ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:47 - New Testament in Pengo Parja Language

⁴⁷ ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ଇଦେଲ୍‌ତାଙ୍ଗ୍ ବେସି ପାପ୍ କେମା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ହେଦେଲ୍ ବେସି ଲାଡ୍ କିତ୍‌ତାତ୍‌ନା। ମାତର୍ ଇନେରିଙ୍ଗ୍ ଅଲପ୍ ପାପ୍ କେମା ଆତାତ୍ ହେୱାନ୍ ନାଙ୍ଗେଙ୍ଗ୍ ଅଲପ୍ ନେ ଲାଡ୍ କିଦ୍‌ନାନ୍।”

ସତ୍‌ ବଚନ୍‌ ପୁନି ନିୟମ୍‌

⁴⁷ ଲାଗିଂ ଆନ୍‌ ନିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, ଇଦେଲ୍‌ତି ଆଦିକ୍‌ ପାପ୍‌ କେମା ଆତାତ୍‌ନ୍ନା, ଇନାକିଦେଂକି ହେଦେଲ୍‌ ବେସି ଜିଉନନାନ୍; ମାତର୍‌ ଇନେରିଂ ଅଲପ୍‍ କେମା ହିୟାଆନାତ୍, ହେୱାନ୍‌ ଅଲପ୍‍ ଲାଡ୍‍ କିନାନ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:47 Iomraidhean Croise

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:39

ଇମ୍‌ଣି ପାରୁସି ଯୀଶୁଙ୍ଗ୍ ତାଞ୍ଜ କୁକ୍‌ଚି ମାଚାନ୍, ହେୱାନ୍ ଇୱିଜୁ ହୁଡ଼୍‌ତାନ୍। ଆରେ ହେୱାନ୍ ତା ମାନ୍ତ ବାବିକିତାନ୍, “ଯୀଶୁ ଯଦି ହାତ୍‌ପା ରକାନ୍ ଭବିଷ୍ଯତବକ୍ତା ଆତାନ୍‌ମା, ଲାଗିଙ୍ଗ୍ ହେୱାନ୍ ହାତ୍‌ପା ପୁଚାନ୍‌ମା ଯେ, ହେୱାନ୍ ପୁଚାନ୍‌ମା ହେୱାନିଙ୍ଗ୍ ଇନେସ୍ ଲେଗ୍‌ଦି କଗ୍‌ଲେ ଆସ୍‌ପାତାତ୍ ହେଦାଙ୍ଗ୍ ପୁଚାନ୍‌ମା। ଇନେସ୍‌କି ହେଦେଲ୍ ରଞ୍ଜେଲ୍ ପାପି କଗ୍‌ଲେ ମାଚାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:46

ଏନେଙ୍ଗ୍ ନା କାପ୍ଡ଼ାତାକେ ଚିକାଣ୍ ଇତ୍‌ପା ଆଦ୍‌ୱାତାଇ, ମାତର୍ ଇ କଗ୍‌ଲେ ନା କାଲ୍‌ପାନାକାଙ୍ଗ୍ ବାସ୍ନା ଚିକାଣ୍ ଇତ୍‌ପାଆତ୍‌ତାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:48

ତାପାଚେ ଯୀଶୁ ହେ କଗ୍‌ଲେଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନି ପାପ୍ ୱିଜୁ କେମା କିତ୍‌ତାଙ୍ଗ୍‌ନା।”

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ରୋମିୟ 5:20

ଈଶ୍ୱର ହିତି ନିୟମ୍ କାଜିଙ୍ଗ୍ ମାନାୟାର୍ ନିଜେ ବେସି ପାପ୍‌ କିନାପା ଇଞ୍ଜି ପୁଚାର୍। ମାତର୍ ଏଚେପାଦ୍ନା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ ପାପ୍ କିତାର୍, ହେପାଦ୍ନା ଈଶ୍ୱର ମାନାୟାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଦୟା କିତାନ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

ପିଲିପିୟ 1:9

ଆନେଙ୍ଗ୍ ମି କାଜିଙ୍ଗ୍ ଇ ପାର୍ତାନା କିନାଙ୍ଗା, ଜ୍ଞାନ୍ ଆରେ ବୁଦିତାଙ୍ଗ୍ ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ ବେସି ଲାଡ୍ କିବା ଆଡ।

୧ ତିମତି 1:14

ମା ମାପୃ ନାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ଆନେଙ୍ଗ୍ ଯୀଶୁ ଖ୍ରୀଷ୍ଟତାକେ ମାହାଆଜି ମାନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ ଆରେ ଲାଡ୍ ହିତ୍‌ତାନ୍‌ନା।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 3:18

ଏ କାଡ଼୍‌ଦେର୍, ଏପେଙ୍ଗ୍ ବେଣ୍-ବେଣ୍‌ତାଙ୍ଗ୍ ଲାଡ୍ କିମାଟ୍, ମାତର୍ ହେୱାରିଙ୍ଗ୍ ସାଇଜ କିଜି, ହାତ୍‌ପା ଲାଡ୍‌କିନି ଦର୍‌କାର୍।

୧ ଯୋହନ 4:19

ଈଶ୍ୱର ପାର୍ତୁମ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା।

୧ ଯୋହନ 5:3

ଈଶ୍ୱରତିଙ୍ଗ୍ ଲାଡ୍‌କିନି ଅର୍ତ, ତା ଆଦେସ୍‌ତିଙ୍ଗ୍ ମାନିକିନାକା, ଆରେ ତା ଆଦେସ୍ ୱିଜୁ କଷ୍ଟ ଆକାୟ୍।