ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:8 - New Testament in Pengo Parja Language

⁸ ଜକିୟ ନିଲ୍‌ଚି ଯୀଶୁଙ୍ଗ୍ ୱେଚ୍‌ଚାନ୍, “ଏ ମାପୃ ଦୟାକିଜି ନା କାତା ୱେନା! ଆନେଙ୍ଗ୍ ପାର୍ମାଣ୍ କିନାଙ୍ଗା ନା ଦନ୍ ସମ୍ଫିତିତାଙ୍ଗ୍ ଅଦା ବାଗ୍ ଗରିବ୍ ମାନାୟାରିଙ୍ଗ୍ ବାଟାକିଜି ହିନାଙ୍ଗ୍। ଆନେଙ୍ଗ୍ ଯଦି ଇନେରିଙ୍ଗ୍ ଟକାଇ କିଜିମାନ୍‌ଗାନାଙ୍ଗ୍, ହେୱାନିଙ୍ଗ୍ ଚାରିଗୁଣ୍ ଦନ୍ ହିନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

⁸ ମାତର୍‌ ଜକିୟ ନିଲ୍‌ଚିପା ମାପ୍ରୁଙ୍ଗ୍‌ ଇଚାନ୍‌, ଏ ମାପ୍ରୁ, ହୁଡ଼ା, “ନା ଦାନ୍‌ତାଂ ଆନ୍‌ ଆଦା ହିଲ୍‍ୱାକାରିଂ ଦାନ୍‌ ହିନାଙ୍ଗା, ଆରି ଜଦି ଅନ୍ୟାୟ୍‍ତାଂ ଇନେର୍‌ତାଂ ଅଲପ୍‍ ଅଜ଼ି ମାଚିସ୍‌, ଲାଗିଂ ଚାରିଗୁଣ୍‌ତାଂ ହେଦାଂ ଲେଉଟାୟ୍‍ କିନାଙ୍ଗା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:8 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:41

ଲାଗିଙ୍ଗ୍ ମିବେ ଇନାକା ୱିଜୁ ହାର୍ଦି ବିଷୟ ମାନାତ୍, ହେଦାଙ୍ଗ୍ ଗରିବ୍‌ନିକାରିଙ୍ଗ୍ ଦାନ୍ ହିୟାଟ୍। ହେଦାଙ୍ଗ୍ ମି କାଜିଙ୍ଗ୍ ହାର୍ ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:33

ଲାଗିଙ୍ଗ୍ ଏପେଙ୍ଗ୍ ଜାର୍ ଦନ୍‌ସମ୍ଫତି ୱିଜୁ ପସି ହେ ଡାବୁଙ୍ଗ୍ ଗରିବ୍ ଲାଗାରିଙ୍ଗ୍ ବାଟାକିଜି ହିୟାଟ୍‌। ଇ ଜଗତ୍‌ନି ଦନ୍‌ସମ୍ଫତି ୱିଜୁଦିନ୍ ମାନ୍‌ଗୁତ୍। ଲାଗିଙ୍ଗ୍ ୱିଜୁଦିନ୍ ମାନି ଦନ୍‌ସମ୍ଫତି ଏପେଙ୍ଗ୍ ଆହାଟ୍। ଜାର୍ କାଜିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ଦନ୍‌ସମ୍ଫତି ରୁଣ୍ଡାଇ କିୟାଟ୍। ଇଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍ ସରଗ୍‌ତାକେ ମି ଦନ୍‌ସମ୍ଫତି ଇନେର୍ ପା ଚର୍‌କିଦେଙ୍ଗ୍ ଆଡୁର୍। ଆରେ ପ୍ରାଲ୍ ପା ଚିଞ୍ଜେଙ୍ଗ୍ ଆଡୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ପୁର୍ତିନି ଦନ୍ ହିଜି ସାଙ୍ଗ ରହାଟ୍। ଏଚେକାଡ଼୍‌ଦ ଏପେଙ୍ଗ୍ ହାଃନାଦେର୍, ଈଶ୍ୱର ମିଙ୍ଗେଙ୍ଗ୍ ସରଗ୍‌ତାକେ ମାନି ଇଞ୍ଜ ଆସ୍ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:7

ଇଦାଙ୍ଗ୍ ହୁଡ଼୍‌ଜି ୱିଜାକାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ହୁଡ଼ାଟ୍, ଯୀଶୁ ଇନେସ୍ ରକାନ୍ ପାପି ଇଞ୍ଜ ମାଞ୍ଜେଙ୍ଗ୍ ହାଚାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:13

ହେ ରାଣ୍ଡିଙ୍ଗ୍ ହୁଡ଼୍‌ଜି ଯୀଶୁ ବେସିଦୁକ୍ ଆତାନ୍। ହେୱାନ୍ ହେ ରାଣ୍ଡିଙ୍ଗ୍ ୱେଚ୍‌ଚାନ୍, “ଆଡ଼୍‌ବାମା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:19

ହେବେତାଙ୍ଗ୍ ଡୁବନ୍‌ହିନି ଯୋହନ ଜାର୍ ଚେଲାହିରିଙ୍ଗ୍ ଯୀଶୁ ଲାଗାୟ୍ ଇବେଣ୍ ୱେନ୍‌ବେଦେଙ୍ଗ୍ ପକ୍ତାନ୍, “ଈଶ୍ୱର ଇନେରିଙ୍ଗ୍ ପକ୍ତାନାଙ୍ଗ୍ ଇଞ୍ଜି ୱେଚ୍‌ଚି ମାଚାନ୍ ଏନେଙ୍ଗ୍ ହେୱାଇ କି? ଆରେ ଇନେରିଙ୍ଗ୍ କାସି ମାନାପ୍?”