେ।

୨ ପିତର 2:20

ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ହେୱାର୍ ମାପୃ ଆରେ ଉଦାର୍ କିଦ୍‌ନାକାନ୍ ଇଞ୍ଜି ଆସ୍ତି ପାଚେ, ହେୱାର୍ ଇ ଜଗତ୍‌ନି କରାପ୍ ବିଷୟତାଙ୍ଗ୍ ହନ୍‌ଞ୍ଚି ହାଚାର୍‌ନା। ମାତର୍ ହେୱାର୍ ଆରେରଗ ନଙ୍ଗୟ୍ କରାପ୍ କାମାୟ୍ କିନାରା ଆରେ କରାପ୍ କାମାୟ୍ ହେୱାରିଙ୍ଗ୍ କଣ୍ଟ୍ରୁଲ୍ କିନାତା। ଲାଗିଙ୍ଗ୍ ହେୱାର୍ ଖ୍ରୀଷ୍ଟାନ୍ ଆୱି ପରିସ୍ତିତିତାଙ୍ଗ୍ ଖ୍ରୀଷ୍ଟଙ୍ଗ୍ ମାନିକିୱି ପରିସ୍ତିତି ଆଦିକ୍ କରାପ୍ ଆନାତ୍।

୨ ପିତର 2:22

ଇ ରିଣ୍ଡାଙ୍ଗ୍ ଜ୍ଞାନ୍‌ନି କାତାଲେକେ: “ର ନିକୁଡ଼୍ କାକ୍‌ନାତ୍, ଆରେ କାକ୍‌ତି ଜିନିଷ୍‌ତିଙ୍ଗ୍ ନେ ତିନାତ୍ ଆରେ ରକାନ୍ ର ପାଞ୍ଜିତିଙ୍ଗ୍ ଏଜୁଙ୍ଗ୍ ଇତ୍‌ପିତି ପାଚେ, ଆରେରଗ ହେ ପାଞ୍ଜି ହାଲ୍‌ଜି କାଦତାକେ ହୁଞ୍ଜ୍‌ନାତ୍।” ଇ ବୁଲ୍ ହିକ୍ଷାହିନି ମାଷ୍ଟେରାର୍ ଇଲେକେ।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।

ଜିହୁଦା 1:12

ମାପୃ ଲାଡ୍‌ତିଙ୍ଗ୍ ମାନ୍ତ ଏତୁକିନି ଲାଡ୍‌ନି ବଜିତାକେ ଏଚେପାଦ୍ନା ହେୱାର୍ ମିହୁଦାଙ୍ଗ୍ ତିନାର୍, ହେପାଦ୍ନା ଡଙ୍ଗାତିଙ୍ଗ୍ ମୁଚ୍‌ନି କାଜିଙ୍ଗ୍ ହାମ୍‌ଦୁର୍ ତାରେନ୍ ଡ଼ୁଗ୍‌ଜିମାଚି କାଲ୍‌ଲେକେ ହେୱାର୍ ବୟଙ୍କାର୍ ମାନାୟ୍। ହେୱାର୍ ଲାଜ୍ ହିଲ୍‌ୱି ମାନାୟ୍ ଲେକେ ଜାର୍-ଜାର୍ କାଜିଙ୍ଗ୍ ନେ ଚିନ୍ତା କିନାର୍। ହେୱାର୍ ମେଦ୍‌ନିତାକେ ବାହ୍‌ରା ୱାୱି ବାଦାଡ଼୍ ଲେକେ। କାଟା ବେଟାକିନି ସମୟ୍‌ନି ମାର୍‌କୁ ଲେକେ ହେୱାର୍ ପୁରାପୁରି ହାଃତାର୍‌ନା, ଇନେସ୍‌କି ହେୱାର୍ ପାଡ଼୍‌ ଆହୁର୍ ଆରେ ଦଲ୍‌ଦାଙ୍ଗ୍ ଜେଲି ଆତାର୍‌ନା।