ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:22 - New Testament in Pengo Parja Language

²² ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା କାଜିଙ୍ଗ୍ ଇନାୱେଡ଼ାଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦ୍‌ନାର୍। ଆରେ ମିହୁଦାଙ୍ଗ୍ ମେହାଆଦୁର୍‌, ମି ବିଷୟରେ ବାନ୍ଯା କାତା ୱେଚ୍‌ଚି ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ଆଶ୍ରିବାଦ୍ ପାୟାଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

²² “ମାନାୟାର୍‌ ଏଚେକାଡ଼୍‌ଦ ମିଙ୍ଗେଙ୍ଗ୍‌ ଗିଣ୍‌କିଦ୍‌ନାର୍‌ ଆରି ମାନାୟ୍‌ ମାଜ଼ି କାଜିଂ ବିନେ କିଦ୍‌ନାର୍‌, ଆରେ ନିନ୍ଦାକିଦ୍‌ନାର୍‌ ଆରି ମି ତର୍‌ଦିଂ ବାନ୍ୟା ଇଞ୍ଜି ମୁନାକିନାର୍‌, ତେବେ ଏପେଙ୍ଗ୍‌ ଦନ୍ୟ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:22 Iomraidhean Croise

ମାତିଉ 10:18

ଏପେଙ୍ଗ୍ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍, ଦେସ୍ ସାସନ୍ କିନି ମାନୟ୍‌ତାକେ ଆରେ ରାଜା ମୁମ୍‌ଦ ବିଚାର୍‌ନା ଆଦେଙ୍ଗ୍ ଟିୟା ଆନାଦେର୍। ହେଲେକେ ହେୱାର୍‌ତାକେ ଆରେ ବିନ୍‌ଜାତିର୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଦେର୍।

ମାତିଉ 10:22

ଆରେ, ନାବେ ପାର୍ତି କିତିସ୍ ମିଙ୍ଗେଙ୍ଗ୍ ୱିଜାକାର୍ ଗିଣ୍ କିଦ୍‌ନାର୍, ମାତର୍ ଇମ୍‌ଣି ମାନାୟ୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍, ହେୱାନ୍ ରକ୍ଷା ପାୟା ଆନାନ୍।”

ମାତିଉ 10:39

ଇନେର୍ ଜାର୍ ଜିବୁନ୍ ବାଚାୟ୍ କିଦେଙ୍ଗ୍ ଉପାୟ୍ କିନାନ୍, ହେୱାନ୍ ତା ଜିବୁନ୍ ଆରାଇ କିନାନ୍। ଆରେ ଇନେର୍ ନା କାଜିଙ୍ଗ୍ ଜିବୁନ୍ ହିନାନ୍, ହେୱାନ୍ ତା ଜିବୁନ୍ ବାଚାୟ୍ କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:15

ଆରେ ହେୱାର୍ ହେୱାନିଙ୍ଗ୍ ଅଙ୍ଗୁର୍ ବାଡ଼୍‍ଦାଙ୍ଗ୍ ହପ୍‌ଚି ମାର୍ନେ ଅସ୍ତାର୍। ‘ନଙ୍ଗୟ୍ ହେ ଅଙ୍ଗୁର୍ ବାଡ଼୍‍ଦି ମାଲିକ୍ ହେୱାରିଙ୍ଗ୍ ଇନାକା କିନାନ୍?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:17

ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍ ଏପେଙ୍ଗ୍ ୱିଜାକାର୍ କାଜିଙ୍ଗ୍ ଗିଣ୍ ଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:21

ନଙ୍ଗୟ୍ ନାସ୍‌କି ନିକାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାର୍ଦି କାଦିହିଜି ପଟ ପାଞ୍ଜିକିଦ୍‌ନାନ୍‌। ଆରେ ନଙ୍ଗୟ୍ ଆଡ଼୍‌ବାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ୱାରି ହିଦ୍‌ନାନ୍।

ଜହନ୍‌ 12:42

ମାତର୍ ଯୀଶୁଙ୍ଗ୍ ବେସିହେନି ପାର୍ତି କିତାର୍। ଏଲେଙ୍ଗ୍ କି କେତେକ୍ ଯିହୁଦି ନେତାର୍ ପା ହେୱାନିଙ୍ଗ୍ ପାର୍ତି କିତାର୍। ମାତର୍ ହେୱାର୍ ପାରୁସିଦଳ୍‍ ନିକାରିଙ୍ଗ୍ ପାଣ୍ଡ୍ରାଆଜି ମାଚାର୍। ଲାଗିଙ୍ଗ୍ ହେୱାର୍ ପାର୍ତିକିନି ବିଷୟରେ କୁଲାକୁଲି ୱେଚ୍‌ୱାତାର୍। ଏଚେପାଦ୍ନା ପାରୁସିଦଳ୍‍ ହେୱାରିଙ୍ଗ୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍ ଇଞ୍ଜି ହେୱାର୍ ପାଣ୍ଡ୍ରା ଆତାର୍।

