ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:11 - New Testament in Pengo Parja Language

¹¹ ଇମ୍‌ଣାକାନ୍ ଆନେଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିନାନ୍, ଈଶ୍ୱର ହେୱାନିଙ୍ଗ୍ ହିରୁ କିନାନ୍। ଇମ୍‌ଣାକାନ୍ ଆନେଙ୍ଗ୍ ହିରୁ ଇଞ୍ଜି ବାବିକିନାନ୍, ହେୱାନିଙ୍ଗ୍ ଈଶ୍ୱର ଗାଜା କିନାନ୍।”

ସତ୍‌ ବଚନ୍‌ ପୁନି ନିୟମ୍‌

¹¹ ଇନାକିଦେଂକି ଇନେର୍‌ ଜାର୍‌ତିଂ ଗାଜା ଇଞ୍ଜି ଚଞ୍ଜିୟାଆନାନ୍‌, ତାଙ୍ଗେଙ୍ଗ୍‌ ହାରୁ ଆନାନ୍‌, ଆରେ ଇନେର୍‌ ଜାର୍‌ତିଂ ହାରୁ ଆନାନ୍‌, ହେୱାନିଂ ଉଚ୍‌ କିୟାନାତ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:11 Iomraidhean Croise

ମାତିଉ 23:12

ଇମ୍‌ଣାକାନ୍ ଆନେଙ୍ଗ୍ ଗାଜାକାଙ୍ଗ୍ ଇନାନ୍, ହେୱାନିଙ୍ଗ୍ ହିରୁ କିୟାଆନାତ୍। ଇମ୍‌ଣାକାନ୍ ଆନେଙ୍ଗ୍ ହିରୁ ଇଞ୍ଜି ବାବିକିନାନ୍, ହେୱାନିଙ୍ଗ୍ ଗାଜା କିୟାଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:51

ହେୱାନ୍ ତା ଜାର୍ କେଇଦି ସାକ୍ତି ଚଚ୍‌ଚାତାନ୍‌ନା। ହେୱାନ୍ ଆକାର୍ ମାନାୟାରିଙ୍ଗ୍ ଚିନ୍‌ବିନ୍ କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:52

ହେୱାନ୍ ସାସନ୍ କିନାକାରିଙ୍ଗ୍ ସିଂହାସନ୍‌ତାକେତାଙ୍ଗ୍ ତାରେନ୍ ଜୁତ୍‌ତାନ୍। ଆରେ କାକୁଲ୍‌ତି ମାନାୟାରିଙ୍ଗ୍ ଜପି ନିକ୍ତାନ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:12

ପାଚେ ଯୀଶୁ ହେୱାନିଙ୍ଗ୍ ହିର୍‌ବିତି ପାରୁସିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଇନେରିଙ୍ଗ୍ ୱେଡ଼ା କି ମିକାଲିଙ୍ଗ୍ ଚିଞ୍ଜେଙ୍ଗ୍ କୁକ୍‌ତିହିଙ୍ଗ୍ ବାଇ କୁଟୁମ୍, ଆରେ ପାଡ଼୍‌ହା ଇଞ୍ଜାକାର୍ ଦନି ମାନାୟାରିଙ୍ଗ୍ କୁକ୍‌ମାଟ୍। ଇନେସ୍‌କି ଆରେ ରଦିନ୍ ପା ମିଙ୍ଗେଙ୍ଗ୍ ହେୱାନ୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁକ୍ତାନାନ୍, ହେପାଦ୍ନା ଏନେଙ୍ଗ୍ ପା ହିଦେଙ୍ଗ୍ ଆନାତ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:14

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ହେ ସିସ୍ତୁଏନ୍‌ନାକାନିଙ୍ଗ୍ ଈଶ୍ୱର ଦରମ୍ ଇଞ୍ଜି ଗାଣାକିତାନ୍। ମାତର୍ ହେ ପାରୁସିଙ୍ଗ୍ ଆକାୟ୍। ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ଆନେଙ୍ଗ୍ ଗାଜାକାଙ୍ଗ୍ ଇନାନ୍, ଈଶ୍ୱର ହେୱାନିଙ୍ଗ୍ ୱିଜାକାର୍‌ତାଙ୍ଗ୍ ହିରୁ କିନାନ୍। ଇମ୍‌ଣାକାନ୍ ଆନେଙ୍ଗ୍ ହିରୁ ଇଞ୍ଜି ବାବିକିନାନ୍, ଈଶ୍ୱର ହେୱାନିଙ୍ଗ୍ ୱିଜାକାର୍‌ତାଙ୍ଗ୍ ଗାଜା କିନାନ୍।’ ”

ଜାକ୍‌ବ 1:9

ପାର୍ତିକିନି ଗରିବ୍ ମାନାୟାର୍ ୱାରି ଆନି ଦର୍‌କାର୍, ଇନେସ୍‌କି ହେୱାରିଙ୍ଗ୍ ଈଶ୍ୱର ସନ୍‌ମାନ୍ କିନାନ୍।

ଜାକ୍‌ବ 4:10

ମାପୃ ଲାଗାୟ୍ ଜାର୍‌ତିଙ୍ଗ୍ ହିରୁ କିୟାଟ୍, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଉନତି କିଦ୍‌ନାନ୍।

ଜାକ୍‌ବ 4:6

ଈଶ୍ୱର ମାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଲେକା ମାନାତ୍, “ଆକାର୍ ଆନାକାରିଙ୍ଗ୍ ଈଶ୍ୱର ବିରଦ୍ କିନାନ୍। ମାତର୍ ସାଦୁ ମାନାୟ୍‌ତିଙ୍ଗ୍ ହେୱାନ୍ ଦୟା କିନାନ୍।”

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”

୧ ପିତର 5:6

ହେଦାଙ୍ଗ୍ କାଜିଙ୍ଗ୍ ୱିଜୁ ଶାକ୍ତିମାନି ଈଶ୍ୱର ମୁମ୍‌ଦ ଜାର୍‌ତିଙ୍ଗ୍ ଦରମ୍ ଆଡ, ଲାଗିଙ୍ଗ୍ ଟିକ୍ ସମୟରେ ଈଶ୍ୱର ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନି କାଜିଙ୍ଗ୍ ଗାଜାକାନ୍ କିଦ୍‌ନାନ୍।