ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:35 - New Testament in Pengo Parja Language

³⁵ ହେଲେକେ ମାନାୟାର୍ ଇମ୍‌ଣି କାତାତିଙ୍ଗ୍ ମାନ୍ତ ବାବିକିଜି ମାନ୍‌ଗାନାର୍ ହେଦାଙ୍ଗ୍‌ତିଙ୍ଗ୍ ମାନାୟାରିଙ୍ଗ୍ ୱେଚ୍‌ନାର୍। କାଣ୍ଡା କୁନ୍ଦ୍‌ତିସ୍ ଇନେସ୍ ନନାତ୍ ହେଲେକେ ଦୁକ୍ ଏପେଙ୍ଗ୍ ପା ପାୟାଆନାଦେର୍।”

ସତ୍‌ ବଚନ୍‌ ପୁନି ନିୟମ୍‌

³⁵ ହେନି ତାଙ୍ଗେଙ୍ଗ୍‌ ବେରୁଆନାର୍‌ ନିଜେ ମାନ୍‌ନି ଡ଼ୁକ୍‌ତି ବିଚାର୍‌ ସବୁ ହପ୍‌ନାନ୍‌ । ଦୁକ୍‌ ଲାକେ ର ଦାରାକାଣ୍ଡା ଜାର୍‌ ୱାସ୍କିତିଂ ଚିର୍‌ବିର୍‌ କିନାୟ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:35 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:34

ତାପାଚେ ଶିମିୟନ୍ ହେୱାରିଙ୍ଗ୍ ଆଶ୍ରିବାଦ୍ କିତାନ୍ ଆରେ ଯୀଶୁ ତେହି ମରିୟମତିଙ୍ଗ୍ ୱେଚ୍‌ଚାନ୍, “ଇ ହିମ୍‌ଣା କାଜିଙ୍ଗ୍ କେତେକ୍ ଇସ୍ରାଏଲନି ମାନାୟାର୍ ରକ୍ଷା ପାୟାଆନାର୍‌ ଆରେ କେତେକ୍ ହେନି ଦଣ୍ଡ୍ ପାୟାଆନାର୍‌। ଇୱାନ୍ ଈଶ୍ୱର ପକ୍ତିତି ର ଚିନା ଲେକେ, ମାତର୍ ମାନାୟାର୍ ହେୱାନିଙ୍ଗ୍ ଆହୁର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:36

ହେପାଦ୍ନା ହାନ୍ନା ତର୍‍ଦାକା ଭବିଷ୍ଯତବକ୍ତା କଗ୍‌ଲେ ରଞ୍ଜେଲ୍ ମାଚାତ୍। ହେଦେଲ୍ ଆଶେର୍ ଲାତ୍ରାନି ପିନୁଏଲ୍‌ ଗାଡ଼୍‍ହି ମାଚାତ୍। ହେଦେଲ୍ ବେସି ବୁଡି ଆଜି ମାଚାତ୍। ବିବାଆଜି ସାତ୍‌ବାର୍‌ହୁ ନେ ତା ଡକ୍ରାହି ହୁଦାଙ୍ଗ୍ ମାଚାତ୍। ଆରେ ବାକି ବାର୍ହୁ ରାଣ୍ଡି ଆଜି ମାଚାତ୍, ଆରେ ଅସେ ଚାରି ବାର୍ହୁ ଆତିଲେ ହେଦେଲ୍ ହାଃତାତ୍।

ଜହନ୍‌ 19:25

ଯୀଶୁ ତେହି ତା କୃଶକାଟ୍ ଲାଗାୟ୍ ନିଲ୍‌ଚି ମାଚାତ୍, ହେବେ ତାଞ୍ଜିୟା ତଣ୍‌ଦେହି, କ୍ଲପା ଡକ୍ରୁହି ମରିୟମ, ଆରେ ମଗ୍‌ଦଲିନି ସହରନି ମରିୟମ ପା ନିଲ୍‌ଚି ମାଚିକ୍।

୧ କରନ୍ତିୟ 11:19

ଏଲେଙ୍ଗ୍ ଆନାକା ହାର୍, ଯଦି ଏପେଙ୍ଗ୍ ହେଲେକେ ବାଗ୍-ବାଗ୍ ଆନାଦେର୍, ଲାଗିଙ୍ଗ୍ ଈଶ୍ୱର ଇନେରିଙ୍ଗ୍ ଆସ୍ତାନ୍‌ନା ଇଞ୍ଜି ପୁନ୍ୟା ଆନାତ୍‌।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।