ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:13 - New Testament in Pengo Parja Language

¹³ ରକାନ୍ ହଲିଆ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ରକାନିଙ୍ଗ୍ ଲାଡ୍ କିନାନ୍। ଏଲେଙ୍ଗ୍ ଆୱିତିସ୍‌ ରକାନିଙ୍ଗ୍ ଇଚା ଆନାତ୍ ଆରେ ରକାନିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ସତ୍‌ ବଚନ୍‌ ପୁନି ନିୟମ୍‌

¹³ “ଇମ୍‌ଣି ଆଡ଼ିୟା ରି ମାପ୍ରୁଙ୍ଗ୍‌ ହଲ୍ୟା ଆଦେଂ ଆଡୁନ୍‌; ଇନାକିଦେଂକି ହେୱାନ୍‌ ରକାନିଂ ଗିଣ୍‌ କିନାନ୍‌ ଆରି ବିନ୍‌ ଲଗାଂ ଜିଉନନାନ୍‌, ଲାଗିଂ ରକାନ୍‌ କାଜିଂ କାର୍ମା ଆନାନ୍‌ ଆରି ବିନ୍‌ ରକାନିଂ ଆଲ୍‌ଗା କିନାନ୍‌ । ଏପେଙ୍ଗ୍‌ ଇସ୍ୱର୍‌ ଦାନ୍‌ ରିୟାର୍‌ତି ଆଡ଼ିଏନ୍‌ ଆଦେଂ ଆଡୁନ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:13 Iomraidhean Croise

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ମାତିଉ 6:24

ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:23

ଇମ୍‌ଣି ମାନାୟ୍ ନା ସାକ୍ଯା ଆକାଇ, ହେୱାନ୍ ନା ବିରୁଦ୍‌ତାକେ ମାନାନ୍। ଇମ୍‌ଣି ମାନାୟ୍ ନା ହୁଦାଙ୍ଗ୍ କାମାୟ୍ କିଉନା, ହେୱାନ୍ ନା ବିରୁଦ୍‌ତାକେ କାମାୟ୍ କିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:26

“ଯଦି ରକାନ୍ ନା ଲାଗାୟ୍ ୱାନାନ୍, ମାତର୍ ନାବେତାଙ୍ଗ୍ ଲାତ୍ରାହି, ତାଞ୍ଜିୟା, ଡକ୍ରୁହି, ହିମ୍‌ଣା, ଟଣ୍ଡାର୍ ତଣ୍‌ଦେଲିଙ୍ଗ୍, ଆରେ ତା ଜାର୍ ଜିବୁନ୍‌ତିଙ୍ଗ୍ ଆଦିକ୍ ଲାଡ୍ କିନାନ୍, ଲାଗିଙ୍ଗ୍ ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ରକାନ୍ ତା ଜାର୍‌ତିଙ୍ଗ୍ ନାଙ୍ଗେଙ୍ଗ୍ ଆଦିକ୍ ଲାଡ୍ କିତ୍‌ଦେଙ୍ଗ୍ ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:12

ଏପେଙ୍ଗ୍ ଜେକନିକାର୍ ଦନ୍ ସମ୍ପତିତିଙ୍ଗ୍ ହାର୍‌ଦାଙ୍ଗ୍ ବାଉରା ଆୱିତିସ୍‌, ଲାଗିଙ୍ଗ୍ ଇନେର୍ ମି କାଜିଙ୍ଗ୍ ଡାବୁଙ୍ଗ୍ ହିଦ୍‌ନାର୍?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ପୁର୍ତିନି ଦନ୍ ହିଜି ସାଙ୍ଗ ରହାଟ୍। ଏଚେକାଡ଼୍‌ଦ ଏପେଙ୍ଗ୍ ହାଃନାଦେର୍, ଈଶ୍ୱର ମିଙ୍ଗେଙ୍ଗ୍ ସରଗ୍‌ତାକେ ମାନି ଇଞ୍ଜ ଆସ୍ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:50

ମାତର୍ ଯୀଶୁ ୱେଚ୍‌ଚାନ୍, “ହେୱାନିଙ୍ଗ୍ ମୁନା କିମାଟ୍, ଲାଗିଙ୍ଗ୍ ଇନେର୍ ମା ବିରଦ୍ କିଦୁନା, ହେୱାନ୍ ମା ମିତ୍ର।”

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।