ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:10 - New Testament in Pengo Parja Language

¹⁰ ଜେବଦି ମେହିର୍ ରିୟାର୍ ଯାକୁବ ଆରେ ଯୋହନ ପା ହେଲେକେ ଚାନିଆଆତାର୍। ହେୱାର୍ ଶିମୋନ ହୁଦାଙ୍ଗ୍ ରବେ କାମାୟ୍ କିଜି ମାଚାର୍। ଯୀଶୁ ଶିମୋନତିଙ୍ଗ୍‌ ୱେଚ୍‌ଚାନ୍, “ପାଣ୍ଡ୍ରାଆମା। ନେଞ୍ଜେଙ୍ଗ୍‌ତାଙ୍ଗ୍ ମାନାୟାରିଙ୍ଗ୍ ତାସି ନା ଚେଲାରହ୍‌ନାକା ଆନେଙ୍ଗ୍ ମିଙ୍ଗେଙ୍ଗ୍ ହିକାଇ କିଦ୍‌ନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

¹⁰ ଆରି, ଜେବ୍‌ଦିର୍‌ନି ରିୟାର୍‌ ମାଜ଼ି ମାଚାର୍‌ ଜାକୁବ୍‌ ଆରି ଜହନ୍‌, ଇମ୍‌ଣାକାର୍‌ କି ସିମନ୍‌ତିଂ ମେହାୟ୍‌କିଜ଼ି ମାଚାର୍‌, ହେୱାର୍‌ ବିତ୍ରେ ହେ ଲାକେ କାବା ଆତାର୍‌ । ଆରେ, ଜିସୁ ସିମନ୍‌ତିଂ ଇଚାନ୍‌, “ପାଣ୍ଡ୍ରା ଆମା, ଆନ୍‌ ମିଙ୍ଗେଙ୍ଗ୍‌ ମାନାୟ୍‌ ଆହ୍‌ନାକା ହିକାଇ କିଦ୍‌ନାଙ୍ଗ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:10 Iomraidhean Croise

ମାତିଉ 13:47

ଆରେରଗ ଯୀଶୁ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଲେକେ ର ଜାଲ୍ ହାମ୍‌ଦୁର୍‌ତାକେ ତୁଇଜି ବାରବିନି ମିନ୍‌କୁ ଆହ୍‌ନି ଲେକେ।

ମାତିଉ 14:27

ମାତର୍ ଯୀଶୁ ହେଦାପ୍ରେ ହେୱାରିଙ୍ଗ୍ ବେଣ୍‌କିଜି ୱେଚ୍‌ଚାନ୍, “ଶାସ୍ ଆହାଟ୍! ଆନେଙ୍ଗ୍ କିନ୍ଦା ୱାତାଙ୍ଗ୍‌ନା! ପାଣ୍ଡ୍ରା ଆମାଟ୍।”

ମାତିଉ 20:20

ତାପାଚେ ଜେବଦି ଡକ୍ରୁହି ତା ମେହିରିଙ୍ଗ୍ ଆସ୍ତି ଯୀଶୁ ଲାଗାୟ୍ ୱାତାତ୍। ଆରେ ହେଦେଲ୍ ଜୱାର୍‌କିଜି ଯୀଶୁତାଙ୍ଗ୍ ଇନାକା ଇଚ୍‍କେ ଏନ୍ତାତ୍।

ମାତିଉ 4:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନା ପାଚେ ୱାଡ ନଙ୍ଗୟ୍ ପାତେକ୍ ଏପେଙ୍ଗ୍ କେଉଟ୍ ମାଚାଦେର୍, ମାତର୍ ମାନାୟାରିଙ୍ଗ୍ ନା ଚେଲାରହ୍‌ନାକା ଆନେଙ୍ଗ୍ ମିଙ୍ଗେଙ୍ଗ୍ ହିକାଇ କିଦ୍‌ନାଙ୍ଗ୍।”

ମାତିଉ 4:21

ଯୀଶୁ ହେବେତାଙ୍ଗ୍ ଆଗେ ହାଲ୍‌ଜି ଟଣ୍ଡ୍ରିୟାର୍ ଯାକୁବ ଆରେ ଯୋହନ ଲାତ୍ରାହି ଜେବଦି ହୁଦାଙ୍ଗ୍ ଡଙ୍ଗାତାକେ ଜାଲ୍ ମାଡ଼୍‍ତାକିନାକା ହୁଡ଼୍‌ଜି ହେୱାରିଙ୍ଗ୍ କୁକ୍‌ତାନ୍।

