ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:23 - New Testament in Pengo Parja Language

²³ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଆଗେନିକାର୍ ୱେଚ୍‌ନି କାତା ୱେଚ୍‌ନାଦେର୍ ଇଞ୍ଜି ଆନେଙ୍ଗ୍ ପୁଚାଙ୍ଗ୍‌ନା, ‘ଡାକ୍‍ଟର୍, ଆଗେ ଏନେଙ୍ଗ୍ ହାର୍ ଆ।’ କପୁର୍‌ନାହୁମ୍‌ ସହର୍‌ତାକେ ଇମ୍‌ଣି ଚାନିଆଆନି କାମାୟ୍ କିତାକା ଆପେଙ୍ଗ୍ ୱେଚାପ୍‌ନା, ହେ ଲେଗ୍‌ଦି କାମାୟ୍ ନଙ୍ଗୟ୍ ଜାର୍ ସହର୍‌ତାକେ କିୟା ଇଞ୍ଜି ଏପେଙ୍ଗ୍ ଇଚା କିନାଦେରା।”

ସତ୍‌ ବଚନ୍‌ ପୁନି ନିୟମ୍‌

²³ ହେବେଣ୍ଡାଂ ହେୱାନ୍‌ ଉତର୍‌ମୁଡ଼୍‌ ହେୱେରିଂ ଇଚାନ୍‌, “ଏପେଙ୍ଗ୍‌ ଇନେସ୍‌ କିତିସ୍‌ପା ନାଙ୍ଗେଙ୍ଗ୍‌ ଇ ଟିକଲ୍ ବେରଣ୍‌ ୱେଚ୍‍ଚାନାଦେର୍‌, ହେ ଡାକ୍ତର୍‌ ନିଜେ ନିଜ୍‌ତିଂ ଉଜ୍‌ ଆ; ଆରେ ଇନାନ୍‌ କପର୍ନାହୁମ୍‌ ଇନା ଇନାକା ଗିଟା ଆତାତ୍‌ନ୍ନା ଇଞ୍ଜି ଆପେଂ ୱେଚ୍‌ଚାପ୍‌ନା, ହେ ସବୁ ଇ ବାହାତ ନିଜ୍‌ ଦେସ୍‌ ଗାଡ଼୍‌ଦପା କିୟା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:23 Iomraidhean Croise

ମାତିଉ 13:54

ଆରେ ହେୱାନ୍ ଯିହୁଦିର୍ ପାର୍ତାନା ଇଞ୍ଜ ଯୀଶୁ ହାଲ୍‌ଜି ଈଶ୍ୱର କାତା ହିକ୍ଷାହିଜି ମାଚାନ୍। ଯୀଶୁ ଈଶ୍ୱର କାତା ହିକ୍ଷା ହିତାକା ୱେନ୍‌ଞ୍ଜି ହେବେ ମାନି ମାନାୟାର୍ ଚାନିଆ ଆଜି ୱେଚ୍‌ଚାର୍, “ଇୱାନ୍ ଇମେତାଙ୍ଗ୍ ଇୱାନ୍ ବେଣ୍ ପୁଚାନ୍? ଆରେ ଏଚେକ୍ ବୁଦି ଇମେତାଙ୍ଗ୍ ପାୟାଆତାନ୍‌? ଇୱିଜୁ ସାକ୍ତିନି କାମାୟ୍ ଇୱାନ୍ ଇନେସ୍ କିଜି କିନାନା?

ମାତିଉ 4:13

ଆରେ ଯୀଶୁ ନାଜରିତ ସହର୍‌ତାକେ ୱାତି ପାଚେ ଗାଲିଲୀ ଜିଲ୍ଲାନି ହାମ୍‌ଦୁର୍ କାଣ୍ଡିନି କପୁର୍‌ନାହୁମ୍‌ ସହର୍‌ତାକେ ସବୁଲୁନ୍ ଆରେ ନପ୍ତାଲି ମାନାୟାର୍ ମାନି ସହର୍‌ତାକେ ବାହା କିତାନ୍।

ମାତିଉ 4:23

ପାଚେ ଯୀଶୁ ଗାଲିଲୀ ଜିଲ୍ଲାତ ବୁଲାଆନିହିଙ୍ଗ୍, ଯିହୁଦିର୍ ପାର୍ତାନା ଇଞ୍ଜ ହିକ୍ଷାହିଜି ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଜି ଆରେ ବାରବିନି ରଗ୍ ଆରେ ୱିଜୁ ଦୁକ୍ କଷ୍ଟନିକାରିଙ୍ଗ୍ ହାର୍‍କିତାନ୍।

ମାର୍କ 6:1

ଯୀଶୁ କପୁର୍‌ନାହୁମ୍‌ ସହର୍ ବାହା ପିସ୍ତି ତା ନାଜରିତ ସହର୍‌ତାକେ ହାଚାନ୍। ଆରେ ତା ଚେଲାହିର୍ ଯୀଶୁ ପାଚେ-ପାଚେ ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:39

ଯୋଷେପ ଆରେ ମରିୟମ ଈଶ୍ୱର ତା ନିୟମ୍ ସାସ୍ତର୍‌ତାକେ ଆଦେସ୍ ହିଜିମାନ୍‌ଞ୍ଚାନ୍ ହେଲେକେ ତା ରିତିବିଦି ୱିସ୍ତାର୍। ଆରେ ହେୱାର୍ ଜାର୍ ଗାଲିଲୀ ଜିଲ୍ଲାନି ନାଜରିତ ସହର୍‌ତାକେ ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:51

