ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22 - New Testament in Pengo Parja Language

²² ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ସତ୍‌ ବଚନ୍‌ ପୁନି ନିୟମ୍‌

²² ଆରି ପୁଇପୁୟା ଜିବୁନ୍‌ ଗାଗାଡ଼୍‌ତ ପାଣ୍ଡ୍‌କା ଲାକେ ଜିସୁ ଜପି ଜୁଜ଼ି ୱାଜ଼ି ଜିସୁଙ୍ଗ୍‌ କୁଚ୍‌ଚାତ୍‌; ଆରେ, ବାଦାଡ଼୍‌ତାଂ ଇ ବେରଣ୍‌ ଆତାତ୍‌, “ଏନ୍‌ ମା ୱାରିନି ମାଜ଼ିତି, ମି ତାକେ ମା ବେସି ୱାରି ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22 Iomraidhean Croise

ମାତିଉ 12:18

“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ। ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍। ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍, ଆରେ ହେୱାନ୍ ବିନ୍‌ଜାତିର୍‌ତାକେ ନ୍ୟାୟ୍‌ବିଚାର୍‌ନି କାତା ଶୁଣାୟ୍ କିନାନ୍।

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 27:43

ହେୱାନ୍ ଈଶ୍ୱରତାକେ ପାର୍ତି କିଜି ମାଚାନ୍। ଯଦି ଈଶ୍ୱର ହେୱାନିଙ୍ଗ୍ ମାନ୍ କିଜିମାଚିସ୍, ଲାଗିଙ୍ଗ୍ ହେୱାନ୍ ତାଙ୍ଗେଙ୍ଗ୍ ନଙ୍ଗୟ୍ ରକ୍ଷା କିୟେନ୍। ହେୱାନ୍ ନିଜେ ୱେଚ୍‌ଚି ମାଚାନ୍, ‘ଆନେଙ୍ଗ୍ ଈଶ୍ୱର ମେହି।’ ”

ମାତିଉ 3:13

ହେପାଦ୍ନା ଯୀଶୁ ଯୋହନତାଙ୍ଗ୍ ଡୁବନ୍ ଅଦେଙ୍ଗ୍ ଗାଲିଲୀ ଜିଲ୍ଲାତାଙ୍ଗ୍ ଯର୍ଦ୍ଦନ ନାଗୁଡ଼୍‌ତ ୱାତାନ୍।

ମାତିଉ 3:16

ଯୀଶୁ ଡୁବନ୍ ଅତି ଦାପ୍ରେ ଏଜୁଙ୍ଗ୍‌ତାଙ୍ଗ୍ ନିଙ୍ଗ୍‌ଞ୍ଜି ୱାତିହିଙ୍ଗ୍ ବାଦାଡ଼୍ ଜେୟା ଆତାତ୍। ଆରେ ହେୱାନ୍ ଈଶ୍ୱରତି ପବିତ୍ର ଆତ୍ମାତିଙ୍ଗ୍ ପାର୍‌ୱା ଲେକେ ତା ଜପି ୱାନାକା ହୁଡ଼୍‌ତାନ୍।

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ମାର୍କ 1:11

ଆରେ, ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, ଏନେଙ୍ଗ୍ ନା ଲାଡ୍ ମାଜି, “ଆନେଙ୍ଗ୍ ନିତାକେ ବେସି ୱାରି।”

ମାର୍କ 1:9

ହେପାଦ୍ନା ଯୀଶୁ ଗାଲିଲୀ ଜିଲ୍ଲାନି ନାଜରିତ ସହର୍ ତାକେଣ୍‍ତାଙ୍ଗ୍ ଯର୍ଦ୍ଦନ ନାଗୁଡ଼୍‌ତ ୱାତାନ୍, ତାପାଚେ ଯୋହନ ଯୀଶୁଙ୍ଗ୍ ଯର୍ଦ୍ଦନ ନାଗୁଡ଼୍‌ତାକେ ଡୁବନ୍ ହିତାନ୍।

ମାର୍କ 9:7

ହେଦାପ୍ରେ ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନା!”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:21

