ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:7 - New Testament in Pengo Parja Language

⁷ ଡୁବନ୍‌ହିନି ଯୋହନ ଲାଗାୟ୍ ଡୁବନ୍ ଅନି କାଜିଙ୍ଗ୍ ମାନାୟାର୍ ୱାତାର୍। ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ବିସ୍‌ମାନି ରାଚ୍ ଲେକେ ବାନ୍ୟା ମାନାଦେର୍! ଏପେଙ୍ଗ୍ ଡୁବନ୍ ଅଜି ଈଶ୍ୱର ଦଣ୍ଡ୍‌ତାଙ୍ଗ୍ ଉଦାର୍ ପାୟାଆନାପ୍ ଇଞ୍ଜି ଏପେଙ୍ଗ୍ ମାନ୍ତ ବାବିକିମାଟ୍।

ସତ୍‌ ବଚନ୍‌ ପୁନି ନିୟମ୍‌

⁷ ଲାଗିଂ, ହେୱାନ୍‌ ତା ତାକେଣ୍ଡାଂ ବାପ୍ତିସିମ୍‌ ଆଦେଂ କାଜିଂ ହସି ୱାନି ମାନାୟାରିଂ ଇଚାନ୍‌, “କାଲାଟିରାଚ୍‌ନି ଲାତ୍ରା,” ୱାନିଦିନ୍‍ ମାପ୍ରୁତି ଟାକ୍ରିତାଂ ହନ୍ତେଙ୍ଗ୍‌ କାଜିଂ ଇନେର୍‌ ମିଙ୍ଗେଙ୍ଗ୍‌ ଚେତ୍‌ନା ହିତ୍‍ତାନ୍ ?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:7 Iomraidhean Croise

ମାତିଉ 12:34

ଏପେଙ୍ଗ୍ ବିସ୍‌ମାନି ରାଚ୍ ଲେକେ! ଆରେ ଏପେଙ୍ଗ୍ ଏଚେକ୍ ବାନ୍ୟା ଆଜି ହାର୍ଦି ବେଣ୍ ଇନେସ୍‌କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଇନେସ୍‌କି ଏପେଙ୍ଗ୍ ମି ମାନ୍ ବିତ୍ରେ ଇନାକା ବାବିକିନାଦେରା, ହେଦାଙ୍ଗ୍‌ନେ ୱେଚ୍‌ନାଦେରା।

ମାତିଉ 23:33

ଏପେଙ୍ଗ୍ ରାଚ୍ ଲେକେ। ଏପେଙ୍ଗ୍ ବିଶ୍ ଆସ୍ତି ରାଚ୍ ଲାତ୍ରାତାଙ୍ଗ୍ ଜନମ୍ ଆତାଦେର୍‌ନା। ଏପେଙ୍ଗ୍ ଈଶ୍ୱରତାଙ୍ଗ୍ ରକ୍ଷା ପାୟା ଆଉଦେର୍। ଏପେଙ୍ଗ୍ ୱିଜାକାରିଙ୍ଗ୍ ଦସି ଇଞ୍ଜି ବିଚାର୍ କିନାଦେର୍। ଆରେ ଏପେଙ୍ଗ୍ ନରକ୍‌ତାକେ ହାନାଦେର୍।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

ପକ୍ୟାତାକା 13:10

“ଏନେଙ୍ଗ୍ ଶୟତାନ୍ ଲେକେ ୱିଜୁ ହାର୍ଦି କାମାୟ୍‌ତିଙ୍ଗ୍ ବିରଦ୍ କିନାଇ। ଏନେଙ୍ଗ୍ ସବୁୱେଡ଼ାଙ୍ଗ୍ ମିଚ୍ କାତା ୱେଚ୍‌ନାୟା, ଆରେ ହେୱାରିଙ୍ଗ୍ ଏନେଙ୍ଗ୍ ବୁଲ୍ କାମାୟ୍ କିୟିକିନାୟା। ମାପୃ ବିଷୟରେ ଇନାକା ସତ୍ ମାନାତ୍ ହେଦାଙ୍ଗ୍ ସତ୍ ଆକାୟ୍ ଇଞ୍ଜି ୱେଚ୍‌ଚେଙ୍ଗ୍ ଉପାୟ୍ କିନାଇ।

୧ ଥେସଲନୀକିୟ 1:10

ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

ଏବ୍ରି 6:18

ଲାଗିଙ୍ଗ୍ ଈଶ୍ୱର ରଞ୍ଜାଙ୍ଗ୍ ପାର୍ମାଣ୍ ହିତ୍‌ତାନ୍‌ନା ଆରେ ହେୱାନ୍ ରଞ୍ଜାଙ୍ଗ୍ ଶପତ୍ କିତାନ୍‌ନା। ଇ ରିଣ୍ଡାଙ୍ଗ୍ ବିଷୟ ଚେଞ୍ଚ୍ ଆଉତ୍, ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ କାତା ୱେଚୁନ୍। ଆସେଙ୍ଗ୍ ତା ଲାଗାୟ୍ ରକ୍ଷା ପାୟାଆନି କାଜିଙ୍ଗ୍ ୱାତାସ୍‌ନା, ଲାଗିଙ୍ଗ୍ ମା ମୁମ୍‌ଦ ମାନି ଆହାତିଙ୍ଗ୍ ଆହ୍‌ନି କାଜିଙ୍ଗ୍ ସାହାସ୍ ଆଡ।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।