ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:34 - New Testament in Pengo Parja Language

³⁴ ଏ ଯିରୁଶାଲାମ ସହର୍‌ନି ମାନାୟ୍ କାଦେର୍! ଏପେଙ୍ଗ୍ ଇ ଭବିଷ୍ଯତବକ୍ତାରିଙ୍ଗ୍ ଅସ୍ତାଦେର୍‌ନା। ଈଶ୍ୱର ଇମ୍‌ଣି ଭବିଷ୍ଯତବକ୍ତାରିଙ୍ଗ୍ ପକ୍‌ଚି ମାଚାନ୍, ଏପେଙ୍ଗ୍ ହେୱାରିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ପାଗ୍‌ତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ବେସି ସାଇଜ କିଦେଙ୍ଗ୍ ଇଚାକିଜି ମାଚାଙ୍ଗ୍। ଇନେସ୍‌କି ର କୁଜୁ ତା ହିମ୍‌ଣାକାଙ୍ଗ୍ ଜାର୍ ମାରାଙ୍ଗ୍ ତାରେନ୍ ରୁଣ୍ଡାଇ କିନାତ୍, ହେଲେକେ ମିଙ୍ଗେଙ୍ଗ୍ ୱିଜୁ ହିମ୍‌ଣାକାଙ୍ଗ୍ ଇନେକିଦେଙ୍ଗ୍ ଆନେଙ୍ଗ୍ ବେସିହଟ୍ ମାନ୍ କିଜି ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ହିଦ୍‌ୱାତାଦେର୍।

ସତ୍‌ ବଚନ୍‌ ପୁନି ନିୟମ୍‌

³⁴ “ଏ ଜିରୁସାଲମ୍‌, ଏ ଜିରୁସାଲମ୍‌, ବେଣ୍‌ବାକ୍‌ଣାୟ୍‌ କିନାକାର୍‌ତି ଟୁଣାକାୟ୍ ଆରି ଜାର୍‌ ତାକେ ପକ୍ୟାତାକାରିଂ କାଲ୍ଅହିୟାନି । କୁଜ଼ୁ ଇନେସ୍‌ ମାରା ତାରେନ୍‌ ଜାର୍‌ ହିମ୍‌ଣାକାଂ ରବେ କିନାତ୍‌, ହେ ଲାକେ ଆନ୍‌ ଏଚେହଟ୍ ନି ହିମ୍‌ଣାକାଂ ରବେ କିଦେଙ୍ଗ୍‌ ମାନ୍‌ କିତାଙ୍ଗ୍‌, ମାତର୍‌ ଏପେଙ୍ଗ୍‌ ମାନ୍‌ କିୱାତାଦେର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:34 Iomraidhean Croise

ମାତିଉ 22:3

ବିବାବଜିତାକେ ୱାଦେଙ୍ଗ୍ କାବୁର୍ ହିତି ମାନାୟାରିଙ୍ଗ୍ ହିର୍‌ବିତାତେଙ୍ଗ୍ ହେୱାନ୍ ତା ହଲିଆହିରିଙ୍ଗ୍ ପକ୍ତାନ୍। ମାତର୍ ହେୱାର୍ ୱାଦେଙ୍ଗ୍ ଇଚା କିୱାତାର୍।

ମାତିଉ 22:6

ଆରେ କେତ୍‌ଜାଣ୍ ହଲିଆହିରିଙ୍ଗ୍ ଆସ୍ତି ଟ୍ରାକ୍‌ଚି-ଟ୍ରାକ୍‌ଚି ମାର୍ନେ ଅସ୍ତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:28

ଇଦାଙ୍ଗ୍ ୱେନ୍‌ଞ୍ଜି ତା ଗାଜା ଟଣ୍ଡାହି ବେସି ରିସା ଆତାନ୍। ହେୱାନ୍ ଇଲ୍ ବିତ୍ରେ ହାଞ୍ଜେଙ୍ଗ୍ ଇଚା କିୱାତାନ୍। ଲାଗିଙ୍ଗ୍ ଲାତ୍ରାହି ଗାଜା ହିମ୍‌ଣାତିଙ୍ଗ୍ କୁକ୍‌ଚି ବୁଜାଇ କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:44