ଜହନ୍‌ 16:2

ମିଙ୍ଗେଙ୍ଗ୍ ମାନାୟାର୍ ହେୱାର୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍। ଆଁ, ହେଲେକେ ସମୟ୍ ୱାନାତା, ଏଚେପାଦ୍ନା ମାନାୟାର୍ ବାବିକିନାର୍ ଯେ, ମିଙ୍ଗେଙ୍ଗ୍ ଆହ୍‌ନି କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ହେବାକିନାରା।

ଜହନ୍‌ 17:14

ଆନେଙ୍ଗ୍ ହେୱାରିଙ୍ଗ୍ ନି ହିକ୍ଷା ହିତାଙ୍ଗ୍‌ନା। ଆରେ ଇ ପୁର୍ତିନି ମାନାୟାର୍ ହେୱାରିଙ୍ଗ୍ ଗିଣ୍ କିତାର୍‌ନା। ଇନେସ୍‌କି ହେୱାର୍ ଇ ପୁର୍ତି ନିକାର୍ ଆକାୟ୍, ହେଲେକେ ଆନେଙ୍ଗ୍ ପା ଇ ପୁର୍ତି ନିକାଙ୍ଗ୍ ଆକାଇ।

ଜହନ୍‌ 7:7

ପୁର୍ତିନି ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦେଙ୍ଗ୍ ଆଡ଼୍‌ଦୁର୍। ମାତର୍ ନାଙ୍ଗେଙ୍ଗ୍ ପୁର୍ତିନି ମାନାୟାର୍ ଗିଣ୍ କିଦ୍‌ନାର୍, ଇନେସ୍‌କି ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ପାପ୍ କାମାୟ୍ କିନାଦେରା ଇଞ୍ଜି ୱେଚ୍‌ନାଙ୍ଗା।

ଜହନ୍‌ 9:34

ଯିହୁଦି ନେତାର୍ ୱେଚ୍‌ଚାର୍, “ଏନେଙ୍ଗ୍ ତ ୱିଜୁ ପାପ୍‌ତାଙ୍ଗ୍ ଜନମ୍ ଆତାଇନା। ଏନେଙ୍ଗ୍ ଇନାକା ମାଙ୍ଗେଙ୍ଗ୍ ହିକ୍ଷା ହିଦ୍‌ଦେଙ୍ଗ୍ ଉପାୟ୍ କିଦ୍‌ନାୟା?” ଏଲେଙ୍ଗ୍ ୱେଚ୍‌ଚାର୍ ଆରେ ଯିହୁଦିର୍ ପାର୍ତାନା ଇଞ୍ଜାଙ୍ଗ୍ ଜବର୍‌ଦସ୍ତିରେ ବାର୍ତ ହପ୍ତାର୍।

ପକ୍ୟାତାକା 22:22

ପାଉଲ ଏଚେକ୍ କାତା ୱେଚ୍‌ଚାକା ମାନାୟାର୍ ୱେଚାର୍, ଆରେ ହେୱାର୍ ଗାଜାକାଟ୍ କିଜି ୱେଚ୍‌ଚାର୍, “ଇ ମାନାୟ୍‌ତିଙ୍ଗ୍ ମାର୍ନେ ଅହାଟ୍। ଇୱାନ୍ ଜିଦେଙ୍ଗ୍ ଆଦିକାର୍ ଆକାୟ୍।”

ପକ୍ୟାତାକା 24:5

ଇୱାନ୍ ରକାନ୍ ଗଣ୍ଡ୍‍ଗଲ୍ କିୟିକିନି ମାନାୟ୍ ଇଞ୍ଜି ଆପେଙ୍ଗ୍ ପୁଚାପ୍‌ନା। ଇନେସ୍‌କି ଯିହୁଦି ଜାତିର୍ ମାନି ୱିଜୁ ବାହାକାଙ୍ଗ୍ ହାଲ୍‌ଜି ଗଣ୍ଡ୍‍ଗଲ୍ କିୟିକିନାନା, ଆରେ ଇୱାନ୍ ରକାନ୍ ନାଜରିତିୟ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍‌ନି ମୁକ୍ୟା।

ପକ୍ୟାତାକା 9:16

ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 3:14

ମାତର୍ ଏପେଙ୍ଗ୍ ଯଦି ହାର୍ କାମାୟ୍ କିନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଲାଗିଙ୍ଗ୍ ଏପେଙ୍ଗ୍ ଚିନ୍ତା କିମାଟ୍ କି, ବ୍ୟବହାର୍ କାଜିଙ୍ଗ୍ ପାଣ୍ଡ୍ରା ଆମାଟ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।