ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:25 - New Testament in Pengo Parja Language

²⁵ ଯିରୁଶାଲାମ ସହର୍‌ତାକେ ଶିମିୟନ୍ ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ବେସି ଦରମ୍ ଆରେ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ଇସ୍ରାଏଲ ଜାତିନି ମାନାୟାରିଙ୍ଗ୍ ଶାନ୍ତି କିଦେଙ୍ଗ୍ ଇମ୍‌ଣି ରକ୍ଷାକିଦ୍ନାକାନ୍‌ ୱାନାକା ମାଚାତ୍, ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଇଚାକିଜି ମାଚାର୍। ଆରେ ପବିତ୍ର ଆତ୍ମା ତା ହୁଦାଙ୍ଗ୍ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

²⁵ ଆରେ ହୁଡ଼ାଟ୍‌, ଜିରୁସାଲମ୍‌ତ ସିମିୟନ୍‌ ତର୍‌ଦାକାନ୍‌ ରୱାନ୍‌ ଦାର୍ମି ଆରି ହାର୍‍ଦିମାନାୟ୍‍ ମାଚାନ୍‌; ହେୱାନ୍‌ ଇସ୍ରାଏଲ୍‌ନି ଦୁକ୍‌ସାରାୟ୍‌ କିଦେଙ୍ଗ୍‌ କାସି ମାଚାନ୍‌, ଆରେ ପୁଇପୁୟା ଜିବୁନ୍‍ ତା ତାକେ ଜୁଜ଼ି ମାଚାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:25 Iomraidhean Croise

ମାର୍କ 15:43

ହାରାମାତିଆ ସହର୍‌ନି ଯୋଷେପ୍‌ ଇନେର୍‌କି ଯିହୁଦିର୍ ଦଳ୍‌ନି ମୁକ୍ୟା ମାନାୟ୍ ମାଚାନ୍, ଆରେ ହେୱାନ୍ ପା ଈଶ୍ୱର ସାସନ୍ କିନି ରାଜି ଜଲ୍‌ଦି ୱାନାତ୍ ଇଞ୍ଜି କାସି ମାଚାନ୍। ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ରୋମିୟ ସର୍‌କାର୍ ପିଲାତତାକେ ହାଲ୍‌ଜି ଯୀଶୁ ହାଃତି ମାଡ଼ାତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ମୁଚ୍‍ଚେଙ୍ଗ୍ ଅନୁମତି ଏନ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:41

ଏଲିଶାବେତ ମରିୟମ ଜୁଆର୍‌ କିତାକା ୱେଚିଦାପ୍ରେ ତା ଗାଗାଡ଼୍‌ନି ହିମ୍‌ଣା ଲେମ୍‌ତାତ୍। ଏଲିଶାବେତ ପବିତ୍ର ଆତ୍ମାତାକେ ପୁରା ଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:6

ହେୱାର୍ ରିକାର୍ ଈଶ୍ୱରତାକେ ହାର୍ଦି ମାନାୟ୍ ମାଚାର୍। ହେୱାର୍ ରିକାର୍ ମାପୃତି ୱିଜୁ ଆଦେସ୍ ମାନିକିଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:67

ତାପାଚେ ଯୋହନ ତାଞ୍ଜିବା ଜିକରିୟଙ୍ଗ୍ ପବିତ୍ର ଆତ୍ମା ଶାକ୍ତି ହିତାତ୍। ଆରେ ହେୱାନ୍ ଈଶ୍ୱର ୱେଚ୍‌ଚି କାତାତିଙ୍ଗ୍ ୱେଚ୍‌ଚେଙ୍ଗ୍ ଲାଗାତାନ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:38

