ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:2 - New Testament in Pengo Parja Language

² ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇନେସ୍‌କି ଜମି ବେସି ମାନାତ୍ ଆରେ କାମାୟ୍ କିନାକାର୍ ଅଲପ୍, ହେଲେକେନେ ଈଶ୍ୱର ରାଜିନି ବେଣ୍ ୱେନ୍‌ଞ୍ଜି ପାର୍ତି କିଦେଙ୍ଗ୍ ବେସି ମାନାୟ୍ ମାନାର୍, ମାତର୍ ଈଶ୍ୱର ରାଜିନି ବେଣ୍ ଶୁଣାୟ୍ କିନାକାର୍ ଅଲପ୍। ଲାଗିଙ୍ଗ୍ ମାପୃତାକେ ପାର୍ତାନା କିୟାଟ୍, ହେୱାନ୍ ବେସି କାମାୟ୍ କିନି ମାନାୟ୍‌ତିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟତାଙ୍ଗ୍ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ ପକ୍ତାନାନ୍।

ସତ୍‌ ବଚନ୍‌ ପୁନି ନିୟମ୍‌

² ଆରେ, ଜିସୁ ହେୱାରିଂ ଇଚାନ୍‌, “ତାସ୍‌ ହିନା ବେସି, ମାତର୍‌ କାମାୟ୍‌ କିନାକାର୍‌ ଉଣା; ଲାଗିଂ ନି କାମାୟ୍‌ ବାହାତ କାମାୟ୍‌ କିନାକାରିଂ ପକ୍‌ନି କାଜିଂ ତାସି ଜମିନି ହାଉକାର୍‌ ତାକେ ପାର୍ତାନା କିୟାଟ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:2 Iomraidhean Croise

ମାତିଉ 20:1

“ଈଶ୍ୱର ସାସନ୍ କିନି ରାଜିତାକେ ଇନେସ୍ ଲେକେ, ଇଦାଙ୍ଗ୍ ଆରେ ରଞ୍ଜି କାତା ୱେନାଟ୍। ର ମାନାୟ୍ ଦିନେକ୍ ନାଣାଙ୍ଗେ ତା ଅଙ୍ଗୁର୍ ବାଡ଼୍‍ଦ କାମାୟ୍ ଲାଗାୟ କିଦେଙ୍ଗ୍ କୁଲିୟାରିଙ୍ଗ୍ ଦାସ୍ତେଙ୍ଗ୍ ହାଚାନ୍।

ମାର୍କ 13:34

ଯୀଶୁ ତା ଚେଲାହିରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ୱାଡ ର କାତା ୱେଚ୍‌ଚାନାଙ୍ଗ୍, ର ମାନାୟ୍ ତା ଇଲ୍ ପିସ୍ତି ବେସି ଦେହା ହାଚାନ୍। ହେୱାନ୍ ହାନିହିଙ୍ଗ୍ ତା ହଲିଆରିଙ୍ଗ୍ ଇମ୍‌ଣି କାମାୟ୍ ହିତାନ୍‌ନା ହେୱାନ୍ କିନାକା ମାନାତ୍, ଆରେ ତା ଜାଗୁୱାଡ଼ିଙ୍ଗ୍ ୱେଚ୍‌ନାନ୍ ଆରେ ହାନାନ୍, ନା ୱାନାକା ଏପେଙ୍ଗ୍ ଜାଗ୍ରତ୍ ଆଜି କାସିମାନାଟ୍।’

ମାର୍କ 16:15

ଆରେ, ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜୁ ଜଗତ୍‍ନିପଣ୍ ହାଲ୍‌ଜି ୱିଜୁ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିୟାଟ୍।

ମାର୍କ 16:20

ତାପାଚେ ଚେଲାହିର୍ ୱିଜୁ ବାହାତାକେ ହାଲ୍‌ଜି ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିତାର୍, ମାପୃ ହେୱାରିଙ୍ଗ୍ ସାଇଜ କିତାନ୍, ଆରେ ଚାନିଆଆନି କାମାୟ୍ କିଜି ହେୱାନ୍ କାତା ସତ୍ ଇଞ୍ଜି ପାର୍ମାଣ୍ କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:1

ଯୀଶୁ ତା ବାଚିକିତି ବାରଜାଣ୍ ଚେଲାହିରିଙ୍ଗ୍ ତା ଲାଗାୟ୍ ହିର୍‌ବାତାନ୍। ହେୱାନ୍ ହେୱାରିଙ୍ଗ୍ ବୁତ୍ଆତ୍ମା ପିହିକିଦେଙ୍ଗ୍ ଆରେ ୱିଜୁ ପର୍‌କାର୍ ରଗ୍‌ଦାଙ୍ଗ୍ ହାର୍‌କିନି କାଜିଙ୍ଗ୍ ଶାକ୍ତି ଆରେ ଆଦିକାର୍ ହିତାନ୍।