ମି ଶତ୍ରୁର୍‌ ମିଙ୍ଗେଙ୍ଗ୍ ପୁରା ନଷ୍ଟ କିଦ୍‌ନାର୍। ମି ସହର୍‌ତାକେ ମାନି ୱିଜାକାରିଙ୍ଗ୍ ମାର୍ନେ ଅହ୍‌ନାର୍। ଆରେ ମି ଇଲ୍‌ଗାଣ୍‌ତିଙ୍ଗ୍ ବାଡ଼୍‌ହାଇ କିଜି ନଷ୍ଟ କିନାର୍। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ଦେଙ୍ଗ୍ ୱାଜିମାଚି ସମୟତିଙ୍ଗ୍ ପୁନ୍‌ୱାତାଦେର୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:28

ମାତର୍ ଯୀଶୁ ବୁଲାଆଜି ହେ କଗ୍‍ଲେକାଙ୍ଗ୍ ୱେଚ୍‌ଚାନ୍, “ଏ ଯିରୁଶାଲାମ ସହର୍‌ତାକେ ମାନି କଗ୍‍ଲେକ୍! ନା କାଜିଙ୍ଗ୍ ଆଡ଼୍‌ବାମାଟ୍‌। ଏପେଙ୍ଗ୍ ମି କାଜିଙ୍ଗ୍ ଆରେ ଜାର୍ ହିମ୍‌ଣାୱାକ୍‌ଡ଼ା କାଜିଙ୍ଗ୍ ଆଡ଼୍‌ବାଟ୍।

ପକ୍ୟାତାକା 7:52

ମି ଆକଦାଦିର୍ ଭବିଷ୍ଯତବକ୍ତାରିଙ୍ଗ୍ ଦୁକ୍‌କଷ୍ଟ ହିଜି ମାଚାର୍। ଦରମ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଇଞ୍ଜି ଇମ୍‌ଣାକାର୍ ଆଗେ ୱେଚ୍‌ଚି ମାଚାର୍ ହେୱାରିଙ୍ଗ୍ ପା ମି ଆକଦାଦିର୍ ମାର୍ନେ ଅସ୍ତାର୍। ନଙ୍ଗୟ୍ ଏପେଙ୍ଗ୍ ହେ ଦରମ୍ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିଜି ମାର୍ନେ ଅସ୍ତାଦେର୍।

ପକ୍ୟାତାକା 7:59

ହେୱାର୍ ସ୍ତିପାନତିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ମାଚିହିଙ୍ଗ୍, ହେପାଦ୍ନା ହେୱାନ୍ ପାର୍ତାନା କିଜି ୱେଚ୍‌ଚାନ୍, “ଏ ମାପୃ ଯୀଶୁ ନା ଆତ୍ମାତିଙ୍ଗ୍ ଆସ୍ତା।”

ପକ୍ୟାତାକା 8:1

ଶାଉଲ ସ୍ତିପାନତିଙ୍ଗ୍ ଅସ୍ତେଙ୍ଗ୍ ମେହାଆଜି ମାଚାନ୍। ହେ ଦିନ୍ ମାନାୟାର୍ ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିତାର୍। ହେଦାଙ୍ଗ୍ କାଜିଙ୍ଗ୍ ବାଚିକିତି ଚେଲାହିରିଙ୍ଗ୍ ପିସ୍ତି ଜେକନି ୱିଜାକାର୍ ଯିହୁଦା ଜିଲ୍ଲା ଆରେ ଶମିରଣିୟ ଜିଲ୍ଲାନି ଚାରିବେଣ୍‌ତାଙ୍ଗ୍ ଚିନ୍‌ବିନ୍ ଆତାର୍।

ହତ୍‌ତି 11:8

ଆରେ ତା ହାଃତି ଗାଗାଡ଼୍ ଯିରୁଶାଲାମ ସହର୍‌ନି ରାସ୍ତାତାକେ ମାନ୍‌ଗାନାତ୍, ଇମ୍‌ଣି ଗାଜା ସହର୍‌ତାକେ ଯୀଶୁ ମାପୃଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତି ମାଚାର୍। ହେ ସହର୍‌ତିଙ୍ଗ୍ ସଦୋମ ଆରେ ମିସର୍ ଦେସ୍‌ଲେକେ ଇନ୍ୟା ଆନାତ୍, ଇନେସ୍‌କି ହେ ସହର୍‌ନି ମାନାୟାର୍ ସଦୋମ ଆରେ ମିସର୍ ଦେସ୍‌ନି ମାନାୟାର୍‌ଲେକେ କରାପ୍।