ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:22 - New Testament in Pengo Parja Language

²² ତାପାଚେ ଲାଜର୍‌ ହାଃତାନ୍। ସରଗ୍‌ଦୁତ୍‌କୁ ୱାତିକ୍ ଆରେ ମା ଆକଦାଦି ଅବ୍ରାହାମ୍‌ ଲାଗାୟ୍ ଅତିକ୍‌। ଆରେ କେତ୍‌ଦିନ୍ ପାଚେ ସାଉକାର୍ ମାନାୟ୍ ପା ହାଃତାନ୍ ଆରେ ହେୱାନିଙ୍ଗ୍ ମୁଚ୍‍ଚାର୍।

ସତ୍‌ ବଚନ୍‌ ପୁନି ନିୟମ୍‌

²² ଦିନେକ୍‌ ହେ ବିକାରି ହାତାନ୍‌ ଆରି ଦୁତ୍‌ର୍‌ କାଜିଂ ଅବ୍ରାହାମ୍‌ ତାକେ ଡ୍ରକ୍ୟାଆତାନ୍; ପାଚେ ହେ ମାଜାନ୍‌ ମାନାୟ୍‌ ପା ହାତାନ୍‌ ଆରେ ଦୁଗେର୍‌ତ ମୁଚ୍ୟା ଆତାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:22 Iomraidhean Croise

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ମାତିଉ 8:11

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “କେତେକ୍ ମାନାୟ୍ ପୁର୍ବ, ପଶ୍ଚିମତାଙ୍ଗ୍, ୱାଜି ଅବ୍ରାହାମ୍‌, ଇସାକ ଆରେ ଯାକୁବ ଲାହାଙ୍ଗ୍ ଈଶ୍ୱର ସାସନ୍ କିନି ରାଜିତାକେ କାଦି ଚିଞ୍ଜେଙ୍ଗ୍ କୁଚ୍‌ନାର୍।

ମାର୍କ 8:36

ଇନେର୍ ପା ୱିଜୁ ଜଗତ୍‍ତିଙ୍ଗ୍ ପାୟାଆଜି ଜାର୍ ଜିବୁନ୍‌ତିଙ୍ଗ୍ ଆରାୟ୍ କିତିସ୍, ହେଦାଙ୍ଗ୍ ତାଦି ଇନା ଲାବ୍?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:20

ମାତର୍ ଈଶ୍ୱର ହେୱାନିଙ୍ଗ୍ ୱେଚ୍‌ଚାନ୍, ‘ଏଡ଼େ ବକୁୱା ମାନାୟ୍! ନେଞ୍ଜେଙ୍ଗ୍ ମିକା ଏନେଙ୍ଗ୍ ହାଃତିସ୍। ଏନେଙ୍ଗ୍ ଇମ୍‌ଣି ଜିନିଷ୍ ହାର୍‌ଦାଙ୍ଗ୍ ଇଡ଼୍‌ତାୟ୍‌ନା, ହେଦାଙ୍ଗ୍ ଇନେସ୍ ଆନାତ୍? ଆରେ ହେଦାଙ୍ଗ୍ ଇନେର୍ ତିନାର୍?’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:21

ଆରେ ନିକୁଡ଼ିଙ୍ଗ୍ ୱାଜି ତା ଗାଉତିଙ୍ଗ୍ ନାଗ୍‌ଜି ମାଚିସ୍ ପା, ସାଉକାର୍ ମାନାୟ୍ ତିନ୍‌ଞ୍ଜି ଉବ୍ରାଆତି ସକ୍‌ଡ଼ି କାଦି ପା ଚିଞ୍ଜେଙ୍ଗ୍ କାସି ମାନ୍‌ଗାନାକା।

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 13:23

ଯୀଶୁ ଚେଲାହିର୍ ବିତ୍ରେତାଙ୍ଗ୍ ରକାନ୍ ଇନେରିଙ୍ଗ୍ ଯୀଶୁ ବେସି ଲାଡ୍‌କିଜି ମାଚାନ୍। ହେୱାନ୍ ଯୀଶୁ ତିନିକେଇ ନିପଣ୍ କୁଚ୍‌ଚି ଚିନ୍‌ଞ୍ଜି ମାଚାନ୍।

ଜହନ୍‌ 21:20

ପିତର ମାସ୍‌ଜି ହୁଡ଼୍‌ତାନ୍ ଯେ, ଇମ୍‌ଣି ଚେଲାହିଙ୍ଗ୍ ଯୀଶୁ ଲାଡ୍‌କିଜି ମାଚାନ୍, ହେୱାନ୍ ହେୱାର୍ ପାଚେ ୱାନାନା। ହେ ମିକା ବଜି ତିନିହିଙ୍ଗ୍, ହେ ଚେଲାହି ଯୀଶୁ ଲାଗାୟ୍ ଆରେ ଅଲପ୍ ଗେଣ୍‌ଜି, ୱେନ୍‌ବିସ୍ ମାଚାନ୍, “ମାପୃ, ମା ବିତ୍ରେ ଇନେର୍ ନି ବିରୁଦ୍‌ତାକେ ହାନାପା?”

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

ଜାକ୍‌ବ 1:11

ଏଚେପାଦ୍ନା ୱେଡ଼ା ହସି କାରା ଜୁରା ଆତିସ୍ କାଚ୍ରାନି ପୁଇକୁ ୱାଚ୍‌ନିକ୍‌, ଆରେ ତା ହଲ୍‌ନାକା ପା ନଷ୍ଟ ଆନାତ୍। ହେଲେକେ ନେ ପାର୍ତିକିନି ହାଉକାର୍ ମାନାୟ୍ ପା ବୁଡା ଆନାନ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

ହତ୍‌ତି 14:13

ତାପାଚେ ସରଗ୍‌ତାକେ ଆରେ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ଇ ୱିଜୁ ବିଷୟତିଙ୍ଗ୍ ଲେକିକିୟାଟ୍। ‌ନଙ୍ଗୟ୍‌ତାଙ୍ଗ୍ ଇମ୍‌ଣି ମାନାୟାର୍ ମାପୃଙ୍ଗ୍ ପାର୍ତି କିଜି ହାଃନାର୍ ହେ ମାନାୟ୍ ଦନ୍ୟ, ଲାଗିଙ୍ଗ୍ ଆଁ, ଟିକ୍ କାତା ଇଞ୍ଜି ପବିତ୍ର ଆତ୍ମା ୱେଚ୍‌ଚାତ୍। ହେୱାର୍ ଦନ୍ୟ ଆନାର୍, ଇନେସ୍‌କି ହେୱାର୍ ତା କଷ୍ଟତାଙ୍ଗ୍ ଶାନ୍ତି ପାୟାଆନାର୍‌। ଆରେ ହେୱାର୍ ହାର୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ପୁରଷ୍କାର୍ ହିନାନ୍।”