ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:9 - New Testament in Pengo Parja Language

⁹ ମାତର୍ ଇମ୍‌ଣି ମାନାୟାର୍ ମୁମ୍‌ଦ ଆଗେ ନିଲ୍‌ଚି ୱେଚ୍‌ନାନ୍ ଯେ, ହେୱାନ୍ ନାବେ ପାର୍ତି କିଦୁନ୍, ଲାଗିଙ୍ଗ୍ ଆନେଙ୍ଗ୍ ପା ଈଶ୍ୱର ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଯେ ହେ ମାନାୟ୍ ନା ଜାର୍ ଲକ୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

⁹ ମାତର୍‌ ଜେ ଲକୁ ମୁମ୍‌ଦ ନାଙ୍ଗେଙ୍ଗ୍‌ ଏତୁ କିଦୁଦେର୍‍, ହେୱାନ୍‌ ଇସ୍ୱର୍‌ତି ଦୁତ୍‌ର୍‌ ମୁମ୍‌ଦ ମାନି କିୟା ଆଉଦେର୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:9 Iomraidhean Croise

ମାତିଉ 10:33

ମାତର୍ ଇନେର୍ ପା ମାନାୟ୍ ମୁମ୍‌ଦ ନିଲ୍‌ଚି ପାର୍ତି କିଉଙ୍ଗା ଇଞ୍ଜି ୱେଚ୍‌ନାନ୍, ଆନେଙ୍ଗ୍ ପା ନା ସରଗ୍‌ନି ଆବା ମୁମ୍‌ଦ ୱେଚ୍‌ନାଙ୍ଗ୍ ଯେ ଇୱାନ୍ ନା ଜାର୍ ଲକ୍ ଆକାଇ।”

ମାତିଉ 25:12

ମାତର୍ ବର ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜୁଙ୍ଗ୍।’

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 7:23

ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ୱେଚ୍‌ନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ପୁଞ୍ଜୁଙ୍ଗ୍। ଏ ଅଦରମ୍‌ନି ମାନାୟାର୍ ନା ଲାଗାୟ୍‌ତାଙ୍ଗ୍ ଦେହାଆଡ।

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:10

ହେଲେକେ ରକାନ୍ ପାପି ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାତିସ୍, ସରଗ୍‌ନି ଦୁତ୍‌କୁ ବେସି ୱାରି ଆନିକ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:57

ମାତର୍ ପିତର ଇ ବେଣ୍‌ତିଙ୍ଗ୍ ମାନିକିୱାଦାଙ୍ଗ୍ ୱେଚ୍‌ଚାନ୍, “ଆକାୟ୍ ତଣ୍‌ଦେଲ୍, ଆନେଙ୍ଗ୍ ହେୱାନିଙ୍ଗ୍ ମୁଳ୍‌କେ ପୁନୁଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:26

ଯଦି ଇନେର୍ ପା ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଏଚେକାଡ଼୍‌ଦ ସରଗ୍‌ତାଙ୍ଗ୍ ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

୧ ଯୋହନ 2:28

ଏ କାଡ଼୍‌ଦେର୍, ଖ୍ରୀଷ୍ଟତାକେ ମାହାଆଜି ମାନାଟ୍। ଲାଗିଙ୍ଗ୍ ଏଚେପାଦ୍ନା ହେୱାନ୍ ପୁର୍ତିତାକେ ଆରେରଗ ୱାନାନ୍, ହେପାଦ୍ନା ଆସେଙ୍ଗ୍ ତା ଆଗେ ଲାଜା ଆୱାଦାଙ୍ଗ୍ ଶାସ୍ ହୁଦାଙ୍ଗ୍ ମାହା ଆନାସ୍।

ହତ୍‌ତି 3:8

ଆନେଙ୍ଗ୍ ପୁଚାଙ୍ଗ୍‌ନା ଯେ, ମିଙ୍ଗେଙ୍ଗ୍ ଅଲପ୍ ଶାକ୍ତି ମାନାତ୍। ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିତାଦେର୍‌ନା ଆରେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ମୁନା କିୱାତାଦେର୍‍ନା, ଲାଗିଙ୍ଗ୍ ମି କାଜିଙ୍ଗ୍ ର କାପାଟ୍ ଜେତାଙ୍ଗ୍‌ନା ହେଦାଙ୍ଗ୍ ଇନେର୍ ଗେସ୍ତେଙ୍ଗ୍ ଆଡୁର୍।