ଶିମିୟନ୍ ଯୀଶୁ ବଷୟରେ ୱେଚ୍‌ଚି ପାଚେ ହାନ୍ନା ଯୋଷେପ ଆରେ ମରିୟମ ଲାଗାୟ୍ ଏକାତାତ୍। ହେଦେଲ୍ ପା ହେ ହିମ୍‌ଣାତିଙ୍ଗ୍ ହୁଡ଼୍‌ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିତାତ୍। ଇମ୍‌ଣାକାର୍ ଇସ୍ରାଏଲ ଜାତିରିଙ୍ଗ୍ ଈଶ୍ୱର ରକ୍ଷା କିଦ୍‌ନାନ୍ ଇଞ୍ଜି ଆହାକିଜି କାସି ମାଚାର୍, ହେୱାରିଙ୍ଗ୍ ହାନ୍ନା ହେ ହିମ୍‌ଣା ଯୀଶୁ ବିଷୟରେ ୱେଚ୍‌ଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:51

ହେୱାନ୍ ଯିହୁଦି ନେତାର୍ ଉପାୟ୍‌ତିଙ୍ଗ୍ ଆରେ କାମାୟ୍‌ତାଙ୍ଗ୍ ରାଜି ହିଲ୍‌ୱାତାନ୍। ଇନେସ୍‌କି ଈଶ୍ୱର ସାସନ୍ କିନି ରାଜି ୱାନାକା ହେୱାନ୍ କାସି ମାଚାନ୍।

ପକ୍ୟାତାକା 10:2

ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ହେୱାନ୍ ଆରେ ତା ପରିବାର୍ ନିକାର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ମାଚାର୍। ହେୱାନ୍ ଯିହୁଦିନି ଗରିବ୍ ମାନାୟାରିଙ୍ଗ୍ ଆଦିକ୍ ଦାନ୍ ହିଜିମାଚାନ୍, ଆରେ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାଚାନ୍।

ପକ୍ୟାତାକା 10:22

ହେୱାର୍ ୱେଚ୍‌ଚାର୍, “କର୍ଣିଲିୟ ତର୍‍ଦାକାନ୍ ରକାନ୍ ଶହେ ସେନାର୍ ମୁକ୍ୟା। ହେୱାନ୍ ଦରମ୍ ମାନାୟ୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ମାନାୟ୍। ଆରେ ୱିଜୁ ଯିହୁଦି ଜାତିର୍‌ତାକେ ହେୱାନ୍ ସନ୍‌ମାନ୍ ପାୟା ଆନାନ୍। ନି କାତା ୱେଞ୍ଜେଙ୍ଗ୍ ଇଞ୍ଜ କୁକ୍‌ଚି ଅଦେଙ୍ଗ୍, ପବିତ୍ର ଦୁତ୍ ହେୱାନିଙ୍ଗ୍ କେଚ୍‌କଣ୍‌ତାକେ ଚଞ୍ଜିଆଆଜି ୱେଚ୍‌ଚାତ୍‌ନା।”

ପକ୍ୟାତାକା 2:5

ହେପାଦ୍ନା ଈଶ୍ୱରତିଙ୍ଗ୍ ପାଣ୍ଡ୍ରାଆନି ଯିହୁଦିର୍ ପୁର୍ତିନି ବିନ୍-ବିନ୍‌ଜାତି ନିକାର୍ ଆରେ ବିନ୍-ବିନ୍ ଦେସ୍ତାକାର୍‌ ପେଣ୍ଟିକଷ୍ଟ ପାର୍ବୁଚିଞ୍ଜେଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାର୍।

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

୨ ପିତର 1:21

ଇନେସ୍‌କି ଭବିଷ୍ଯତବକ୍ତାର୍ ଇମ୍‌ଣି କାତା ୱେଚ୍‌ଚାର୍ ହେଦାଙ୍ଗ୍ ତା ଜାର୍ ଇଚାତାଙ୍ଗ୍ ୱେଚ୍‌ୱାତାର୍‌ନା, ମାତର୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱର ଇଚାକିତି କାତାତିଙ୍ଗ୍ ହେୱାର୍ ୱେଚ୍‌ଚାର୍।