ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:6 - New Testament in Pengo Parja Language

⁶ ମାପୃ ଚେଲାରିହିଙ୍ଗ୍ ୱେଚ୍‌ଚାନ୍, “ଇନେରିଙ୍ଗ୍ ଯଦି ର ହାର୍‌ହୁ ମାଞ୍ଜି ଲେକେ ମି ପାର୍ତି ମାନ୍‌ଗାନାତ୍, ଲାଗିଙ୍ଗ୍ ଚିଟିପାଡ଼୍ ମାର୍‌ତିଙ୍ଗ୍ ଏନେଙ୍ଗ୍ ଚିରାଙ୍ଗ୍ ଲାହାଙ୍ଗ୍ ଜେଲିଆଜି ହାମ୍‌ଦୁର୍‌ତାକେ ରୁଜିଆ ଇଞ୍ଜି ୱେଚ୍‌ଚିସ୍, ହେଦାଙ୍ଗ୍ ମି କାତା ମାନିକିନାତ୍।”

ସତ୍‌ ବଚନ୍‌ ପୁନି ନିୟମ୍‌

⁶ ମାପ୍ରୁ ଇଚାନ୍‌, “ଜଦି ର ହାର୍‌ହୁ ମାଞ୍ଜି ଲାକେ ମିଦାଙ୍ଗ୍‌ ପାର୍ତି ମାଚିସ୍‌, ତା ଆତିସ୍‌ ଇ ତୁତ୍‌ୱା ମାର୍‌ଦିଙ୍ଗ୍‌ ଏନ୍‌ ଦଲ୍‌ଦାଂ ଉଟ୍‌କା ଆଜ଼ି ହାମ୍‌ଦୁର୍‌ତ ରୁଜ଼୍‌ୟା ଆଡ ଇଞ୍ଜି ଇଚିସ୍‌ ହେଦାଂ ମି ବଲ୍‌ ମାନିକିନାତ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:6 Iomraidhean Croise

ମାତିଉ 14:29

ଯୀଶୁ ୱେଚ୍‌ଚାନ୍, “ୱା।” ହେବେତାଙ୍ଗ୍ ପିତର ଡଙ୍ଗାତାଙ୍ଗ୍ ଯୁଜି ଏଜୁଙ୍ଗ୍ ଜପି ତାଙ୍ଗ୍‌ଜି ଯୀଶୁ କଚଣ୍‌ତ ହାଚାନ୍।

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାତିଉ 21:21

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ଈଶ୍ୱରତାକେ ମି ପାର୍ତି ମାଚିସ୍, ଏପେଙ୍ଗ୍ ଜାର୍ ଗରବ୍‌ତାକେ ଡାଉଟ୍ କିମାଟ୍। ଲାଗିଙ୍ଗ୍ ଇ ତଗାମାର୍‌ତାଙ୍ଗ୍ ଇନେସ୍ କିତାଙ୍ଗ୍ ହେଲେକେ ଏପେଙ୍ଗ୍ କିନାଦେର୍। ହେଦାଙ୍ଗ୍ ଆକାୟ୍, ଏପେଙ୍ଗ୍ ଇ ମାଡ଼ିତିଙ୍ଗ୍ ପା ଏନେଙ୍ଗ୍ ନିଙ୍ଗ୍‌ଞ୍ଜି ହାମ୍‌ଦୁର୍‌ତାକେ ହାଲ୍‌ଜି ଆରା ଇଞ୍ଜି ୱେଚ୍‌ଚିସ୍ ହେଦାଙ୍ଗ୍ ଆର୍ନାତ୍।

ମାର୍କ 4:31

ଈଶ୍ୱର ସାସନ୍ କିନି ରାଜି ର ହାର୍‌ହୁ ମାଞ୍ଜି ଲେକେ, ମେଦ୍‌ନିତ ୱିତ୍‍ତିସ୍ ୱିଜୁ ମାଞ୍ଜିତାଙ୍ଗ୍ ହିରୁ।

