ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:42 - New Testament in Pengo Parja Language

⁴² ଏଚେକାଡ଼୍‌ଦ ହେୱାର୍‌ତାକେ ଡାବୁଙ୍ଗ୍ ହିଲ୍‌ୱିତିଲେ ହେୱାର୍ ଋଣ୍ ହୁଜାଆୱାଦାଙ୍ଗ୍ ମାଚାର୍। ଲାଗିଙ୍ଗ୍ ହାଉକାର୍ ରିକାରିଙ୍ଗ୍ ଋଣ୍ ପିସ୍ତି ହିତାନ୍। ଲାଗିଙ୍ଗ୍ ଇ ରିକାର୍ ବିତ୍ରେତାଙ୍ଗ୍ ଇନେର୍ ହାଉକାର୍‌ତିଙ୍ଗ୍ ବେସି ଲାଡ୍ କିନାର୍?”

ସତ୍‌ ବଚନ୍‌ ପୁନି ନିୟମ୍‌

⁴² ହୁଜାଆଦେଂ ହେୱାର୍‌ତି ଇନାକା ହିଲ୍‍ୱିତିଲେ ହେୱାନ୍‌ ରିଆର୍‌ତି କେମା କିତାନ୍‌ । ଲାଗିଂ ହେୱାର୍‌ ବିତ୍ରେ ଇନେର୍‌ ତାଙ୍ଗେଙ୍ଗ୍‌ ଆଦିକ୍‌ ଜିଉନନାନ୍ ?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:42 Iomraidhean Croise

ମାତିଉ 18:27

ହେବେତାଙ୍ଗ୍ ରାଜା ହଲିଆହିଙ୍ଗ୍ କେମା କିତାନ୍, ଆରେ ହେୱାନ୍ ତା ଋଣ୍ ପିସ୍ତି ହେ ହିଲିଆହିଙ୍ଗ୍ ପକ୍ତାନ୍।

ମାତିଉ 18:34

ଲାଗିଙ୍ଗ୍ ରାଜା ବେସି ରିସା ଆତାନ୍ ଆରେ ୱିଜୁ ଋଣ୍‌ହୁଜା ଆୱି ପାତେକ୍ ହେୱାନିଙ୍ଗ୍ ଜଇଲ୍ ଇଞ୍ଜ ପକ୍ତାନ୍।

ମାତିଉ 6:12

ଆରେ ଆପେଙ୍ଗ୍ ଇନେସ୍ କିଜି ଜାର୍-ଜାର୍ ବିରୁଦ୍ ନିକାରିଙ୍ଗ୍ ପାପ୍ କେମା କିତାପ୍‌ନା, ହେଲେକେନେ ମା ପାପ୍ ୱିଜୁ କେମା କିଦା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:43

ଶିମୋନ ୱେଚ୍‌ଚାନ୍, “ଆନେଙ୍ଗ୍ ବାବିକିନାଙ୍ଗା, ଇନେର୍ ଆଦିକ୍ ଡାବୁଙ୍ଗ୍ ରୁଣ୍ ଅଜି ମାଚାନ୍, ହେୱାନ୍ କେମା ପାୟା ଆନାନ୍।” ଯୀଶୁ ଶିମୋନତିଙ୍ଗ୍‌ ୱେଚ୍‌ଚାନ୍, “ଏନେଙ୍ଗ୍ ଟିକ୍ କାତା ୱେଚ୍‌ନାୟା।”

ରୋମିୟ 3:24

ଈଶ୍ୱର ମାଙ୍ଗେଙ୍ଗ୍ ଦୟାକିତ୍‌ତାନ୍। ହେୱାନ୍ ମାଙ୍ଗେଙ୍ଗ୍ ଯୀଶୁ ମାପୃ ଖ୍ରୀଷ୍ଟଙ୍ଗ୍ ହିତ୍‌ତାନ୍, ଆରେ ଆସେଙ୍ଗ୍ କିତି ପାପ୍ କାଜିଙ୍ଗ୍ ଯୀଶୁ ମାପୃ ହାଃତାନ୍। ଇଲେକେ ଈଶ୍ୱର ମାଙ୍ଗେଙ୍ଗ୍ ମୁକ୍ତି କିଜି ଦରମ୍ ମାନାୟ୍ କିତ୍‌ତାନ୍‌ନା।

ରୋମିୟ 5:6

ଏଚେପାଦ୍ନା ମାଙ୍ଗେଙ୍ଗ୍ ସାଇଜ ଦର୍‌କାର୍ ମାଚାତ୍, ଟିକ୍ ହେପାଦ୍ନା ଯୀଶୁ ଖ୍ରୀଷ୍ଟ ୱାତାନ୍ ଆରେ ମା ପାପ୍ କାଜିଙ୍ଗ୍ ହାଃତାନ୍।

ଗାଲାତିୟ 3:10

ମାତର୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଇମ୍‌ଣାକାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ଆହା କିନାନ୍, ଈଶ୍ୱର ହେୱାରିଙ୍ଗ୍ ଅବିଶାପ୍ ହିନାନ୍। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣାକାନ୍ ମୋଶା ଲେକିକିତି ସାସ୍ତର୍‌ନି ନିୟମ୍ ୱିଜୁତିଙ୍ଗ୍ ମାନ୍‌ଦିୟାନ୍ କିଜି ମାନିକିୱିତିସ୍, ଈଶ୍ୱର ହେୱାନିଙ୍ଗ୍ ଅବିଶାପ୍ ହିନାନ୍।”

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

କଲସିୟ 3:13

ଯଦି ମି ବିତ୍ରେ ଇନେର୍ ବୁଲ୍ କିତିସ୍ ସମ୍ୱାଲି କିୟାଟ୍, ମି ବିରଦ୍‌ତାକେ ଅପ୍‌ମାନ୍ କିଦ୍‍ନାକାରିଙ୍ଗ୍ କେମା କିୟାଟ୍। ଇନେସ୍‌କି ମାପୃ ମିଙ୍ଗେଙ୍ଗ୍ କେମା କିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ପା ମାନାୟାରିଙ୍ଗ୍ କେମା କିୟାଟ୍।