ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:8 - New Testament in Pengo Parja Language

⁸ ଆନେଙ୍ଗ୍ ପା ରକାନ୍ ଗାଜାକାନ୍ ତାକେ କାମାୟ୍ କିନାଙ୍ଗା। ନା ତାରେନ୍ କେତେକ୍ ସେନାର୍ ମାନାର୍, ଆନେଙ୍ଗ୍ ଯଦି ର ସେନାଙ୍ଗ୍ ୱେଚ୍‌ନାଙ୍ଗ୍, ହାଲା ଇଚିସ୍ ହେୱାନ୍ ହାନାନ୍। ଆନେଙ୍ଗ୍ ଯଦି ଆରେ ରକାନିଙ୍ଗ୍ ୱେଚ୍‌ନାଙ୍ଗ୍ ୱା ଇଚିସ୍ ହେୱାନ୍ ୱାନାନ୍। ଆନେଙ୍ଗ୍ ଯଦି ନା ହଲିଆଙ୍ଗ୍ ଇଦାଙ୍ଗ୍ କିୟା ଇଚିସ୍ ହେୱାନ୍ ହେଦାଙ୍ଗ୍ କିନାନ୍।”

ସତ୍‌ ବଚନ୍‌ ପୁନି ନିୟମ୍‌

⁸ ଇନାକିଦେଂକି ଆନ୍‌ ରୱାନ୍‌ ବାନ୍ୟା ମାନାଙ୍ଗ୍‌ ଆତିସ୍‌ ପା ନା ତାରେନ୍‌ ମେଲ୍ୟାର୍‌ ମାନାର୍‌; ଆରେ, ଆନ୍‌ ରୱାନିଂ ଆଦିକାର୍‌ ହିତିସ୍‌ ହେୱାନ୍‌ ହାନାନ୍‍; ଆରେ ରୱାନିଂ ୱା ଇଚିସ୍‌ ହେୱାନ୍‌ ୱାନାନ୍‍; ମାତର୍‌ ନା ହଲ୍ୟା ଇଦାଂ କିୟା ଇଚିସ୍‌ ହେଦାଂ କିନାନ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:8 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:7

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ମି ଲାଗାୟ୍ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାଙ୍ଗ୍। ଏନେଙ୍ଗ୍ ଆପ୍‌କା ଆଦେସ୍ ହିୟା ନା ହଲିଆ ହାର୍ ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:9

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ହେୱାନ୍ ତାପାଚେ ୱାଜିମାଚି ମାନାୟାର୍ ନିପଣ୍ ବୁଲାଆଜି ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଇଲେକେ ପାର୍ତି କିନାକାର୍ ଇସ୍ରାଏଲ ଜାତିତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍।”

ପକ୍ୟାତାକା 23:17

ଲାଗିଙ୍ଗ୍ ପାଉଲ ରକାନ୍ ଶହେ ସେନାର୍ ମୁକ୍ୟାଙ୍ଗ୍ କୁକ୍‌ଚି ୱେଚ୍‌ଚାନ୍, “ଇ ହିମ୍‌ଣାତିଙ୍ଗ୍ ହାଜାର୍ ସେନାର୍ ମୁକ୍ୟାତାକେ ଅସାହାଲାଟ୍, ହେୱାନ୍ ମୁକ୍ୟାଙ୍ଗ୍ ର କାବୁର୍ ୱେଚ୍‌ନାକା ମାନାତ୍।”

