ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:4 - New Testament in Pengo Parja Language

⁴ ହେ ନା ସାଙ୍ଗ କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଗାଗାଡ଼୍‌ତିଙ୍ଗ୍ ଅସ୍ତାନାର୍ ହେୱାରିଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ହେୱାର୍ ଆରେ ଇନାକାପା କିଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

⁴ “ମାତର୍‌ ନା ସାଙ୍ଗ ଜେ ଏପେଙ୍ଗ୍‌, ମିଙ୍ଗେଙ୍ଗ୍‌ ଆନ୍‌ ଇଞ୍ଜ୍‌ନାଙ୍ଗା, ଇମ୍‍ଣାକାର୍‌କି ଗାଗାଡ଼୍‌ତିଂ ଅହ୍‌ନାର୍‌, ମତର୍‌ ତା ପାଚେ ଆରେ ବେସି ନସ୍ଟ କିଦେଙ୍ଗ୍‌ ଆଡୁର୍‌, ହେୱାରିଂ ପାଣ୍ଡ୍ରୁ ଆମାଟ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:4 Iomraidhean Croise

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ଜହନ୍‌ 15:13

ଜାର୍ ସାଙ୍ଗର୍ କାଜିଙ୍ଗ୍ ଜିବୁନ୍ ହିଜି ଲାଡ୍‌କିନି ଦର୍‌କାର୍। ହେବେତାଙ୍ଗ୍ ଆରେ ଆଦିକ୍ ଇନାକା ଆକାୟ୍।

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

ପିଲିପିୟ 1:28

ମିଙ୍ଗେଙ୍ଗ୍ ଇନା ବିଷୟରେ ପା ବିରଦ୍ କିଦ୍‌ନି ମାନାୟାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ମି ସାହାସ୍ ହେୱାର୍ କାଜିଙ୍ଗ୍ ନଷ୍ଟ ଆନି ଚିନା, ମାତର୍ ମି କାଜିଙ୍ଗ୍ ଈଶ୍ୱର ହିତ୍‌ତି ଉଦାର୍ ପାୟାଆନି ଚିନା।

ଜାକ୍‌ବ 2:23

ଲାଗିଙ୍ଗ୍ ନିୟମ୍ ସାସ୍ତର୍‌ନି ଇ କାତା ପୁରା ଆତାତ୍, “ଅବ୍ରାହାମ ଈଶ୍ୱରତାକେ ପାର୍ତି କିତାନ୍, ଆରେ ତା ପାର୍ତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ଇଚାନ୍।” ଆରେ ଈଶ୍ୱର ଅବ୍ରାହାମତିଙ୍ଗ୍ ୱେଚ୍‌ଚାନ୍, “ହେୱାନ୍ ନା ସାଙ୍ଗ।”

୧ ପିତର 3:14

ମାତର୍ ଏପେଙ୍ଗ୍ ଯଦି ହାର୍ କାମାୟ୍ କିନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଲାଗିଙ୍ଗ୍ ଏପେଙ୍ଗ୍ ଚିନ୍ତା କିମାଟ୍ କି, ବ୍ୟବହାର୍ କାଜିଙ୍ଗ୍ ପାଣ୍ଡ୍ରା ଆମାଟ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”