ମାର୍କ 9:23

ହେବେତାଙ୍ଗ୍ ଯୀଶୁ ହେ ହିମ୍‌ଣା ଲାତ୍ରାହିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇଦାଙ୍ଗ୍ ହାର୍ କିନାଙ୍ଗ୍ କି ଆକାଇ ଇଞ୍ଜି ଏପେଙ୍ଗ୍ ଏଲେଙ୍ଗ୍ ବାବିକିମାଟ୍। ନାବେ ପାର୍ତି କିତିସ୍ ୱିଜୁଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:19

ଈଶ୍ୱର ରାଜି ର ହାର୍‌ହୁ ମାଞ୍ଜି ଲେକେ, ର ମାନାୟ୍ ହେଦାଙ୍ଗ୍ ଅଜି ଜାର୍ ଜମିତ ୱିତ୍‌ନାନ୍, ଆରେ ହେଦାଙ୍ଗ୍ ଗଜାଆଜି ଗାଜାମାର୍ ଆନାତ୍। ଆରେ ତା କେନ୍ଦାଙ୍ଗ୍ ଗାଜା-ଗାଜା ଆନିକ୍। ଆରେ କେନ୍ଦାକାଙ୍ଗ୍ ବାଦାଡ଼୍‌ନି ପଟିଙ୍ଗ୍ ଗୁଡା ଗାଚ୍‌ଚି ବାହାକିନିକ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:7

ଯୀଶୁ ଆରେରଗ କାତା ୱେଚ୍‌ନିଲେକେ କିଜି ୱେଚ୍‌ଚାନ୍, “ହଲିଆ ଏଚେପାଦ୍ନା ମି ଜିମିତ ଆଡ଼୍ ଡ଼ୁଦେଙ୍ଗ୍ ୱାନାନା କି ମେଣ୍ଢାକାଙ୍ଗ୍ ଜାତୁନ୍ କିଜି ହାନିହିଙ୍ଗ୍, ମି ବିତ୍ରେ ଇନେର୍ ମାନାଦେର୍ କି ଏପେଙ୍ଗ୍ ହେୱାନିଙ୍ଗ୍ ଚିଞ୍ଜେଙ୍ଗ୍ ୱା ଇଞ୍ଜି ହିର୍‌ବାନାଦେର୍ କି?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:4

ଲାଗିଙ୍ଗ୍ ଇମ୍‌ଣି ହାଜ୍‌ଦିଙ୍ଗ୍ ଯୀଶୁ ୱାନାନା ଇଞ୍ଜି ପୁନ୍‌ଞ୍ଜି ଆଗେ ହାଚାନ୍। ଆରେ ଯୀଶୁଙ୍ଗ୍ ହୁଡ଼୍‌ଦେଙ୍ଗ୍ ହେୱାନ୍ ର ତଗାମାର୍‌ତ ଦୁମ୍‌ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:13

ହେ ରାଣ୍ଡିଙ୍ଗ୍ ହୁଡ଼୍‌ଜି ଯୀଶୁ ବେସିଦୁକ୍ ଆତାନ୍। ହେୱାନ୍ ହେ ରାଣ୍ଡିଙ୍ଗ୍ ୱେଚ୍‌ଚାନ୍, “ଆଡ଼୍‌ବାମା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:19

ହେବେତାଙ୍ଗ୍ ଡୁବନ୍‌ହିନି ଯୋହନ ଜାର୍ ଚେଲାହିରିଙ୍ଗ୍ ଯୀଶୁ ଲାଗାୟ୍ ଇବେଣ୍ ୱେନ୍‌ବେଦେଙ୍ଗ୍ ପକ୍ତାନ୍, “ଈଶ୍ୱର ଇନେରିଙ୍ଗ୍ ପକ୍ତାନାଙ୍ଗ୍ ଇଞ୍ଜି ୱେଚ୍‌ଚି ମାଚାନ୍ ଏନେଙ୍ଗ୍ ହେୱାଇ କି? ଆରେ ଇନେରିଙ୍ଗ୍ କାସି ମାନାପ୍?”

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।