ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18 - New Testament in Pengo Parja Language

¹⁸ “ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁸ ମାପ୍ରୁତି ଜିବୁନ୍‌ ନା ତାକେ ଜୁତ୍‌ତାନ୍ନା, “ଲାଗିଂ ଇନାକା ହିଲାକାର୍‌ ଲାଗେ ନେକ୍ରିକାବୁର୍‌ ସୁଣାୟ୍‌ କିଦେଙ୍ଗ୍‌ ଇଞ୍ଜି ହେୱାନ୍‌ ନାଙ୍ଗେଙ୍ଗ୍‌ ସିଗ୍‌କିତ୍‌ନ୍ନା, ଜଇଲ୍‌ ମାନାକାରିଂ ମୁକ୍ତି କିନାକା ଆରି କାଣାର୍‍ତାକେ ଲାଗେ ହୁଡ଼ିକିଦେଂ ବିସ୍ରେ ସୁଣାୟ୍‌ କିଦେଙ୍ଗ୍‌, ଆରେ କସ୍ଟପାୟାଆନି ଲଗାଂ ମୁକ୍ତି କିଦେଙ୍ଗ୍‌,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18 Iomraidhean Croise

ମାତିଉ 11:5

କାଣାର୍ ହୁଡ଼୍‌ଦେଙ୍ଗ୍ ଆଡ଼୍‌ତାର୍, ଚଟାର୍ ତାଙ୍ଗ୍‌ଦେଙ୍ଗ୍ ଆଡ଼୍‌ତାର୍, କୁଷ୍ଟରଗ୍‌ଦାକାର୍ ହାର୍‌ଆତାର୍, ବଇରାର୍ ୱେଞ୍ଜେଙ୍ଗ୍ ଆଡ଼୍‌ତାର୍, ଇମ୍‌ଣାକାର୍‌ ହାଃତିତାଙ୍ଗ୍ ଆରେରଗ ଜିବୁନ୍ ଆନାରା, ଆରେ ଗରିବ୍ ମାନାୟାର୍‌ତାକେ ଈଶ୍ୱର ରାଜିନି ହାର୍ଦିକାବୁର୍ ଶୁଣାୟ୍ କିୟାଆନାତା।

ମାତିଉ 12:18

“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ। ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍। ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍, ଆରେ ହେୱାନ୍ ବିନ୍‌ଜାତିର୍‌ତାକେ ନ୍ୟାୟ୍‌ବିଚାର୍‌ନି କାତା ଶୁଣାୟ୍ କିନାନ୍।

ମାତିଉ 12:20

ଯୀଶୁ ନିୟମ୍‌ତାଙ୍ଗ୍ ଜିତା ଆୱି ପାତେକ୍, ହେୱାନ୍ ର ଡିଙ୍ଗ୍‌ତି ବେତ୍ ବେଡ୍‌ଗା ଲେକେ ଦୁର୍‌ବଲ୍ ମାନାୟାରିଙ୍ଗ୍ ଦଣ୍ଡ୍ ହିଉନ୍, ଆରେ ବଇଟାନି ସଡ଼ିତା ଲେକେ ଅସୁବିଦାତାକେ ମଡ଼ିଆତି ଲେକେ ମାନାୟାରିଙ୍ଗ୍ ଦଣ୍ଡ୍ ହିଉନ୍।

ମାତିଉ 4:16

ୱେନାଟ୍। ଇମ୍‌ଣାକାର୍ ମାଜ୍‌ଗାତାକେ ମାଚାର୍, ହେୱାରିଙ୍ଗ୍ ମାପୃ ଅଜଡ଼୍ ଚଚ୍‌ଚାନ୍। ଇମ୍‌ଣାକାର୍ ଦୁଗେର୍ ଲେକେ ମାଜ୍‌ଗା ଦେସ୍‌ତ ମାଚାର୍, ହେୱାର୍ ଜପି ଅଜଡ଼୍ ପଡ଼୍‌ତାତ୍‌।”

ମାତିଉ 5:3

“ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ତା ଗରବ୍‌ତାକେ ଆହ୍‌ନାର୍, ଈଶ୍ୱର ସାସନ୍ କିନି ରାଜି ହେୱାର୍‌ତି ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:17

ଭବିଷ୍ଯତବକ୍ତା ଯିଶାୟ ସାସ୍ତର୍ ହେୱାନିଙ୍ଗ୍ ରକାନ୍ ହିତାନ୍। ଯୀଶୁ ସାସ୍ତର୍ ଉନ୍‌ନ୍ଦି ଇମ୍‌ଣି ବାହାତାକେ ଇଦାଙ୍ଗ୍ ଲେକା ମାନାତ୍ ହେଦାଙ୍ଗ୍ ଗାଟାଆତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:20