ଯୀଶୁ ହେୱାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍, “ନେଞ୍ଜେଙ୍ଗ୍ ସାସ୍ତର୍‌ନି ଇନାକା ଆନେଙ୍ଗ୍ ପଡ଼ିକିତାଙ୍ଗ୍ ହେଦାଙ୍ଗ୍ ଏପେଙ୍ଗ୍ ୱେଚିଲେଙ୍ଗ୍ ହେ ସାସ୍ତର୍‌ନି କାତା ପୁରା ଆତାତ୍।”

ଜହନ୍‌ 1:32

ତାପାଚେ ଡୁବନ୍‌ହିନି ଯୋହନ ୱେଚ୍‌ଚାନ୍, “ସରଗ୍ ଜପିତାଙ୍ଗ୍ ପାର୍‌ୱା ଲେକେ ଆଜି ପବିତ୍ର ଆତ୍ମା ୱାଜି ତା ଜପି କୁଚ୍‍ଚାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ଜହନ୍‌ 12:28

ଏ ଆବା ଈଶ୍ୱର, ନି ତର୍‌ଦିଙ୍ଗ୍ ଜୟ୍-ଜୟ୍ ଆୟେତ୍।” ହେପାଦ୍ନା ସରଗ୍ ଜପିତାଙ୍ଗ୍ ଇବେଣ୍ ୱାତାତ୍, “ଆପେଙ୍ଗ୍ ହେ ତର୍‌ଦିଙ୍ଗ୍ ଜୟ୍-ଜୟ୍ କିତ୍‌ତାପ୍‌ନା। ଆପେଙ୍ଗ୍ ହେଦାଙ୍ଗ୍ ଆରେରଗ କିଦ୍ନାପ୍‌।”

ଜହନ୍‌ 5:37

ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା ଆରେ ନିଜେ ନା ବିଷୟରେ ସାକି ହିତ୍‌ତାନ୍‌ନା। ମାତର୍ ଏପେଙ୍ଗ୍ ଇନାୱେଡ଼ାଙ୍ଗ୍ ପା ବେଣ୍ ୱେନୁଦେରେ। ହେୱାନିଙ୍ଗ୍ ଇନେସ୍ ଲେଗ୍‌ଦି ରୁପ୍, ହେଦାଙ୍ଗ୍ ପା ଏପେଙ୍ଗ୍ ହୁଡ଼୍‌ୱାତାଦେର୍‌ନା।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

୧ ପିତର 2:4

ଏପେଙ୍ଗ୍ ମାପୃ ଯୀଶୁତାକେ ୱାତାଦେର୍‌ନା। ହେୱାନ୍ ରକାନ୍ ଇଲ୍ ରହ୍‌ନି ପାଉଣ୍ଡେସେନ୍‌ନି ମୁକ୍ୟ କାଲ୍‌ଲେକେ, ଆରେ ହେୱାନ୍ ଜିବୁନ୍ ମାନି କାଲ୍। ବେସିହେନି ମାନାୟାର୍ ତାଙ୍ଗେଙ୍ଗ୍ ମୁନା କିତାର୍, ମାତର୍ ଈଶ୍ୱର ତାଙ୍ଗେଙ୍ଗ୍ ବାଚିକିତାନ୍ ଆରେ ହେୱାନ୍ ବେସି ମୁକ୍ୟ ଇଞ୍ଜି ବାବିକିତାନ୍। ମାନାୟାର୍ ଇନେସ୍ କାଲ୍‌କୁ ହୁଦାଙ୍ଗ୍ ଇଲ୍ ରହ୍‌ନାର୍, ହେଲେକେ ଈଶ୍ୱର ମିଙ୍ଗେଙ୍ଗ୍ ର ଦଳ୍ କିଦ୍‌ନାନା ଆରେ ମି ବିତ୍ରେ ପବିତ୍ର ଆତ୍ମା ମାନ୍‌ଙ୍ଗାନାତ୍। ଇନେସ୍‌କି ଖ୍ରୀଷ୍ଟ ମା କାଜିଙ୍ଗ୍ ଇନାକା କିତାନ୍‌ନା ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ପୁଜାରିର୍ କାମାୟ୍ କିଦେଙ୍ଗ୍ ପୁଜାରିର୍ ଲେକେ କିତ୍‌ତାନ୍‌ନା, ହେୱାର୍ ଈଶ୍ୱରତିଙ୍ଗ୍ ୱାରି କିଦେଙ୍ଗ୍ କାମାୟ୍ କିନାର୍।