ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:19 - New Testament in Pengo Parja Language

¹⁹ ମାତର୍ ମାନାୟ୍ ଗଉଲି କାଜିଙ୍ଗ୍ ହେୱାନିଙ୍ଗ୍ ଯୀଶୁ ଲାଗାୟ୍ ତାତେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ହେୱାର୍ ଇଲ୍ ଜପି ହାଲ୍‌ଜି ହେ ବାହାନି ଚାଉଣି କାଣାକିଜି ହୁନ୍‍ଜି ମାଚି ଟାଟିଲାହାଙ୍ଗ୍ ଯୀଶୁ କଚଣ୍‌ତ ଜୁତ୍‍ତାର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ମାତର୍‌ ବିଡ଼୍‌ ଲାଗିଂ ତାଙ୍ଗେଙ୍ଗ୍‌ ବିତ୍ରେ ଅଦେଂ କାଜିଂ ହାଜ଼ି ଗାଟାୱାତିଲେ ହେୱାର୍‌ ଇଲ୍‌ ଚାଉଣି ହାଲ୍‌ଜି ଜେଗନ୍‌ ଜେସ୍‍ସି କାଟେଲ୍‌ ହୁକେ ତାଙ୍ଗ୍‌ ମାଦ୍‍ଣି ବାହାତ ଜିସୁ ମୁମ୍‌ଦ ଜୁତ୍‍ତାର୍‍ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:19 Iomraidhean Croise

ମାତିଉ 10:27

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣାକା ପା ଡ଼ୁକ୍‌ଚି ୱେଚ୍‌ଚାନାଙ୍ଗ୍, ହେ କାତାତିଙ୍ଗ୍ ମାନାୟ୍ ଗଉଲିତ ହାଲ୍‌ଜି ୱେଚାଟ୍। ଆରେ ଇମ୍‌ଣାକା ପା ଇଲ୍ ବିତ୍ରେ ୱେଚ୍‌ଚିତି କାତାତିଙ୍ଗ୍ ଏପେଙ୍ଗ୍ ଚାତ୍ ଜପି ହାଲ୍‌ଜି ମାନାୟାରିଙ୍ଗ୍ ୱେଚାଟ୍।

ମାତିଉ 24:17

ଆରେ ଏପେଙ୍ଗ୍ ଇଲ୍ ଚାତ୍ ଜପି ମାନିହିଙ୍ଗ୍ ତାରେନ୍ ଜୁଜି ହନ୍‌ଚିହାଲାଟ୍, ମାତର୍ ଏପେଙ୍ଗ୍ ମି ଇଞ୍ଜ ଜିନିଷ୍ ତାକେଦେଙ୍ଗ୍ ହାଲ୍‌ମାଟ୍।

ମାର୍କ 2:4

ମାତର୍ ମାନାୟ୍ ଗଉଲି କାଜିଙ୍ଗ୍ ଯୀଶୁ ଲାଗାୟ୍ ତାତେଙ୍ଗ୍ ଆଡ୍‌ୱାତାର୍। ଲାଗିଙ୍ଗ୍ ଯୀଶୁ ଇମ୍‌ଣି ବାହାତାକେ ମାଚାନ୍, ହେ ବାହାନି ଚାଉଣି କାଣାକିଜି, ହିର୍କଲ୍ ରଗ୍‌କାଟାକାନିଙ୍ଗ୍‌ ଇମ୍‌ଣି ଟାଟିତାକେ ହୁନ୍‍ଜି ମାଚାନ୍ ହେ ଟାଟିଲାହାଙ୍ଗ୍ ଯୀଶୁ କଚଣ୍‌ତ ଜୁତ୍‍ତାର୍।