ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:6 - New Testament in Pengo Parja Language

⁶ ଲାଗିଙ୍ଗ୍ ଯୀଶୁ ହେୱାର୍ ଲାହାଙ୍ଗ୍ ହାଞ୍ଜେଙ୍ଗ୍ ହତାନ୍। ଯୀଶୁ ସେନାର୍ ମୁଡ଼୍‌ଦାକାନ୍ ଇଲ୍ ଲାଗାୟ୍ ୱାଜି ଏକିତି ୱେଡ଼ାଲିଙ୍ଗ୍, ସେନାର୍ ମୁଡ଼୍‌ଦାକାନ୍ ରକାନ୍ ଜାର୍ ହାଙ୍ଗ୍‌ଦାକାରିଙ୍ଗ୍ ଯୀଶୁ ଲାଗାୟ୍ ଇବେଣ୍ ୱେଚ୍‌ନି କାଜିଙ୍ଗ୍ ପକ୍ତାନ୍, “ମାପୃ ଏନେଙ୍ଗ୍ ଆରେ କଷ୍ଟ ଆମା। ଇନେସ୍‌କି ଆନେଙ୍ଗ୍ ଏଚେକ୍ ହାର୍ ଆକାଇ ଯେ ଏନେଙ୍ଗ୍ ମାଞ୍ଜ ୱାନାୟ୍।

ସତ୍‌ ବଚନ୍‌ ପୁନି ନିୟମ୍‌

⁶ ହେବେ ଜିସୁ ହେୱାର୍‌ ଲାହାଙ୍ଗ୍‌ ରଚେ ହାଚାନ୍‌ । ହେୱାନ୍‌ ଇଞ୍ଜାଙ୍ଗ୍‌ ଅଲପ୍‍ ଦେହା ଆତିଲେ, ପାଞ୍ଚକଡ଼ି ମେଲ୍ୟାର୍‌ ହାଙ୍ଗ୍‌ଦାକାରିଂ ପକ୍‌ଚି ତାଙ୍ଗେଙ୍ଗ୍‌ ଇଚାର୍‌, “ମାପ୍ରୁ କସ୍ଟ କିଦ୍‌ମା; ଇନାକିଦେଂକି ଏନ୍‌ ଜେ ମା ଇଞ୍ଜ କାଲ୍‌ ତଗ୍‌ନାୟ୍‌, ଆନ୍‌ ଏଲେଙ୍ଗ୍‌ ବାର୍‌ତି ଇନାକା ହିଲୁତ୍‌;

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:6 Iomraidhean Croise

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 3:11

“ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାତିଲେ ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ନା ପାଚେ ଇନେର୍ ୱାନାନା, ହେୱାନ୍ ନା ତାକେତାଙ୍ଗ୍ ବେସି ସାକ୍ତିକାଟାକାନ୍। ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଆସ୍ତେଙ୍ଗ୍ ପା ସାମାନ୍ ଆକାୟ୍। ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ମାର୍କ 5:24

ଯୀଶୁ ତା ହୁଦାଙ୍ଗ୍ ହାନିହିଙ୍ଗ୍ ମାନାୟାର୍ ଯୀଶୁ ପାଚେ-ପାଚେ ହାଚାର୍, ଆରେ ତା ଜପି ତିବ୍‍ଗା ତିବ୍‍ଗି ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:8

ଶିମୋନ ପିତର ଆରେ ୱିଜାକାର୍ କେଉଟାର୍ ଏଚେକ୍ ଜବର୍ ମିନ୍‌କୁ ଆସ୍ତେଙ୍ଗ୍ ଆଡ଼୍‌ତିଲେଙ୍ଗ୍ ଚାନିଆ ଆଜି ହାଚାର୍। ଶିମୋନ ପିତର ଇଦାଙ୍ଗ୍ ହୁଡ଼୍‌ଜି ଯୀଶୁ କାଲ୍‌କୁ ତାରେନ୍ ମେଣ୍ଡାକୁନ୍ଦିକିଜି ଜୱାର୍‌କିଜି ୱେଚ୍‌ଚାନ୍, “ଏ ମାପୃ! ଏନେଙ୍ଗ୍ ନା ଲାଗାୟ୍‌ତାଙ୍ଗ୍ ହାଲା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:4

ହେ ନାୟକାର୍ ଯୀଶୁ ଲାଗାୟ୍ ହାଚାର୍ ଆରେ ବେସି ଗୁୱାରି କିଜି ୱେଚ୍‌ଚାର୍, “ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦି ହଲିଆହିଙ୍ଗ୍ ଏନେଙ୍ଗ୍ ହାର୍‌କିନି ଦର୍‌କାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:5

ଇନେସ୍‌କି ହେୱାନ୍ ମା ଲକ୍‌ତିଙ୍ଗ୍ ଲାଡ୍ କିନାନ୍ ଆରେ ମା କାଜିଙ୍ଗ୍ ଯିହୁଦିର୍ ପାର୍ତାନା ଇଲ୍ ରସ୍ତି ହିଦ୍‌ନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:7

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ମି ଲାଗାୟ୍ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାଙ୍ଗ୍। ଏନେଙ୍ଗ୍ ଆପ୍‌କା ଆଦେସ୍ ହିୟା ନା ହଲିଆ ହାର୍ ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:49

ଯୀଶୁ ହେ କଗ୍‌ଲେ ହୁଦାଙ୍ଗ୍ ବେଣ୍‌କିନିହିଙ୍ଗ୍, ପାର୍ତାନା ଇଲ୍‌ନି ମୁକ୍ଯା ଯାଇରସ୍‌ ଇଞ୍ଜାଙ୍ଗ୍ ରକାନ୍ ୱାଜି ଯାଇରସ୍‌ ତିଙ୍ଗ୍ ୱେଚ୍‌ଚାନ୍, “ମିଞ୍ଜ୍‌କଇ ହାତାତେ, ଗୁରୁଙ୍ଗ୍ ଇନା କିଦେଙ୍ଗ୍ ଆରେ ହଇରାଣ୍ କିନାୟା?”

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ଜାକ୍‌ବ 4:10

ମାପୃ ଲାଗାୟ୍ ଜାର୍‌ତିଙ୍ଗ୍ ହିରୁ କିୟାଟ୍, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଉନତି କିଦ୍‌ନାନ୍।

ଜାକ୍‌ବ 4:6

ଈଶ୍ୱର ମାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଲେକା ମାନାତ୍, “ଆକାର୍ ଆନାକାରିଙ୍ଗ୍ ଈଶ୍ୱର ବିରଦ୍ କିନାନ୍। ମାତର୍ ସାଦୁ ମାନାୟ୍‌ତିଙ୍ଗ୍ ହେୱାନ୍ ଦୟା କିନାନ୍।”