ମାର୍କ 1:17

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନା ପାଚେ ୱାଡ।” “ନଙ୍ଗୟ୍ ପାତେକ୍ ଏପେଙ୍ଗ୍ କେଉଟ୍ ମାଚାଦେର୍, ମାତର୍ ନଙ୍ଗୟ୍ ମିଙ୍ଗେଙ୍ଗ୍ ମାନାୟାରିଙ୍ଗ୍ ତାସି ନା ଚେଲାରହ୍‌ନାକା ଆନେଙ୍ଗ୍ ହିକାଇ କିଦ୍‌ନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:7

ହେୱାର୍ ସାଇଜ କିଦେର୍ ଇଞ୍ଜି ଜେକନି ଡଙ୍ଗାତାକେ ମାନି ତା ହାଙ୍ଗ୍‌ଦାକାରିଙ୍ଗ୍ କେଇ ଜଲାଇ କିଜି କୁକ୍‌ତାର୍‌। ହାଙ୍ଗ୍‌ଦାକାର୍ ୱାତାର୍ ଆରେ ରିଣ୍ଡାଙ୍ଗ୍ ଡଙ୍ଗାତାକେ ମିନ୍‌କୁ ଏଚେକ୍ ବାର୍ତି ଆତିକ୍ ଯେ ଡଙ୍ଗା ରିଣ୍ଡାଙ୍ଗ୍ ପା ମୁନ୍‌ଞ୍ଜେଙ୍ଗ୍ ଲାଗିତିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:14

ଯୀଶୁ ବାଚିକିତି ହେ ବାରଜାଣ୍ ଚେଲାର୍ ତର୍‌ ଇଲେକେ: ଶିମୋନତିଙ୍ଗ୍‌ ପିତର ଇଞ୍ଜି ଆରେ ର ତର୍‌ ହିତାନ୍, ଆରେ ତା ଟଣ୍ଡାହି ଆନ୍ଦ୍ରିୟ, ଜେବଦି ମେହି ଯାକୁବ ଆରେ ତା ଟଣ୍ଡାହି ଯୋହନ୍, ପିଲିପ ଆରେ ବାର୍ଥଲମି,

ଜହନ୍‌ 21:2

କେତ୍‌ଜାଣ୍ ଚେଲାହିର୍ ରବେଆଜି ମାଚାର୍, ହେୱାର୍ ଆତାର୍ ଶିମୋନ ପିତର, ଥୋମା, କୁକ୍‌ନି ତର୍‌ ଦିଦୁମ। ଗାଲିଲୀ ଜିଲ୍ଲାନି କାନ୍ନା ସହର୍‌ନି ନିତନିୟେଲ, ଜେବଦି ମେହିର୍, ଆରେ ରିକାର୍ ଜେକନି ଚେଲାହିର୍।

ପକ୍ୟାତାକା 2:4

ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରାଆତାର୍, ଆରେ ଈଶ୍ୱରଆତ୍ମା ଇନେସ୍ ହେୱାରିଙ୍ଗ୍ ୱେଚ୍‌ଚେଙ୍ଗ୍ ସାଇଜ କିତାତ୍, ହେୱାର୍ ବିନ୍-ବିନ୍ ବାଷାତାକେ ୱେଚ୍‌ଚେଙ୍ଗ୍ ଲାଗାତାର୍।

୨ କରନ୍ତିୟ 8:23

ଯଦି ଇନେର୍ ମିଙ୍ଗେଙ୍ଗ୍ ତିତସ ବିଷୟରେ ୱେନ୍‌ବା ଆଦ୍‌ନାର୍, ଏପେଙ୍ଗ୍ ୱେଚାଟ୍ ଯେ ହେୱାନ୍ ନା ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିନାନା, ଆରେ ହେୱାନ୍ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ସାଇଜ କିଦ୍‌ନାନା। ଆରେ ଇମ୍‌ଣି ଟଣ୍ଡେନିଙ୍ଗ୍ ମଣ୍ଡ୍‌ଲିନି ମାନାୟାର୍ ବାଚିକିତାର୍‌ନା, ହେ ଟଣ୍ଡେନ୍ ହୁଦାଙ୍ଗ୍ ଆପେଙ୍ଗ୍ ପକ୍ତାପ୍‌ନା, ଆରେ ହେୱାର୍ ଖ୍ରୀଷ୍ଟଙ୍ଗ୍ ସନ୍‌ମାନ୍ ହିନି କାଜିଙ୍ଗ୍ ଇ ୱିଜୁ କାମାୟ୍ ଟିକ୍ ବାବ୍‌ରେ କିନାର୍।