ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:48 - New Testament in Pengo Parja Language

⁴⁸ ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମାନାୟ୍‌ତିଙ୍ଗ୍ ଚଚ୍‌ଚି ହିଦେଙ୍ଗ୍ ଇଚା କିନାଦେରା ଯେ, ଏପେଙ୍ଗ୍ ମି ଆକଦାଦିର୍ କାମାୟ୍‌ତିଙ୍ଗ୍ ସମାନ୍ କିନାଦେରା। ଇନେସ୍‌କି ହେୱାର୍ ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତି ମାଚାର୍ ଆରେ ଏପେଙ୍ଗ୍ ହେୱାର୍ କାଜିଙ୍ଗ୍ ଦୁଗେର୍ ରହ୍‌ନାଦେରା।

ସତ୍‌ ବଚନ୍‌ ପୁନି ନିୟମ୍‌

⁴⁸ ଲାଗିଂ, ମି ଦାଦିର୍‌ ଆକର୍‌ତି କାମାୟ୍‌ ବିସ୍ରେ ଏପେଙ୍ଗ୍‌ ସାକି ଆନାଦେରା ଆରି ବାଚି କିନାଦେରା; ଇନାକିଦେଂକି ହେୱାର୍‌ ହିନା ହେୱେରିଂ ଅସ୍ତି ମାଚାର୍‌, ମତର୍‌ ଏପେଙ୍ଗ୍‌ ହେୱାର୍‌ତି ଦୁଗେର୍‌ବାହା ରଚ୍‌ଚି କିଜ଼ି ମାନାଟ୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:48 Iomraidhean Croise

ମାତିଉ 23:27

ଏ ପାଟ୍‌କାର୍ ପଣ୍ଡିତ୍‌ ଆରେ ପାରୁସିଦଳ୍‍? ମିଙ୍ଗେଙ୍ଗ୍ ଦିକ! ଏପେଙ୍ଗ୍ ୱିଜୁ ଡ଼ିଞ୍ଜ୍‌ନି ରଙ୍ଗ୍‌ତାଙ୍ଗ୍ ଦୁଗେର୍ ଲେକେ। ଇ ଦୁଗେର୍ ବିତ୍ରେ ହାଃତି ଲକାର୍‌ତି ପେକୁଙ୍ଗ୍ ମାନ୍‌ଗିନିକ୍। ୱିଜୁ ପର୍‌କାର୍ ବାନ୍ୟା ଜିନିଷ୍ ତା ବିତ୍ରେ ମାନ୍‌ଗିନିକ୍।

ମାତିଉ 23:31

ଏପେଙ୍ଗ୍ ଚଚିୟା ଆନାଦେରା ଏପେଙ୍ଗ୍ ହେ ମାନାୟାର୍ ଲାତ୍ରା ଇମ୍‌ଣାକାର୍ ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:47

ମି ଦଣ୍ଡ୍ ଏଚେକ୍ ବୟ୍‌ଙ୍କାର୍ ଆନାତ୍। ଏପେଙ୍ଗ୍ ଭବିଷ୍ଯତବକ୍ତାର୍ କାଜିଙ୍ଗ୍ ହାର୍ଦି ଦୁଗେର୍ ରସ୍ତି ମାନାଟ୍, ହେ ଭବିଷ୍ଯତବକ୍ତାରିଙ୍ଗ୍ ମି ଆକଦାଦିର୍ ମାର୍ନେ ଆସ୍ତି ଅତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:49

ଇଦାଙ୍ଗ୍ କାଜିଙ୍ଗ୍ ଈଶ୍ୱର ବୁଦି ଇଞ୍ଜ୍‌ନାନା, ‘ଆନେଙ୍ଗ୍ ଭବିଷ୍ଯତବକ୍ତା ଆରେ ବାଚିକିତି ଚେଲାରିଙ୍ଗ୍ ହେୱାର୍ ଲାଗାୟ୍ ପକ୍‍ନାଙ୍ଗ୍। କେତ୍‌ଜାଣ୍‌ତିଙ୍ଗ୍ ହେୱାର୍ ମାର୍ନେ ଅହ୍‌ନାର୍ ଆରେ କେତ୍‌ଜାଣ୍‌ତିଙ୍ଗ୍ ବେସି ପାଚ୍‌କାନାର୍।’

ରୋମିୟ 1:32

ଇମ୍‌ଣି ମାନାୟ୍ ହେଲେକେ ଯିବୁନ୍ କାଟିକିନାରା। ହେୱାର୍ ପୁଚାର୍‌ନା ଯେ, ଇଲେକେ କାମାୟ୍ କିତିସ୍ ଈଶ୍ୱର ମାଙ୍ଗେଙ୍ଗ୍ ହାଃନି ଦଣ୍ଡ୍ ହିଦ୍‌ନାନ୍, ଆରେ ହେୱାର୍ ପୁଚିସ୍ ପା ହେଲେକେ କାମାୟ୍ କିନାକାରିଙ୍ଗ୍ ଆଦିକ୍ କିଦେଙ୍ଗ୍ ୱାରିୟା ଆନାର୍ ଆରେ ଜେକନିକାରିଙ୍ଗ୍ କିନି କାଜିଙ୍ଗ୍ ଟିଉଲାୟ୍ କିନାର୍‌।

ଜାକ୍‌ବ 5:10

ଏ ପାର୍ତିକିନି ଟଣ୍ଡାର୍‌କାଦେର୍, ମାପୃ ତର୍‍ଦାଙ୍ଗ୍ ବେଣ୍ ୱେଚ୍‌ଚି ମାନ୍‌ଞ୍ଚି ଭବିଷ୍ଯତବକ୍ତାର୍ ଦୁକ୍‌କଷ୍ଟ ପାୟାଆଜି ମାଚାର୍, ମାତର୍ ହେୱାର୍ ସାସ୍ ଆସ୍ତି ମାଚାର୍। ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ଲେକେ ବାବିକିଜି ସାସ୍ ଆସ୍ତି ମାନାଟ୍।