ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:11 - New Testament in Pengo Parja Language

¹¹ ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଯଦି ମି ଲାଗାୟ୍ ରିଣ୍ଡି ହେନ୍ଦ୍ରା ମାନାତ୍, ଲାଗିଙ୍ଗ୍ ହେବେତାଙ୍ଗ୍ ର ହେନ୍ଦ୍ରା ଇନେରିଙ୍ଗ୍ ହିଲେତ୍ ହେୱାନିଙ୍ଗ୍ ହିୟାଟ୍। ଆରେ ଯଦି ମିଙ୍ଗେଙ୍ଗ୍ କାଦି ମାନାତ୍ ଇନେରିଙ୍ଗ୍ କାଦି ହିଲେତ୍ ହେୱାନିଙ୍ଗ୍ ବାଟାକିଜି ହିୟାଟ୍।”

ସତ୍‌ ବଚନ୍‌ ପୁନି ନିୟମ୍‌

¹¹ ଜହନ୍‌ ହେୱାରିଂ ଉତର୍‌ ହିତାନ୍‌, “ଇନେର୍‌ତି ରିଣ୍ଡାଂ ଆଙ୍ଗିଙ୍ଗ୍‌ ମାନିଙ୍ଗ୍, ହେୱାନ୍‌ ଇନେର୍‌ତି ହିଲୁତ୍‍, ହେଦାଂ ରଞ୍ଜାଙ୍ଗ୍‌ ହିଏନ୍; ଆରେ, ଇନେର୍‌ତି କାଦି ମାନାତ୍‌, ହେୱାନ୍‌ ହେ ଲାକେ କିଏନ୍‍ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:11 Iomraidhean Croise

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:41

ଲାଗିଙ୍ଗ୍ ମିବେ ଇନାକା ୱିଜୁ ହାର୍ଦି ବିଷୟ ମାନାତ୍, ହେଦାଙ୍ଗ୍ ଗରିବ୍‌ନିକାରିଙ୍ଗ୍ ଦାନ୍ ହିୟାଟ୍। ହେଦାଙ୍ଗ୍ ମି କାଜିଙ୍ଗ୍ ହାର୍ ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:22

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନି ଦନ୍ ସମ୍ପତି ୱିଜେ ପସି ଗରିବ୍‌ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ ଏଲେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:8

ଜକିୟ ନିଲ୍‌ଚି ଯୀଶୁଙ୍ଗ୍ ୱେଚ୍‌ଚାନ୍, “ଏ ମାପୃ ଦୟାକିଜି ନା କାତା ୱେନା! ଆନେଙ୍ଗ୍ ପାର୍ମାଣ୍ କିନାଙ୍ଗା ନା ଦନ୍ ସମ୍ଫିତିତାଙ୍ଗ୍ ଅଦା ବାଗ୍ ଗରିବ୍ ମାନାୟାରିଙ୍ଗ୍ ବାଟାକିଜି ହିନାଙ୍ଗ୍। ଆନେଙ୍ଗ୍ ଯଦି ଇନେରିଙ୍ଗ୍ ଟକାଇ କିଜିମାନ୍‌ଗାନାଙ୍ଗ୍, ହେୱାନିଙ୍ଗ୍ ଚାରିଗୁଣ୍ ଦନ୍ ହିନାଙ୍ଗ୍।”

ଜହନ୍‌ 13:29

ଈଷ୍କାରିୟତିୟ ଯିହୁଦା ଦଳ୍‌ନି ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଲାଗିଙ୍ଗ୍ କେତ୍‌ଜାଣ୍ ଚେଲାହିର୍ ବାବିକିତାର୍ ଯେ, ଯୀଶୁ ହେୱାନିଙ୍ଗ୍ ପାର୍ବୁ କାଜିଙ୍ଗ୍ ଇନାକା କଡ଼୍‍ଦେଙ୍ଗ୍ ୱେଚ୍‌ଚାନ୍। ନଇଲେ ହେ ଡାବୁଙ୍ଗ୍ ଗରିବ୍ ଲଗାଙ୍ଗ୍ ଦାନ୍ ହିଦେଙ୍ଗ୍ ୱେଚ୍‌ନାନା।

