ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:23 - New Testament in Pengo Parja Language

²³ ଯୀଶୁ ତା ହାର୍ଦିକାବୁର୍‌ ଶୁଣାୟ୍ କିନି କାମାୟ୍‌ ଆରମ୍ କିନି ୱେଡ଼ାଲିଙ୍ଗ୍ ତାଙ୍ଗେଙ୍ଗ୍ ତିରିଶ୍ ବାର୍ହୁ ଆଜି ମାଚାତ୍। ଯୀଶୁ ଯୋଷେପ୍‌ ମେହି ଇଞ୍ଜି ମାନାୟାର୍ ପୁନ୍‌ଞ୍ଜି ମାଚାର୍‌। ଯୋଷେପ୍‌ ଏଲି ମେହି ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

²³ ଜିସୁ କାମାୟ୍‌ ହାଙ୍ଗ୍‍ନି ୱେଡ଼ାଲିଂ ତାଙ୍ଗେଙ୍ଗ୍‌ ତିରିସ୍‌ ବାର୍ହୁ ବୟସ୍‍ ଆଜ଼ି ମାଚାତ୍‌; ଲକାର୍‍ ମାନ୍ତାଙ୍ଗ୍‌ ହେୱାନ୍‌ ଜସେପ୍ ମେହି ମାଚାନ୍‌; ଜସେପ୍‌ ଏଲିତି ମେହି,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:23 Iomraidhean Croise

ମାତିଉ 1:1

ଯୀଶୁ ଖ୍ରୀଷ୍ଟ ଦାଉଦ ରାଜା ଆରେ ଅବ୍ରାହାମ୍‌ ଲାତ୍ରାନିକାନ୍ ମାଚାନ୍। ଯୀଶୁନି ଆକଦାଦିର୍‌ନି ଲାତ୍ରା ଲେକେ:

ମାତିଉ 1:16

ଯାକୁବ ଯୋଷେପ ଲାତ୍ରାହି ମାଚାନ୍। ଯୋଷେପ ମରିୟମ ଡକ୍ରାହି ମାଚାନ୍। ଆରେ ହେ ମରିୟମ ଯୀଶୁ ତେହି ମାଚାତ୍। ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ଇନାର୍।

ମାତିଉ 1:6

ଯିଶି ଦାଉଦ ରାଜା ଲାତ୍ରାହି ମାଚାନ୍। ଦାଉଦ ରାଜା ଶଲମନ ଲାତ୍ରାହି ମାଚାନ୍। ଶଲମନ ରାଜା ତେହି ବେତ୍‌ସେବା ମାଚାତ୍। ବେତ୍‌ସେବା ଆଗେ ଉରିୟ ଡକ୍ରୁହି ମାଚାତ୍।

ମାତିଉ 13:55

ଇୱାନ୍‌ତ ହେ ବାଡ଼ାଇ ମେହି। ତା ତେହି ତର୍‌ତ ମରିୟମ ଆରେ ଇୱାନ୍ ଟଣ୍ଡାହିର୍ ତର୍‌ ଯାକୁବ, ଯୋଷେପ୍‌, ଶିମୋନ ଆରେ ଯିହୁଦା।

ମାତିଉ 4:17

ହେଦିନ୍‌ତାଙ୍ଗ୍ ଯୀଶୁ ଶୁଣାୟ୍ କିଦେଙ୍ଗ୍ ହାଙ୍ଗ୍‌ତାନ୍। ହେୱାନ୍ ୱେଚ୍‌ଚାନ୍, “ପାପ୍ କାମାୟ୍ ପିସ୍ତି ମାପୃତାକେ ୱାଡ, ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାର୍କ 6:3

ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:48

ଯୀଶୁଙ୍ଗ୍ ତା ତେହି ଲାତ୍ରାହିର୍ ହେୱାନିଙ୍ଗ୍ ହୁଡ଼୍‌ଜି କାବାଆଜି ହାଚାର୍। ତା ତେହି ହେୱାନିଙ୍ଗ୍ ୱେନ୍‌ବାତାତ୍, “ଏବପା! ଏନେଙ୍ଗ୍ ମା ହୁଦାଙ୍ଗ୍ ଇଲେକେ ଇନେକିଦେଙ୍ଗ୍ କିତାଇ? ମିଞ୍ଜ୍‌ବା ଆରେ ଆନେଙ୍ଗ୍ ନିଙ୍ଗେଙ୍ଗ୍ ଡେକ୍‌ଚି-ଡେକ୍‌ଚି ବେସି ଚିନ୍ତା ଆତାପେ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:31

ଏଲିୟାକିମ ମେଲିଆ ମେହି। ମେଲିଆ ମନ୍ନା ମେହି। ମନ୍ନା ମତ୍ତଥା ମେହି। ମତ୍ତଥା ନାଥନ ମେହି। ନାଥନ ଦାଉଦ ମେହି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:22

ଏଚେଜାଣ୍ ତା ହିକ୍ଷାତିଙ୍ଗ୍ ୱେନ୍‌ଞ୍ଜି ୱିଜାକାର୍ ୱେଚ୍‌ଚେଙ୍ଗ୍ ଲାଗାତାର୍, “ଇୱାନ୍ ହିକ୍ଷା ବେସି ବଡ଼ିଆ।” ଆରେ ତା ହାର୍ଦି ବେଣ୍ ୱେନ୍‌ଞ୍ଜି ଚାନିଆଆତାର୍। ଆରେ ହେୱାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ଇୱାନ୍‌ତ ଯୋଷେପ୍‌ ମେହି।”

ଜହନ୍‌ 1:45

ପିଲିପ ନିତନିୟେଲ ତର୍‌ଦି ମାନାୟ୍‌ତାକେ ହାଚାନ୍। ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ତା ସାସ୍ତର୍‌ତାକେ ଇମ୍‌ଣି ମାନାୟ୍ ବିଷୟରେ ଲେକିକିଜି ମାଚାର୍, ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହୁଡ଼୍‌ତାପ୍‌ନା। ହେୱାନ୍ ଆନାନା ନାଜରିତ ସହର୍‌ନି ଯୀଶୁ। ହେୱାନ୍ ଯୋଷେପ୍‌ ମେହି।”

ଜହନ୍‌ 6:42

“ଇୱାନ୍‌ତ ଯୋଷେପ୍‌ ମେହି ଯୀଶୁ! ଲାତ୍ରାହି ଆରେ ତାଞ୍ଜିୟାଙ୍ଗ୍ ତ ଆପେଙ୍ଗ୍ ପୁଚାପ୍‌ନା। ଲାଗିଙ୍ଗ୍ ଇୱାନ୍ ଇନେସ୍ କିଜି ସରଗ୍‌ତାଙ୍ଗ୍ ୱାତାଙ୍ଗ୍‌ନା ଇଞ୍ଜି ୱେଚ୍‌ଚାନାନା?”

ପକ୍ୟାତାକା 1:1

ଲାଡ୍‌ନି ଥୀୟଫିଲ, ଯୀଶୁ ତା ବାଚିକିତି ଚେଲାହିରିଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଆଦେସ୍ ହିଜି, ଆରେ ଈଶ୍ୱର ତାଙ୍ଗେଙ୍ଗ୍ ସରଗ୍‌ଜପି ଅନି ପାତେକ୍, ଯୀଶୁ ତା ହାର୍ଦିକାବୁର୍ ଶୁଣାୟ୍ କିନି ଦିନ୍‌ତାଙ୍ଗ୍, ହେୱାନ୍ ଇନା-ଇନା କାମାୟ୍ ଆରେ ହିକ୍ଷାହିଜି ମାଚାନ୍, ହେ ୱିଜୁ ବିଷୟରେ ନା ପାର୍ତୁମ୍ ବହିତାକେ ଲେକିକିତାଙ୍ଗ୍‌ନା।