ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:53 - New Testament in Pengo Parja Language

⁵³ ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ ପିଣ୍ଡାତ ହିକ୍ଷାହିଜି ମାନ୍‍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍, ମାତର୍ ଇଦାଙ୍ଗ୍ ମି ସମୟ୍ ଆରେ ମି ଜିବୁନ୍ ମାଜ୍‌ଗା ଆତ୍‌ତାତ୍‌।”

ସତ୍‌ ବଚନ୍‌ ପୁନି ନିୟମ୍‌

⁵³ ଆନ୍‌ ନିତ୍ରେ ମି ହୁକେ ମନ୍ଦିର୍‌ତ ମାନିୱେଡ଼ାଲିଂ ଏପେଙ୍ଗ୍‌ ନା ବିରୁଦ୍‌ତ କେଇ କିଦ୍‌ୱାତାଦେର୍‌, ମାତର୍‌ ଇଦାଂ ମି ସମୁ ଆରି ମାଜ୍‍ଗାନି ଆଦିକାର୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:53 Iomraidhean Croise

ମାତିଉ 21:23

ଯୀଶୁ ଆରେରଗ ଯିରୁଶାଲାମ ସହର୍‌ତାକେ ୱାତାନ୍। ଆରେ ଯୀଶୁ ଈଶ୍ୱର ମାନି ମନ୍ଦିର୍‌ କଚଣ୍‌ତ ବୁଲାଆନିହିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ଜେକନି ପ୍ରାଚିନାର୍ ପା ତା ଲାଗାୟ୍ ୱାଜି ୱେନ୍‌ବାତାର୍, “ଏନେଙ୍ଗ୍ ଇନା ଆଦିକାର୍‌ତାଙ୍ଗ୍ ଇୱିଜୁ କିନାୟ୍‌? ଆରେ ଇୱିଜୁ କିଦେଙ୍ଗ୍ ନିଙ୍ଗେଙ୍ଗ୍ ଇନେର୍ ଇ ଆଦିକାର୍ ହିତ୍‌ତାର୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:52

ତାପାଚେ ଯୀଶୁଙ୍ଗ୍ ଆସ୍ତେଙ୍ଗ୍ ୱାଜିମାଚି ହେଦଳ୍‌ତ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ମନ୍ଦିର୍‌ନି, ଯିହୁଦିର୍ ନେତାର୍‌ ଆରେ ଯିହୁଦିର୍ ସେନାର୍ ମାଚାର୍। ଯୀଶୁ ପ୍ରାଚିନାରିଙ୍ଗ୍ ୱେଚ୍‌ଚାନ୍, “ଡାକୁର୍ ବିରଦ୍‌ତାକେ ହାନିଲେକେ ଆଜି କାଣ୍ଡାଙ୍ଗ୍ ଆରେ କଣାଙ୍ଗ୍ ଆସ୍ତି ଏପେଙ୍ଗ୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:54

ତାପାଚେ ହେୱାର୍ ଯୀଶୁଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜ ଅତାର୍, ମାତର୍ ପିତର ଅଲପ୍ ଦେହା ମାନ୍‌ଞ୍ଜି ତାପାଚେ ପାଚେ ହାଚାନ୍।

ଜହନ୍‌ 12:27

ଆନେଙ୍ଗ୍ ନଙ୍ଗୟ୍ ବେସି କଷ୍ଟତାକେ ମାନାଙ୍ଗ୍, ଆନେଙ୍ଗ୍ ଇନାକା ୱେଚ୍‌ନାଙ୍ଗ୍? ‘ଏ ଆବା ଈଶ୍ୱର, ନାଙ୍ଗେଙ୍ଗ୍ ଇ ଦୁକ୍ କଷ୍ଟତାଙ୍ଗ୍ ଉଦାର୍ କିଦା,’ ମାତର୍ ଇ ଦୁକ୍‌କଷ୍ଟ ପାୟା ଆଦେଙ୍ଗ୍ ଆନେଙ୍ଗ୍ ୱାତାଙ୍ଗ୍‌ନା।

ଜହନ୍‌ 13:30

ଈଷ୍କାରିୟତିୟ ଯିହୁଦା ଯୀଶୁ ହିତି ରୁଟି ଆସ୍ତି ହେଦାପ୍ରେ ବାର୍ତ ହତାନ୍। ହେପାଦ୍ନା ମିସି ମାଚାତ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 7:30

ଯୀଶୁ ଇବେଣ୍ ୱେଚ୍‌ନିହିଙ୍ଗ୍ ମାନାୟାର୍ ହେୱାନିଙ୍ଗ୍ ଆସ୍ତେଙ୍ଗ୍ ଉପାୟ୍ କିତାର୍। ମାତର୍ ଇନେର୍ ପା ହେୱାନିଙ୍ଗ୍ ଆସ୍‌ପେଦେଙ୍ଗ୍ ଆଡ୍‌ୱାତାର୍। ହେପାଦ୍ନା ପା ହେୱାନ୍ ହାଃନି ଟିକ୍ ସମୟ୍ ଆୱାଦାଙ୍ଗ୍ ମାଚାତ୍।

ଜହନ୍‌ 7:45

ଈଶ୍ୱର ମାନି ମନ୍ଦିର୍‌ନି ସେନାର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ଲାଗାୟ୍ ଲେଉଟା ଆଜି ୱାତାର୍। ପୁଜାରିର୍ ଆରେ ପାରୁସିଦଳ୍‍ ହେୱାରିଙ୍ଗ୍ ୱେନ୍‌ବାତାର୍, “ଏପେଙ୍ଗ୍ ଯୀଶୁଙ୍ଗ୍ ଇନା କିଦେଙ୍ଗ୍ ବନ୍ଦିକିଜି ତାସିୱାୱାତାଦେର୍?”

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।