ଯୀଶୁ ଚେଲାହିର୍ ନିପଣ୍ ହୁଡ଼୍‌ଜି ୱେଚ୍‌ଚାନ୍, “ଇମ୍‌ଣାକାନ୍ ଗରିବ୍ ଆଜି ମାନ୍‌ଗାନାନ୍ ହେୱାନ୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ସାସନ୍ କିନି ରାଜି ହେୱାର୍‌ତି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:22

ତାପାଚେ ଯୀଶୁ ଡୁବନ୍‌ହିନି ଯୋହନ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ହାଲ୍‌ଜି ଇନା ଇନାକା ୱେଚାଦେର୍‌ନା ଆରେ ହୁଡ଼୍‌ତାଦେର୍ ହେ ୱିଜୁ ଯୋହନତିଙ୍ଗ୍ ୱେଚାଟ୍। କାଣାର୍ ହୁଡ଼୍‌ଦେଙ୍ଗ୍ ଆଡ଼୍‌ତାର୍, ଚଟାର୍ ତାଙ୍ଗ୍‌ଦେଙ୍ଗ୍ ଆଡ଼୍‌ତାର୍, କୁଷ୍ଟରଗ୍‌ଦାକାର୍ ହାର୍‌ଆତାର୍, ବଇରାର୍ ୱେଞ୍ଜେଙ୍ଗ୍ ଆଡ଼୍‌ତାର୍, ହାଃତାକାର୍ ଆରେରଗ ଜିବୁନ୍ ଆନାରା। ଆରେ ଗରିବ୍ ମାନାୟାରିଙ୍ଗ୍ ଈଶ୍ୱର ରାଜିନି ହାର୍ଦିକାବୁର୍ ଶୁଣାୟ୍ କିନାନା।

ଜହନ୍‌ 1:41

ଆନ୍ଦ୍ରିୟ ଆଗେ ତା ଟଣ୍ଡାହି ଶିମୋନ ଲାଗାୟ୍ ହାଚାନ୍। ହେୱାନ୍ ଶିମନତିଙ୍ଗ୍‌ ୱେଚ୍‌ଚାନ୍, “ଆପେଙ୍ଗ୍ ଖ୍ରୀଷ୍ଟଙ୍ଗ୍ ହୁଡ଼୍‌ତାପ୍‌ନା।”

ଜହନ୍‌ 12:46

ଆନେଙ୍ଗ୍ ଅଜଡ଼୍‌ଲେକେ ପୁର୍ତିତାକେ ୱାତାଙ୍ଗ୍‌ନା। ଇନେର୍ ନାଙ୍ଗେଙ୍ଗ୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତାକେ ମାନୁନ୍।

ଜହନ୍‌ 3:34

ଇନେସ୍‌କି ଈଶ୍ୱର ଇନେରିଙ୍ଗ୍ ପକ୍ତାନ୍‌ନା। ଈଶ୍ୱର ଇନାକା ୱେଚ୍‌ଚି ମାନାନ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍। ଈଶ୍ୱରଆତ୍ମା ପୁରାପୁରି ହିନାନ୍।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ପକ୍ୟାତାକା 4:26

ଈଶ୍ୱର ବିରଦ୍‌ତାକେ ଆରେ ତା ବାଚିକିତି ଖ୍ରୀଷ୍ଟ ବିରଦ୍‌ତାକେ, ପୁର୍ତିନି ରାଜାର୍ ଯୁଜ୍ କିଦେଙ୍ଗ୍ ନିଲ୍‌ତାର୍, ଆରେ ଜେକନି ସାସନ୍ କିନାକାର୍ ହେୱାର୍ ହୁଦାଙ୍ଗ୍ ମେହାଆଜି ରବେ ଆତାର୍।’

ପକ୍ୟାତାକା 4:27

ଈଶ୍ୱର ଏନେଙ୍ଗ୍ ବାଚିକିତି ପବିତ୍ର ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ବେସି ହେବାକିଜି ମାନ୍‌ଞ୍ଚାନ୍। ମାତର୍ ଇ ଯିରୁଶାଲାମ ସହର୍‌ତାକେ ହେରୋଦ ରାଜା ଆରେ ପନ୍ତିୟ ପିଲାତ ରାଜା, ବିନ୍‌ଜାତିନି ଆରେ ଇସ୍ରାଏଲ ଜାତିନି ମାନାୟାର୍ ହୁଦାଙ୍ଗ୍ ମେହାଆଜି ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାର୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।