ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:26 - New Testament in Pengo Parja Language

²⁶ ହେବେତାଙ୍ଗ୍ ହେ ବାଟ୍‌ପାଣିଆର୍ ମାନାୟ୍ ମୁମ୍‌ଦ ଯୀଶୁ ବେଣ୍‌ତିଙ୍ଗ୍ ବୁଲ୍ ଆସ୍ତେଙ୍ଗ୍ ଆଡ୍‌ୱାତାର୍, ଆରେ ହେୱାର୍ ତା ଉତରତାଙ୍ଗ୍ କାବାଆଜି ଚିମ୍ରା ଆଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁶ ଇବେଣ୍ଡାଂ ହେୱାର୍‌ ମାନାୟ୍‌ ମୁମ୍‌ଦ ହେୱାନ୍‌ କାତାତ କୁନି ଆସ୍ତେଙ୍ଗ୍‌ ଆଡ୍‌ୱାତାର୍‌, ଆରେ ହେୱାର୍‌ ହେୱାନ୍‌ ଉତର୍‌ତ କାବା ଆଜ଼ି ଚିମ୍‌ରା ଆଜ଼ି ମାଚାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:26 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:20

ତାପାଚେ ହେୱାର୍ ଯୀଶୁଙ୍ଗ୍ ବୁଲ୍ ଆସ୍ତି ଦସି କିଦେଙ୍ଗ୍ ଉପାୟ୍ ଡେକ୍‌ଚି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାର୍ କେତ୍‌ଜାଣ୍ ବାଟ୍‌ପାଣିଆର୍ ଲେଗ୍‌ଦି ମାନାୟାରିଙ୍ଗ୍ ଯୀଶୁ ଲାଗାୟ ପକ୍ତାର୍। ହେୱାର୍ ବାବିକିଜି ମାଚାର୍ ଯେ, ଯୀଶୁ ୱେଚ୍‌ଚି କାତାତିଙ୍ଗ୍ ବୁଲ୍ ଆସ୍ତେଙ୍ଗ୍ ଆଡ୍‌ନାର୍। ଆରେ ହେ ବୁଲ୍ ଆସ୍ତି ରମିୟ ସରକାର୍ ଗବର୍‌ନର୍ କେଇଦ ଯୀଶୁଙ୍ଗ୍ ଆହିକିଦେଙ୍ଗ୍ ଆଡ୍‌ନାର୍।

ତୀତସ 1:10

ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ଇନେସ୍‌କି ବେସିହେନି ମାନାୟ୍ ସତ୍ ହିକ୍ଷାତିଙ୍ଗ୍ ବିରଦ୍ କିନାର୍। ଇ ମାନାୟାର୍ ଇନା ମୁଲ୍ୟ ହିଲ୍‌ୱି ହିକ୍ଷା ହିନାର୍ ଆରେ ଜେକନିକାରିଙ୍ଗ୍ ଟକାଇ କିନାର୍, ଇନେସ୍‌କି ସୁନତ ବିଦିତିଙ୍ଗ୍ ମାନିକିନି ଦଳ୍‌ନି ମାନାୟାର୍।

ରୋମିୟ 3:19

ଲାଗିଙ୍ଗ୍ ଆପେଙ୍ଗ୍ ପୁଚାପ୍‌ନା ଯେ, ମଶା ଲେକିକିତି ଦରମ୍ ସାସ୍ତରନି ନିୟମ୍ ଇମ୍‌ଣି ମାନାୟାରିଙ୍ଗ୍ ହିତାତ୍‌ନା। ହେଦାଙ୍ଗ୍ ପୁର୍ତିନି ୱିଜୁ ମାନାୟାର୍ ମାନିକିନି ଦର୍‌କାର୍। ଏଚେଜାଣ୍ ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା। ହେୱାର୍ ୱିଜାକାର୍ ଈଶ୍ୱର ଆଗେ ଚିମ୍ରା ଆଜି ମାନାର୍ ଆରେ ଈଶ୍ୱର ହେୱାରିଙ୍ଗ୍ ତା ପାପ୍ କାମାୟ୍ କାଜିଙ୍ଗ୍ ଦଣ୍ଡ୍ ହିନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:17

ଯୀଶୁ ଇ କାତା ୱଚ୍‌ନିହିଙ୍ଗ୍ ଇମ୍‌ଣାକାର୍ ହେୱାନିଙ୍ଗ୍ କୁଟ୍ କିଜି ମାଚାର୍, ହେୱାର୍ ଲାଜୁ ଆତାର୍। ଯୀଶୁ ଇମ୍‌ଣିୱିଜୁ ଚାନିଆଆନି କାମାୟ୍ କିତାନ୍ ହେୱାନିଙ୍ଗ୍ ହୁଡ଼୍‌ଜି ୱିଜାକାର୍ ୱାରିୟା ଆତାର୍।

ମାତିଉ 22:34

ଏଚେପାଦ୍ନା ପାରୁସିଦଳ୍‍ନିକାର୍ ୱେଚାର୍ ଯେ ଯୀଶୁ ଯିହୁଦି ଦର୍‍ମନି ସାଦୁକିଦଳ୍‌ ନିକାରିଙ୍ଗ୍ ଚିମ୍ରା କିଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ରବେଆଜି ଯୀଶୁ କଚଣ୍‌ତ ୱାତାର୍,

ମାତିଉ 22:22

ହେବେତାଙ୍ଗ୍ ହେୱାର୍ ଯୀଶୁ ବେଣ୍ ୱେନ୍‌ଞ୍ଜି ବେସି କାବାଆଜି ହେୱାନିଙ୍ଗ୍ ପିସ୍ତି ହାଚାର୍।

ମାତିଉ 22:12

ରାଜା ହେୱାନିଙ୍ଗ୍ ୱେନ୍‌ବାତାନ୍, ‘ଏ ବନ୍ଦୁ, ବିବାଇଞ୍ଜ ଆଙ୍ଗି ଆର୍ପାୱାଦାଙ୍ଗ୍ ଇବେ ଇନା କିଦେଙ୍ଗ୍ ୱାତାୟ୍‌ନା?’ ମାତର୍ ହେୱାନ୍ ଚିମ୍ରା ଆଜି ମାଚାନ୍।

ମାତିଉ 8:10

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ତାପାଚେ ୱାଜିମାଚି ମାନାୟାରିଙ୍ଗ୍ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯେ ଇଲେକେ ପାର୍ତି କିନାକାରିଙ୍ଗ୍ ଇସ୍ରାଏଲତ ମାନି ମାନାୟାର୍‌ତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:54

ଇନେସ୍‌କି ହେୱାର୍ ଯୀଶୁଙ୍ଗ୍ ଇନାକା ବୁଲ୍ ବେଣ୍ ୱେଚ୍‌ଚିସ୍ ହେୱାର୍ ଜାଲ୍‌ଦ ରାତ୍‌ତେଙ୍ଗ୍ ହାଜି ଡେକ୍‌ଚି ମାଚାର୍।