ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:19 - New Testament in Pengo Parja Language

¹⁹ ହେପାଦ୍ନା ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ସତ୍ ଇଞ୍ଜି ଇନା କିଦେଙ୍ଗ୍ ଇଞ୍ଜ୍‌ନାୟା? ଈଶ୍ୱରତିଙ୍ଗ୍ ପିସ୍ତି ଆରେ ଇନେର୍ ପା ସତ୍‌ନିକାନ୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

¹⁹ “ହେବେଣ୍ଡାଂ ଜିସୁ ତାଙ୍ଗେଙ୍ଗ୍‌ ଇଚାନ୍‌, ନାଙ୍ଗେଙ୍ଗ୍‌ ସତ୍‌ ଇଞ୍ଜି ଇନେକିଦେଂ ଇଞ୍ଜ୍‌ନାୟା ? ରକାନିଂ ପିସ୍ତି, ଇଚିସ୍‌, ଇସ୍ୱର୍‌ତିଂ ପିସ୍ତି ଅଲ୍‌ଗା ଇନେର୍‌ ପା ହାର୍‌ ଆକାୟ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:19 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:35

ସରଗ୍‌ଦୁତ୍ ମରିୟମତିଙ୍ଗ୍ ୱେଚ୍‌ଚାତ୍, “ପବିତ୍ର ଆତ୍ମାନି ଲାଗାୟ୍ ୱାନାତ୍, ଆରେ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ହୁଦାଙ୍ଗ୍ ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ହେ ହିମ୍‌ଣା ପବିତ୍ର ଆଜି ଜନମ୍ ଆନାନ୍। ଆରେ ମାନାୟାର୍ ହେୱାନିଙ୍ଗ୍ ଈଶ୍ୱର ମେହି ଇଞ୍ଜି ପୁନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:18

ଦିନେକ୍ ରକାନ୍ ଯିହୁଦିର୍ ମୁଡ଼୍‌ଦାକାନ୍ ଯୀଶୁଙ୍ଗ୍ ୱେନ୍‌ବାତାନ୍, “ଏ ସତ୍ ଗୁରୁ! ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:20

ଈଶ୍ୱର ଆଦେସ୍ ୱିଜୁ ଏପେଙ୍ଗ୍ ପୁନାଟ୍, ମାନାୟ୍ ଅହ୍‌ମାଟ୍, ଦାରି କିମାଟ୍, ଚର୍ କିମାଟ୍, ମିଚ୍ ସାକି ହିମାଟ୍, ଜାର୍ ଆବାଆୟା କାତା ମାନିକିଜି ସନ୍‌ମାନ୍ କିୟାଟ୍।”

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।