ପକ୍ୟାତାକା 23:23

ପାଚେ ହାଜାର୍ ସେନାର୍ ମୁକ୍ୟା ଶହେ ସେନାର୍ ରିକାର୍ ମୁକ୍ୟାଙ୍ଗ୍ କୁକ୍‌ଚି ୱେଚ୍‌ଚାନ୍, “ନେଞ୍ଜେଙ୍ଗ୍ ମିକା ନଟା ୱେଡ଼ାଙ୍ଗ୍ କାଇସରିଆ ସହର୍‌ତାକେ ହାଞ୍ଜେଙ୍ଗ୍ ଦୁଇଶ ଜାଣ୍ ସେନାରିଙ୍ଗ୍, ସତୁରି ଜାଣ୍‌ତିଙ୍ଗ୍ ଗଡ଼ା ଚାଲାଇ କିଦେଙ୍ଗ୍ ଆରେ ଦୁଇଶ ବାଲା ଆହ୍‌ନି ଲଗାଙ୍ଗ୍ ରେଡି କିୟାଟ୍।

ପକ୍ୟାତାକା 23:26

ଆନେଙ୍ଗ୍ କ୍ଲାଉଦିଅ ଲୁସିୟା, ମହାଶୟ୍ ଗବର୍‌ନର୍ ଫେଲିକ୍‌ସ ଜୁୱାର୍।

ପକ୍ୟାତାକା 23:31

ହାଜାର୍ ସେନାର୍ ମୁକ୍ଯା ଇନେସ୍ ୱେଚ୍‌ଚି ମାଚାନ୍ ହେଲେକେ ସେନାର୍ ପାଉଲତିଙ୍ଗ୍ ଆସ୍ତି ଆନ୍ତିପାତ୍ରି ସହର୍‌ତାକେ ହେ ନାଣା ଅସାହାଚାର୍।

ପକ୍ୟାତାକା 24:23

ଆରେ ହେ ରାଜା ଶହେ ସେନାର୍ ମୁକ୍ୟା ଆଦେସ୍ ହିତାନ୍, ପାଉଲତିଙ୍ଗ୍ ଜଇଲ୍ ଇଞ୍ଜ ହାର୍‌ଦାଙ୍ଗ୍ ଦେକାଶୁଣା କିୟାଟ୍, ଆରେ ତା ହାଙ୍ଗ୍‌ଦାକାର୍ ୱାଜି ହେୱାନିଙ୍ଗ୍ ହେବା କିତିସ୍ ମୁନା କିମାଟ୍।

ପକ୍ୟାତାକା 25:26

ମାତର୍ ଇୱାନ୍ ବିଷୟରେ ମହା ରାଜା ଲାଗାୟ୍ ଚିଟି ଲେକିକିଦେଙ୍ଗ୍ ଇନା ବିଷୟ ପା ଗାଟାଆଦ୍‌ୱାତାତ୍। ଲାଗିଙ୍ଗ୍ ଇୱାନ୍ ବିଷୟରେ ଆନେଙ୍ଗ୍ ମହା ରାଜାତାକେ ଇନେସ୍ ର ବିଷୟ ଲେକିକିଦେଙ୍ଗ୍ ଆଡ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଇୱାନିଙ୍ଗ୍ ଆଗ୍ରିପା ରାଜା ଆରେ ମି ଲାଗାୟ୍ ତାହିୱାତାଙ୍ଗ୍‌ନା।

କଲସିୟ 3:22

ଏ ଦାସ୍ ମାନାୟ୍ କାଦେର୍ ହେୱାନ୍ ମାନିହିଙ୍ଗ୍ ନେ କାମାୟ୍ କିମାଟ୍, ମାତର୍ ହେୱାନ୍ ହିଲ୍‌ୱିହିଙ୍ଗ୍ ପା କାମାୟ୍ କିୟାଟ୍। ଏପେଙ୍ଗ୍ ମାପୃଙ୍ଗ୍ ପାଣ୍ଡ୍ରାଆନି କାଜିଙ୍ଗ୍ ୱିଜୁଦିନ୍ ହେୱାରିଙ୍ଗ୍ ୱାରି ଆତିଲେକେ କାମାୟ୍ କିଜି ହାର୍ଦି ମାନ୍‌ତାଙ୍ଗ୍ କିୟାଟ୍।