ଯୀଶୁ ହେୱାର୍ ହୁଦାଙ୍ଗ୍ ନାଜରିତ ସହର୍‌ତାକେ ହାଚାନ୍। ହେୱାନ୍ ତା ତେହି ଲାତ୍ରାହି ୱିଜୁ କାତା ମାନିକିଜି ମାଚାନ୍। ଯୀଶୁ ତେହି ଇୱିଜୁ କାତାତିଙ୍ଗ୍ ତା ମାନ୍ତ ଇଡ଼୍‌ଜି ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:16

ତାପାଚେ ଯୀଶୁ ଇମ୍‌ଣି ସହର୍‌ତାକେ ଗାଜା ଆଜି ମାଚାନ୍ ଆରେରଗ ହେ ନାଜରିତ ସହର୍‌ତାକେ ୱାତାନ୍। ୱିଜୁଦିନ୍ ଲେକେ ହେୱାନ୍ ଜମ୍‌ନିଦିନ୍‌ ଯିହୁଦିର୍ ପାର୍ତାନା ଇଞ୍ଜ ହାଚାନ୍। ଆରେ ହେୱାନ୍ ଦରମ୍ ସାସ୍ତର୍ ପଡ଼ିକିଦେଙ୍ଗ୍ ନିଲ୍‌ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:31

ଯୀଶୁ ଗାଲିଲୀ ଜିଲ୍ଲାନି କପୁର୍‌ନାହୁମ୍‌ ସହର୍‌ତାକେ ୱାତାନ୍। ହେୱାନ୍ ଜମ୍‌ନିଦିନ୍‌ତ ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:35

ଯୀଶୁ ତାଙ୍ଗେଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଚିମ୍ରାଆ! ଇୱାନ୍‌ତାଙ୍ଗ୍ ହସିହାଲା!” ହେବେତାଙ୍ଗ୍ ହେ ବୁତ୍ଆତ୍ମା ହେୱାନିଙ୍ଗ୍ ଗାଉଦାଉ କିୱାଦାଙ୍ଗ୍ ମାନାୟ୍ ମାଦି ଗୁତ୍‍ତି ହେୱାନ୍‌ତାଙ୍ଗ୍ ହସିହାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:42

ମିବେ ଗାଜା-ଗାଜା ବୁଲ୍ ମାନିହିଙ୍ଗ୍ ଇନେସ୍‌କିଜି ଜେକନି ଇଚ୍‌ରୁ ବୁଲ୍ ବିଷୟରେ ବିଚାର୍ କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଆରେ ହେୱାନିଙ୍ଗ୍ ୱେଚ୍‌ନାଦେରା ‘ଟଣ୍ଡେନ୍ ଆନେଙ୍ଗ୍ ନି ବୁଲ୍‌ତିଙ୍ଗ୍ ଟିକ୍ କିଜିହିଦ୍ନାଙ୍ଗ୍।’ ଏପେଙ୍ଗ୍ ପାଟ୍‌କାର୍ କାଦେର୍, ଏପେଙ୍ଗ୍ ଆଗେ ମି ଜାର୍ ବୁଲ୍‌ତିଙ୍ଗ୍ ଟିକ୍ କିୟାଟ୍। ଲାଗିଙ୍ଗ୍ ଏପେଙ୍ଗ୍ ଜେକନିକାର୍ ବୁଲ୍‌ତିଙ୍ଗ୍ ଇନେସ୍‌କିଜି ଟିକ୍ କିଦେଙ୍ଗ୍ ଆନାତ୍ ହେ ବିଷୟରେ ପୁଞ୍ଜେଙ୍ଗ୍ ଆଡ୍‌ନାଦେର୍। ଆରେ ହେୱାର୍ କିତି ବୁଲ୍‌ତିଙ୍ଗ୍ ହାର୍‌ଦାଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାଦେର୍।”

ଜହନ୍‌ 4:28

ତାପାଚେ ହେ କଗ୍‌ଲେ ତା ଏଜ୍‌ଟାଙ୍ଗା ପିସ୍ତି ସହର୍‌ତ ହାଚାତ୍। ହେବେ ଏକିସ୍ ହେ କଗ୍‌ଲେ ମାନାୟାରିଙ୍ଗ୍ ୱେଚ୍‌ଚାତ୍,

୨ କରନ୍ତିୟ 5:16

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଇ ପୁର୍ତିନି ମାନାୟାର୍ ବୁଦି ଅନୁସାରେ ଜେକନିକାରିଙ୍ଗ୍ ବିଚାର୍ କିନାକା ବନ୍ଦ୍ କିତାପ୍। ରଗ ଆନେଙ୍ଗ୍ ଖ୍ରୀଷ୍ଟ ବିଷୟରେ ବୁଲ୍ ବାବିକିଜି ମାଚାଙ୍ଗ୍, ହେୱାନ୍ ରକାନ୍ ନାର୍‌ ମାନାୟ୍, ମାତର୍ ଆନେଙ୍ଗ୍ ନଙ୍ଗୟ୍ ତା ବିଷୟରେ ଅଲ୍‌ଗା ବାବିକିନାଙ୍ଗା।