ପକ୍ୟାତାକା 10:2

ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ହେୱାନ୍ ଆରେ ତା ପରିବାର୍ ନିକାର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ମାଚାର୍। ହେୱାନ୍ ଯିହୁଦିନି ଗରିବ୍ ମାନାୟାରିଙ୍ଗ୍ ଆଦିକ୍ ଦାନ୍ ହିଜିମାଚାନ୍, ଆରେ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାଚାନ୍।

ପକ୍ୟାତାକା 10:31

‘କର୍ଣିଲିୟ ନି ପାର୍ତାନା କିନାକା ଈଶ୍ୱର ୱେଚାନ୍‌ନା, ଆରେ ନି ୱିଜୁ ଦାନ୍ ହିନାକା ଈଶ୍ୱରତିଙ୍ଗ୍ ୱାରି କିତାତ୍‌ନା।’

ପକ୍ୟାତାକା 10:4

କର୍ଣିଲିୟ ଦୁତ୍‌ତିଙ୍ଗ୍ ମାନ୍‌ଦିୟାନ୍ କିଜି ହୁଡ଼୍‌ଜି ପାଣ୍ଡ୍ରାଆଜି ୱେଚ୍‌ଚାନ୍, “ଏ ମାପୃ ଇନାକା ଇଞ୍ଜ୍‌ନାୟା?” ହେ ଦୁତ୍ କର୍ଣିଲିୟଙ୍ଗ୍ ୱେଚ୍‌ଚାତ୍‌, “ନି ପାର୍ତାନା ଆରେ ଦାନ୍ ହିନାକା ୱିଜୁ ପୁଜା କିନିଲେକେ ଈଶ୍ୱରତିଙ୍ଗ୍ ୱାରି କିନାତା।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।

ଜାକ୍‌ବ 2:14

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇନେର୍ ଯଦି ନା ପାର୍ତି ମାନାତ୍ ଇଞ୍ଜି ୱେଚ୍‌ନାନ୍, ମାତର୍ ହେ ହିସାବ୍‌ରେ ହାର୍ଦି କାମାୟ୍ କିଉନ୍, ଲାଗିଙ୍ଗ୍ ହେଦାଙ୍ଗ୍ ଇନା ଲାବ୍‌ତିଙ୍ଗ୍ ଆକାୟ୍। ଆରେ ଇ ଲେକେ ପାର୍ତି କିତିସ୍ ହେୱାନ୍ ଉଦାର୍ ପାୟା ଆଉନ୍।

୧ ଯୋହନ 3:17

ମାତର୍ ର ହାଉକାର୍ ମାନାୟ୍ ପାର୍ତିକିନି ଟଣ୍ଡାହିଙ୍ଗ୍ ଗରିବ୍ ଆଜି ମାନାକା ହୁଡ଼୍‌ଜି ପା ସାଇଜ କିଉନ୍, ଲାଗିଙ୍ଗ୍ ତାବେ ଈଶ୍ୱରତି ଲାଡ୍ ହିଲୁତ୍।

୧ ଯୋହନ 4:20

ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାଙ୍ଗା ଇଞ୍ଜି ୱେଚ୍‌ନାନ୍, ଆରେ ତା ଟଣ୍ଡାହିଙ୍ଗ୍ ଗିଣ୍ କିନାନ୍, ହେୱାନ୍ ମିଚ୍‌ୱା। ଯଦି ହେୱାନ୍ ତା ଟଣ୍ଡାହିଙ୍ଗ୍ ହୁଡ଼୍‌ଜି ପା ଲାଡ୍ କିଉନା। ଲାଗିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱି ଈଶ୍ୱରତିଙ୍ଗ୍ ଇନେସ୍ କିଜି ଲାଡ୍ କିନାନ୍।