ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:34 - New Testament in Pengo Parja Language

³⁴ ମାତର୍ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଣ୍ଡେଙ୍ଗ୍ କି ଚିଞ୍ଜେଙ୍ଗ୍, ୱାତାୟ୍‌ନା ଇଞ୍ଜି ମାନାୟାର୍ ୱେଚ୍‌ଚାତାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’

ସତ୍‌ ବଚନ୍‌ ପୁନି ନିୟମ୍‌

³⁴ ମାନାୟ୍‌ ମାଜ଼ି ୱାଜ଼ି ତିନାଉଣା କିନାନ୍‌, ଆରେ ଏପେଙ୍ଗ୍‌ ଇନାଦେରା, ହୁଡ଼ାଟ୍‌, ଇୱାନ୍‌ ରକାନ୍‌ ବାତ୍‌ୱା ଆରି ମଦ୍‌ୱା, ସିସ୍ତୁଏନ୍‌ନାକାର୍‌ ଆରି ପାପିୟାର୍‌ ହାଙ୍ଗ୍‌ଦାକାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:34 Iomraidhean Croise

ମାତିଉ 11:19

ମାତର୍ ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଟାନ୍ ଚିଚାନ୍, ମାନାୟାର୍ ହେୱାନିଙ୍ଗ୍ ୱେଚ୍‌ଚାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’ ମାତର୍ ରକାନିଙ୍ଗ୍ ତା କାମାୟ୍‌ତିଙ୍ଗ୍ ହୁଡ଼୍‌ଜି ତା ବୁଦି ଆରେ ଜ୍ଞାନ୍‌ତିଙ୍ଗ୍ ପୁନିଆନାତ୍।”

ମାତିଉ 5:46

ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଲାଡ୍ କିଦ୍‌ନାର୍, ଏପେଙ୍ଗ୍ ପା ଆପ୍‌କା ହେ ମାନାୟାରିଙ୍ଗ୍ ଲାଡ୍ କିନାଦେରା, ହେୱାରିଙ୍ଗ୍ ଲାଡ୍ କିତିସ୍ ମିଙ୍ଗେଙ୍ଗ୍ ଇନା ପୁରଷ୍କାର୍ ଗାଟାଆଦ୍‍ନାତ୍? ସିସ୍ତୁଅନାକାନ୍ ପା ହେଲେକେ କିନାନ୍।

ମାତିଉ 9:11

ଇଦାଙ୍ଗ୍ ହୁଡ଼୍‌ଜି ପାରୁସିଦଳ୍‍ନି ମାନାୟାର୍ ଯୀଶୁ ଚେଲାହିରିଙ୍ଗ୍ ୱେଚ୍‌ଚାର୍, ମି ଗୁରୁ ଇନେସ୍‌କିଜି ପାପି ଆରେ ସିସ୍ତୁଏନ୍‌ନାକାର୍ ହୁଦାଙ୍ଗ୍ କୁଚ୍‌ଚି ତିନାନା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:37

ଯୀଶୁ ତା କାତା ୱେଚ୍‌ଚି ୱିସ୍ତି ପାଚେ ରକାନ୍ ପାରୁସି ଯୀଶୁଙ୍ଗ୍ ତା ଲାହାଙ୍ଗ୍ ଚିଞ୍ଜେଙ୍ଗ୍ ଗୁୱାରି କିତାନ୍। ଲାଗିଙ୍ଗ୍ ଯୀଶୁ ଇଲ୍ ବିତ୍ରେ ହାଚାନ୍ ଆରେ ଚିଞ୍ଜେଙ୍ଗ୍ କୁଚ୍‌ଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:1

