ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:26 - New Testament in Pengo Parja Language

²⁶ ହେଦାଙ୍ଗ୍ ପିସ୍ତି ମା ରିକାର୍ ମାଦି ର ଗାଜା କଡ଼ି ମାନାତ୍। ନିଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ହେ କଡ଼ି ନାସି ହାଞ୍ଜେଙ୍ଗ୍ ଇନେର୍ ପା ଆଡୁର୍। ଆରେ ହେ ବାହା ପିସ୍ତି ଇନେର୍ ଇବେ ୱାଦେଙ୍ଗ୍ ଆଡୁର୍।’

ସତ୍‌ ବଚନ୍‌ ପୁନି ନିୟମ୍‌

²⁶ ହେଦାଂ ପିସ୍ତି ମି ଆରି ମା ବିତ୍ରେ ବେସିଗାଜା ଦେହା ମାନାତ୍‌, ଇନେସ୍‌ ଇମ୍‌ଣାକାର୍‌ ଇ ବାହାତାଂ ମି ତାକେ ହାନି କାଜିଂ ମାନ୍‌କିନାନ୍‌, ହେୱାର୍‌ ହାଞ୍ଜେଙ୍ଗ୍‌ ଆଡୁର୍‌, କି ଆରି ହେ ବାହାତାଂ ଇନେର୍‌ ମା କଚଣ୍‌ ନାସି ୱାଦେଙ୍ଗ୍ ଆଡୁର୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:26 Iomraidhean Croise

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:59

ଏଚେପାଦ୍ନା ପାତେକ୍ ଏପେଙ୍ଗ୍ ୱିଜୁ ରୁଣ୍ ଏନ୍ତି ଡାବୁଙ୍ଗ୍ ହୁଜା ଆୱାଦାଙ୍ଗ୍ ମାନ୍‌ଗାନାଦେର୍, ହେ ଦିନ୍ ପାତେକ୍ ଏପେଙ୍ଗ୍ ହେବେତାଙ୍ଗ୍ ୱାଦେଙ୍ଗ୍ ଆଡୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:27

ହେ ନାଣିତାକେ ତୁହିୟାଆତି ହାଉକାର୍ ୱେଚ୍‌ଚାନ୍, ‘ଏ ଆବା, ଦୟାକିଜି ଲାଜର୍‌‌ତିଙ୍ଗ୍ ପୁର୍ତିତାକେ ମାଞ୍ଜ୍‌ବା ମାନି ଇଞ୍ଜ ପକା।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।

ହତ୍‌ତି 22:11

ଲାଗିଙ୍ଗ୍ ଇମ୍‌ଣି ମାନାୟ୍ କରାପ୍ କାମାୟ୍ କିନାନା, ହେୱାନ୍ କରାପ୍ କାମାୟ୍ କିଜି ମାନେନ୍। ଇମ୍‌ଣି ମାନାୟ୍ ଅଦରମ୍‌ କାମାୟ୍ କିନାନା, ହେୱାନ୍ ଅଦରମ୍‌ କାମାୟ୍ କିଜି ମାନେନ୍। ଇମ୍‌ଣି ମାନାୟ୍ ହାର୍ କାମାୟ୍ କିନାନା, ହେୱାନ୍ ହାର୍ କାମାୟ୍ କିଜି ମାନେନ୍ ଆରେ ଇମ୍‌ଣି ମାନାୟ୍ ପବିତ୍ର ଆତାନ୍‌ନା ହେୱାନ୍ ପବିତ୍ର ଆଜି ମାନେନ୍।