ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:42 - New Testament in Pengo Parja Language

⁴² ତାପାଚେ ହେ ଚର୍ ଯୀଶୁଙ୍ଗ୍ ୱେଚ୍‌ଚାନ୍, “ଯୀଶୁ, ଏନେଙ୍ଗ୍ ଏଚେପାଦ୍ନା ରାଜା ଲେକେ ନି ସାସନ୍ କିନି ରାଜି ଆରମ୍ କିନାଇ, ହେପାଦ୍ନା ନାଙ୍ଗେଙ୍ଗ୍ ମାନ୍ତ ଏତୁ କିଦ୍‌ନାଇ।”

ସତ୍‌ ବଚନ୍‌ ପୁନି ନିୟମ୍‌

⁴² ଆରେ, ହେୱାନ୍‌ ଇଚାନ୍‌, “ଏ ଜିସୁ, ଏନ୍‌ ଜାର୍‌ ରାଜିତ ହଟିସ୍ ନାଙ୍ଗେଙ୍ଗ୍‌ ଏତୁ କିଦ୍‌ନାୟ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:42 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:8

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇମ୍‌ଣି ମାନାୟ୍ ୱିଜାକାର୍ ଆଗେ ନିଲ୍‌ଚି ୱେଚ୍‌ନାନ୍ ଯେ ହେୱାନ୍ ନାବେ ପାର୍ତି କିଦ୍‌ନାନା। ଏଲେଙ୍ଗ୍ଇଚି ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ଈଶ୍ୱର ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଯେ, ହେ ମାନାୟ୍ ନା ଜାର୍ ଲକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:13

ସିସ୍ତୁ ଏନ୍‌ନାକାନ୍ ପା ଜେକ ରକାନ୍ ନିଲ୍‌ଚି ମାଚାନ୍। ମାତର୍ ପାର୍ତାନା କିନିହିଙ୍ଗ୍ ହେୱାନ୍ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍। ସିସ୍ତୁ ଏନ୍‌ନାକାନ୍ ଈଶ୍ୱର ଲାଗାୟ୍ ଦୁକ୍‌ଆଜି ନେଞ୍ଜାଡାକିତାକେ ଇଡ଼ିଆ ଆଜି ପାର୍ତାନା କିତାନ୍, ‘ଏ ଈଶ୍ୱର, ନାଙ୍ଗେଙ୍ଗ୍ ଦୟାକିଦା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:41

ଏନେଙ୍ଗ୍ ଆରେ ଆନେଙ୍ଗ୍ ରିକାସ୍ ଚର୍। ଆସେଙ୍ଗ୍ ଦସ୍ କିଜି ମାଚାପ୍। ଲାଗିଙ୍ଗ୍ ଆସେଙ୍ଗ୍ ଇନାକା ପାୟା ଆଦେଙ୍ଗ୍ ଦର୍‌କାର୍, ଆସେଙ୍ଗ୍ ହେଦାଙ୍ଗ୍ ପାୟାଆତାସ୍‌ନା। ମାତର୍ ଇୱାନ୍ ଇନା ଦସ୍ କିୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:43

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ୱେନା! ଆନେଙ୍ଗ୍ ଇନାକା ୱେଚ୍‌ଚାନାଙ୍ଗା ହେଦାଙ୍ଗ୍ ସତ୍। ନେଞ୍ଜେଙ୍ଗ୍ ଏନେଙ୍ଗ୍ ନା ହୁଦାଙ୍ଗ୍ ସରଗ୍‌ଜପି ହାନାଇ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ପକ୍ୟାତାକା 16:31

ହେୱାର୍ ୱେଚ୍‌ଚାର୍, “ମାପୃ ଯୀଶୁତାକେ ପାର୍ତି କିୟା। ଲାଗିଙ୍ଗ୍ ଏନେଙ୍ଗ୍ ଆରେ ୱିଜୁ ପରିବାର୍ ରକ୍ଷା ପାୟାଆନାଦେର୍।”

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

୧ ପିତର 1:11

ଆରେ ହେୱାର୍ ବିତ୍ରେ ଖ୍ରୀଷ୍ଟତି ଆତ୍ମା ମାନ୍‌ଞ୍ଜି ହେୱାରିଙ୍ଗ୍ ୱେଚ୍‌ଚି ମାଚାତ୍। ଖ୍ରୀଷ୍ଟ ଇନେସ୍ ଦୁକ୍‌କଷ୍ଟ ଆରେ ସନ୍‌ମାନ୍ ପାୟା ଆନାନ୍, ଲାଗିଙ୍ଗ୍ ହେୱାର୍ ଖ୍ରୀଷ୍ଟ ଇନେର୍ ଆନାର୍ ଆରେ ଇନାୱେଡ଼ାଙ୍ଗ୍ ଇ ଗଟ୍‌ନା ଗଟାଆନାତ୍ ଇଞ୍ଜି ପୁଞ୍ଜେଙ୍ଗ୍ ଉପାୟ୍ କିତାର୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।