ଦିନେକ୍ ଜମ୍‌ନିଦିନ୍‌ ନାଞ୍ଜିଙ୍ଗ୍ ଯୀଶୁ ପାରୁସିଦଳ୍‍ନି ର ମୁଡ଼୍‌ଦି ପାରୁସି ଇଞ୍ଜ ତା ଲାହାଙ୍ଗ୍ ରବେ ଚିଞ୍ଜେଙ୍ଗ୍ ହାଚାନ୍। ହେବେ ମାନି ୱିଜାକାର୍ ଯୀଶୁଙ୍ଗ୍ ବୁଲ୍ ଆସ୍ତେଙ୍ଗ୍ ହୁଡ଼୍‌ଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:2

ଇଦାଙ୍ଗ୍ ହୁଡ଼୍‌ଜି ପାରୁସିଦଳ୍‍ ଆରେ ପଣ୍ଡିତାର୍ ଇନସ୍ତାକିଜି ୱେଚ୍‌ଚେଙ୍ଗ୍ ଆରମ୍ କିତାର୍, “ହୁଡ଼ାଟ୍ ଇୱାନ୍ ପାପିରିଙ୍ଗ୍ କୁକ୍‍ନାନା ଆରେ ଏଲେଙ୍ଗ୍ ବାର୍ତି ମାନାୟାର୍ ହୁଦାଙ୍ଗ୍ ତିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:7

ଇଦାଙ୍ଗ୍ ହୁଡ଼୍‌ଜି ୱିଜାକାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ହୁଡ଼ାଟ୍, ଯୀଶୁ ଇନେସ୍ ରକାନ୍ ପାପି ଇଞ୍ଜ ମାଞ୍ଜେଙ୍ଗ୍ ହାଚାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:29

ତାପାଚେ ଲେବି ତାଞ୍ଜ ଯୀଶୁ କାଜିଙ୍ଗ୍ ର ଗାଜାବଜି କିତାନ୍। ହେପାଦ୍ନା କେତେକ୍ ସିସ୍ତୁଏନ୍‌ନାକାର୍ ଆରେ ଜେକନି ମାନାୟାର୍ ଯୀଶୁ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:33

ଡୁବନ୍‌ହିନି ଯୋହନ ୱାଜି ରୁଟି ତିନ୍‌ୱାତାନ୍ ଆରେ ଅଙ୍ଗୁର୍ ରାସ୍ ଉଣ୍‌ୱାଦାଙ୍ଗ୍ ମାଚାନ୍। ମାତର୍ ମାନାୟାର୍ ହେୱାନିଙ୍ଗ୍ ୱେଚ୍‌ଚାର୍, ‘ହେୱାନିଙ୍ଗ୍ ବୁତ୍ଆତ୍ମା ଡୁତାତ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:35

ମାତର୍ ଈଶ୍ୱର ହିମ୍‌ଣାର୍ କାମାୟ୍‌ତିଙ୍ଗ୍ ହୁଡ଼୍‌ଜି, ମାନାୟାର୍ ହେୱାର୍ ବୁଦି ଆରେ ଜ୍ଞାନ୍‌ତିଙ୍ଗ୍ ପୁନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:36

ପାରୁସିଦଳ୍‍ ବିତ୍ରେତାଙ୍ଗ୍ ରକାନ୍ ଯୀଶୁ ହୁଦାଙ୍ଗ୍ ତିନି କାଜିଙ୍ଗ୍ ତାଞ୍ଜ କୁକ୍‌ତାନ୍। ହେଦାଙ୍ଗ୍ ଯୀଶୁ ହେ ପାରୁସିର୍ ଇଞ୍ଜ ହାଚାନ୍ ଆରେ ଚିଞ୍ଜେଙ୍ଗ୍ କୁଚ୍‌ଚାନ୍।

ଜହନ୍‌ 12:2

ହେବେ ଯୀଶୁ କାଜିଙ୍ଗ୍ ର ବଜି କିଜି ମାଚାର୍। ମାର୍ଥା ବୁଲାଇ କିଜି ହିଜିମାଚାତ୍‌। ଯୀଶୁ ହୁଦାଙ୍ଗ୍ ଲାଜର୍‌ ପା ବଜି ଚିଞ୍ଜେଙ୍ଗ୍ କୁଚ୍‌ଚି ମାଚାନ୍।