ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:19 - New Testament in Pengo Parja Language

¹⁹ ଈଶ୍ୱର ରାଜି ର ହାର୍‌ହୁ ମାଞ୍ଜି ଲେକେ, ର ମାନାୟ୍ ହେଦାଙ୍ଗ୍ ଅଜି ଜାର୍ ଜମିତ ୱିତ୍‌ନାନ୍, ଆରେ ହେଦାଙ୍ଗ୍ ଗଜାଆଜି ଗାଜାମାର୍ ଆନାତ୍। ଆରେ ତା କେନ୍ଦାଙ୍ଗ୍ ଗାଜା-ଗାଜା ଆନିକ୍। ଆରେ କେନ୍ଦାକାଙ୍ଗ୍ ବାଦାଡ଼୍‌ନି ପଟିଙ୍ଗ୍ ଗୁଡା ଗାଚ୍‌ଚି ବାହାକିନିକ୍‌।”

ସତ୍‌ ବଚନ୍‌ ପୁନି ନିୟମ୍‌

¹⁹ ହେଦାଂ ଇ ଲାକେ ରଞ୍ଜାଙ୍ଗ୍‌ ହାର୍‌ହୁ ମାଞ୍ଜି ଲାକେ, ହେଦାଂ ଅଜ଼ି ରକାନ୍‌ ମାନାୟ୍‌ ଜାର୍‌ ବାଡ଼୍‌ଦ ୱିତ୍‌ତାନ୍, ଆରେ ହେଦାଂ ପାନ୍‌ଚି ମାର୍‌ ଆତାତ୍‌, ଆରି ବାଦାଡ଼୍‌ତାଂ ପଟିଂ ୱାଜ଼ି ହେ ଡାଡ଼୍‌ଦ ବାହା କିତିଂ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:19 Iomraidhean Croise

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାର୍କ 4:30

ଯୀଶୁ ଆରେରଗ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଇନେସ୍ ଲେଗ୍‌ଦାକା ହେ ବିଷୟତାଙ୍ଗ୍ ଆନେଙ୍ଗ୍ ର କାତା ୱେଚ୍‌ଚାନାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:6

ମାପୃ ଚେଲାରିହିଙ୍ଗ୍ ୱେଚ୍‌ଚାନ୍, “ଇନେରିଙ୍ଗ୍ ଯଦି ର ହାର୍‌ହୁ ମାଞ୍ଜି ଲେକେ ମି ପାର୍ତି ମାନ୍‌ଗାନାତ୍, ଲାଗିଙ୍ଗ୍ ଚିଟିପାଡ଼୍ ମାର୍‌ତିଙ୍ଗ୍ ଏନେଙ୍ଗ୍ ଚିରାଙ୍ଗ୍ ଲାହାଙ୍ଗ୍ ଜେଲିଆଜି ହାମ୍‌ଦୁର୍‌ତାକେ ରୁଜିଆ ଇଞ୍ଜି ୱେଚ୍‌ଚିସ୍, ହେଦାଙ୍ଗ୍ ମି କାତା ମାନିକିନାତ୍।”

ପକ୍ୟାତାକା 2:41

ହେବେତାଙ୍ଗ୍ ଇମ୍‌ଣାକାର୍ ହେୱାନ୍ କାତା ୱେଚାର୍, ହେୱାର୍ ଡୁବନ୍ ଅତାର୍, ଆରେ ହେ ଦିନ୍ ପାକାପାକି ତିନ୍ ହାଜାର୍ ମାନାୟାର୍ ମଣ୍ଡ୍‌ଲି ହୁଦାଙ୍ଗ୍ ମେହାଆତାର୍।

ପକ୍ୟାତାକା 21:20

ହେୱାର୍ ହେଦାଙ୍ଗ୍ ୱେନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍। ପାଚେ ହେୱାର୍ ପାଉଲତିଙ୍ଗ୍ ୱେଚ୍‌ଚାର୍, “ଏ ଟଣ୍ଡେନ୍ ଯିହୁଦିର୍ ବିତ୍ରେ କେତେକ୍ ହାଜାର୍ ମାନାୟ୍ ପାର୍ତି କିତାର୍‌ନା ହେଦାଙ୍ଗ୍ ଏନେଙ୍ଗ୍ ପୁଚାଇନା। ହେୱାର୍ ୱିଜାକାର୍ ମୋଶା ହିତି ନିୟମ୍ ସାସ୍ତର୍‌ତିଙ୍ଗ୍ ବେସି ଦିୟାନ୍ କିଜି ମାନି କିନାରା।

ପକ୍ୟାତାକା 4:4

ମାତର୍ ଈଶ୍ୱର କାତା ୱେନି ମାନାୟାର୍ ବିତ୍ରେତାଙ୍ଗ୍ କେତେକ୍ ହେନି ଯୀଶୁଙ୍ଗ୍ ପାର୍ତି କିତାର୍। ହେ ପାର୍ତିକିନାକାର୍‌ତାଙ୍ଗ୍ ପାକାପାକି ପାଞ୍ଚ୍ ହାଜାର୍ ଆଣ୍ଡ୍ରା ହିମ୍‌ଣାଙ୍ଗ୍ ମାଚାର୍।

ରୋମିୟ 15:19

ଈଶ୍ୱର ନାଙ୍ଗେଙ୍ଗ୍ ପବିତ୍ର ଆତ୍ମା ଶାକ୍ତି ହିଜି ମାନ୍‌ଞ୍ଚି କାଜିଙ୍ଗ୍, ଆନେଙ୍ଗ୍ ଶାକ୍ତି ଚିନ୍ ଆରେ ଚାନିଆ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଇଲୁରିକ ସହର୍‌ତାକେ କେତେକ୍ ବାହାକାଙ୍ଗ୍ ହାଚାଙ୍ଗ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱିଜାକାରିଙ୍ଗ୍ ଶୁଣାୟ୍ କିଜି ମାଚାଙ୍ଗ୍।

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”