ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:17 - New Testament in Pengo Parja Language

¹⁷ ଯୀଶୁ ବିଷୟରେ ଇବେଣ୍ ଯିହୁଦା ଜିଲ୍ଲା ଆରେ ଲାଗାୟ୍ ଲାଗାୟ୍‌ନି ୱିଜୁ ସହର୍ ନିପଣ୍ ବିଚାଆତାତ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ପାଚେ, ଜିସୁ ବିସ୍ରେ ଇ ବେରଣ୍‌ ୱିଜ଼ାର୍‌ ଜିହୁଦା ଦେସ୍‌ ଆରି ଚାରିବେଣ୍‌ତାଂ ୱିଜ଼ୁ ନାସ୍‌କୁକାଂ ୱିଣ୍‌ତାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:17 Iomraidhean Croise

ମାତିଉ 2:1

ଯୀଶୁ ଯିହୁଦା ଜିଲ୍ଲାନି ବେତଲିହିମ୍ ସହର୍‌ତାକେ ଜନମ୍ ଆତାନ୍। ହେପାଦ୍ନା ହେରୋଦ ରାଜା ଯିହୁଦା ଜିଲ୍ଲାତ ସାସନ୍ କିଜି ମାଚାନ୍। କେତ୍‌ଦିନ୍ ପାଚେ ପୁରୁବ୍‌ଦେସ୍‌ନି କେତ୍‌ଜାଣ୍ ଯଗ୍ ବାର୍ ହୁଡ଼୍‌ନି ପଣ୍ଡିତାର୍ ଯିରୁଶାଲାମ ସହର୍‌ତାକେ ୱାତାର୍, ଆରେ ହେୱାର୍ ମାନାୟାରିଙ୍ଗ୍ ୱେନ୍‌ବାତାର୍,

ମାତିଉ 4:24

ଆରେ ତା ବିଷୟ ସିରିୟା ଦେସ୍ ପାତେକ୍ ବିଚାଆତାତ୍। ଆରେ ହେବେ ବୁତ୍ଆତ୍ମା ଡୁୟାଆତାକାରିଙ୍ଗ୍, ଆପ୍ରାଙ୍ଗ୍ ରଗ୍, ଆରେ ହିର୍କଲ୍ ରଗ୍, ଆରେ ବାରବିନି ରଗ୍ ଆତାକାରିଙ୍ଗ୍ ଆରେ କଷ୍ଟନିକାରିଙ୍ଗ୍ ତା କଚଣ୍‌ତ ତାହିୱାତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାତିଉ 9:26

ଇ ଗଟାଆତି ବେଣ୍ ହେ ଏରିୟା ସାରା ବିଚାଆତାତ୍।

ମାତିଉ 9:31

ମାତର୍ ହେୱାର୍ ହସିହାଲ୍‍ଜି ହେ ୱିଜୁ ନିପଣ୍ ହେୱାନ୍ କିତି କାମାୟ୍ ୱେଚ୍‌ଚି ବୁଲଆତାର୍।

ମାର୍କ 1:28

ହେବେତାଙ୍ଗ୍ ଯୀଶୁ କିତି କାମାୟ୍ ଗାଲିଲୀ ଜିଲ୍ଲାନି ଚାରିବେଣ୍‌ତି ନାସ୍‌କୁକାଙ୍ଗ୍ ହେଦାପ୍ରେ ବିଚାଆତାତ୍।

ମାର୍କ 6:14

ନଙ୍ଗୟ୍ ହେରୋଦ ରାଜା ଯୀଶୁ ଇନା ଇନାକା କାମାୟ୍ କିତାକା ୱେଚାନ୍, ମାନାୟାର୍ ଯୀଶୁ ବିଷୟ ପୁନ୍‌ଞ୍ଜି ତା ବିଷୟରେ ବେଣ୍‌କିଜି ମାଚାର୍। କେତେକ୍ ମାନାୟ୍ ଇଞ୍ଜିମାଚାର୍, “ଡୁବନ୍‌ହିନି ଯୋହନ ହାଃଜି ଆରେରଗ ଜିତାନ୍‌ନା। ହେଦାଙ୍ଗ୍ କାଜିଙ୍ଗ୍ ତା ସାକ୍ତି ଯୀଶୁତାକେ ମାନାତ୍ ଲାଗିଙ୍ଗ୍ ହିନା ଇୱାନ୍ ଚାନିଆଆନି କାମାୟ୍ କିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:14

ପବିତ୍ର ଆତ୍ମାତାଙ୍ଗ୍ ଶାକ୍ତି ପାୟାଆଜି ଯୀଶୁ ଗାଲିଲୀ ଜିଲ୍ଲାତାକେ ହାଚାନ୍। ଗାଲିଲୀ ଜିଲ୍ଲାନି ଚାରିବେଣ୍‌ତାଙ୍ଗ୍ ଯୀଶୁ ବିଷୟରେ ବିଚାଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:14

ଯୀଶୁ ମାଡ଼ାଡାଣ୍ଡିଆ ଲାଗାୟ୍ ହାଲ୍‌ଜି ଆସ୍‌ପାତାନ୍। ମାଡ଼ାଡାଣ୍ଡିଆ ପିଣ୍‌ଜି ଅନାକାର୍ ଟେବାଆତାର୍। ଯୀଶୁ ହେ ହାଃତି ହିମ୍‌ଣାଙ୍ଗ୍ ୱେଚ୍‌ଚାନ୍, “ହିମ୍‌ଣା, ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗା ନିଙ୍ଗା!”