ପକ୍ୟାତାକା 11:19

ସ୍ତିପାନତିଙ୍ଗ୍ ଯିହୁଦି ନେତାର୍ ଅସ୍ତିପାଚେ, ବେସିହେନି ପାର୍ତି କିନାକାର୍ ଯିରୁଶାଲାମ ସହର୍ ପିସ୍ତି ବିନ୍-ବିନ୍ ବାହାତାକେ ହାଚାର୍। କେତ୍‌ଜାଣ୍ ମାନାୟ୍ ପୈନିକିଆ ଜିଲ୍ଲା, ଆରେ କେତ୍‌ଜାଣ୍ କୁପ୍ର ଦ୍ୱିପ୍ ଆରେ ଆନ୍ତିୟକିଆ ସହର୍‌ତାକେ ହାଚାର୍। ହେୱାର୍ ଯିହୁଦି ଜାତିରିଙ୍ଗ୍ ନେ ଯୀଶୁ ବିଷୟରେ ଶୁଣାୟ୍ କିଜି ମାଚାର୍।

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 13:4

ପବିତ୍ର ଆତ୍ମା ଶାଉଲ ଆରେ ବର୍ଣବାଙ୍ଗ୍ ହାଜି ଚଚ୍‌ଚି ମାଚାନ୍। ଲାଗିଙ୍ଗ୍ ହେୱାର୍ ଆନ୍ତିୟକିଆ ସହର୍‌ତାଙ୍ଗ୍ ସେଲୁକିଆ ସହର୍‌ତାକେ ହାଚାର୍। ହେବେତାଙ୍ଗ୍ ହେୱାର୍ ଜାଜ୍‌ତ ଦୁମ୍‌ଜି କୁପ୍ରଦ୍ୱିପ୍‌ତାକେ ହାଚାର୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ପକ୍ୟାତାକା 22:21

ଲାଗିଙ୍ଗ୍ ମାପୃ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ହାଲା, ଇନେସ୍ ଆନେଙ୍ଗ୍ ନିଙ୍ଗେଙ୍ଗ୍ ନା ସାକି ଆନି କାଜିଙ୍ଗ୍ ବିନ୍‌ଜାତିର୍‌ତାକେ ଦେହା ପକ୍ତାନାଙ୍ଗା।’”

ପକ୍ୟାତାକା 8:4

ଇମ୍‌ଣି ପାର୍ତି କିନାକାର୍ ଯିରୁଶାଲାମ ସହର୍ ପିସ୍ତି ଚିନ୍‌ବିନ୍ ଆଜି ମାଚାର୍। ହେୱାର୍ ଇମେନିପଣ୍ ହାଲ୍‌ଜି ମାଚାର୍, ହେଇନି ହାର୍ଦିକାବୁର୍ ଶୁଣାୟ୍ କିଜି ମାଚାର୍।

୧ କରନ୍ତିୟ 12:28

ଖ୍ରୀଷ୍ଟତି ମଣ୍ଡ୍‌ଲିତାକେ ଈଶ୍ୱର ମାଙ୍ଗେଙ୍ଗ୍ ବିନ୍‌ବିନ୍ କାମାୟ୍‌ନି ଦାୟିତ୍‌ପ ହିତ୍‌ତାନ୍‌ନା। ହେୱାନ୍ ମଣ୍ଡ୍‌ଲିତାକେ ପାର୍ତୁମ୍ କେତ୍‌ଜାଣ୍‌ତିଙ୍ଗ୍ ତା ବାଚିକିତି ଚେଲା ଆଦେଙ୍ଗ୍ ବାଚି କିତାନ୍‌ନା। କେତ୍‌ଜାଣ୍‌ତିଙ୍ଗ୍ ଭବିଷ୍ଯତବକ୍ତାର୍ କିଜି ବାଚି କିତାନ୍‌ନା, କେତ୍‌ଜାଣ୍‌ତିଙ୍ଗ୍ ମାଷ୍ଟେର୍ ଆଦେଙ୍ଗ୍ ବାଚି କିତାନ୍‌ନା, ଚାନିଆଆନି କାମାୟ୍ କିଦେଙ୍ଗ୍ ଆଦିକାର୍ ହିତାନ୍‌ନା, କେତ୍‌ଜାଣ୍‌ତିଙ୍ଗ୍ ରଗ୍ ହାର୍‌କିନି ଅଦିକାର୍ ହିତାନ୍‌ନା, କେତ୍‌ଜାଣ୍‌ତିଙ୍ଗ୍ ଜେକନିକାରିଙ୍ଗ୍ ସାଇଜ କିନି କାଜିଙ୍ଗ୍ ଶାକ୍ତି ହିତାନ୍‌ନା। ଆରେ କେତ୍‌ଜାଣ୍‌ତିଙ୍ଗ୍ ନେତା କିତାନ୍‌ନା ଆରେ କେତ୍‌ଜାଣ୍‌ତିଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପୁନ୍‌ୱିତି ବିନ୍‌ବିନ୍ ବାଷା ୱେଚ୍‌ଚେଙ୍ଗ୍ ଶାକ୍ତି ହିତାନ୍‌ନା।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୨ କରନ୍ତିୟ 6:1

ଆନେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି କାମାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ଦୟାକିଜି ହିତ୍‌ତି ଚାନିଆଆନି ହାର୍ଦିକାବୁର୍‌ତିଙ୍ଗ୍ ଆହାଟ୍।

ପିଲିପିୟ 2:21

ଇନେସ୍‌କି ୱିଜାକାର୍ ଯୀଶୁ ଖ୍ରୀଷ୍ଟ ଇଚା କିନାକା ପିସ୍ତି ଜାର୍ କାଜିଙ୍ଗ୍ ବେସି ଚିନ୍ତା କିନାରା।

ପିଲିପିୟ 2:25

ଆନେଙ୍ଗ୍ ମି ଲାଗାୟ୍ ଏଫାପ୍ରାଦିତତିଙ୍ଗ୍ ପକ୍ତେଦେଙ୍ଗ୍ ମାନ୍ କିତାଙ୍ଗ୍‌ନା, ହେୱାନ୍ ସତ୍‌ରେ ନା ଟଣ୍ଡେନ୍ ଲେକେ, ନା ହୁଦାଙ୍ଗ୍ ମାନିକିଜି କାମାୟ୍ କିନାକାନ୍, ଆରେ ନା ହୁଦାଙ୍ଗ୍ ସାହାସ୍‌ତାଙ୍ଗ୍ ମାନି ସେନା। ନାଙ୍ଗେଙ୍ଗ୍ ଦର୍‌କାର୍‌ଆନି ବିଷୟ ସାଇଜ କିଦ୍‌ଦେଙ୍ଗ୍ ଏପେଙ୍ଗ୍ ବାଚିକିଜି ପକ୍ତିତି ମାନାୟ୍। ଆନେଙ୍ଗ୍ ହେୱାନିଙ୍ଗ୍ ମି ଲାଗାୟ୍ ଆରେରଗ ପକ୍ତେଦେଙ୍ଗ୍ ବାବିକିନାଙ୍ଗା।

ପିଲିପିୟ 2:30

ଇନେସ୍‌କି ହେୱାନ୍ ଯୀଶୁ ଖ୍ରୀଷ୍ଟନି କାମାୟ୍ କିଦେଙ୍ଗ୍ ତା ଜିବୁନ୍ ବିପତ୍‌ତାକେ ମାଚିହିଙ୍ଗ୍ ହେୱାନ୍ ମାନ୍‌ଞ୍ଜି ହାଃନିଲେକେ ଆଜି ମାଚାନ୍। ଏପେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ସାଇଜ କିଦେଙ୍ଗ୍ ଆଡ୍‌ୱାତାଦେର୍ ହେ ସାଇଜ ହେୱାନ୍ ନାଙ୍ଗେଙ୍ଗ୍ କିତାନ୍‌ନା।

କଲସିୟ 1:29

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବେସି କଷ୍ଟ କିନାଙ୍ଗା। ଲାଗିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ଆରେ ହେ ବେସି ଶାକ୍ତି ସାଇଜତାଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 2:9

ଏ ଟଣ୍ଡାର୍‌କାଦେର୍, ଆପେଙ୍ଗ୍ କିଜିମାଚି କଷ୍ଟ କାମାୟ୍ ୱିଜୁ ମିଙ୍ଗେଙ୍ଗ୍ ମାନ୍ତ ମାନାତ୍, ଆପେଙ୍ଗ୍ ମି ବିତ୍ରେ ଇନେରିଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍, ମାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍। ଆରେ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ଶୁଣାୟ୍ କିତ୍‌ତାପ୍।

୧ ଥେସଲନୀକିୟ 5:12

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଇମ୍‌ଣି ମାନାୟ୍ ମାପୃତି କାମାୟ୍ କିଦେଙ୍ଗ୍ ନେତା ଆତାନ୍‌ନା, ଆରେ ମିଙ୍ଗେଙ୍ଗ୍ ହାର୍ ହିକ୍ଷା ହିଦ୍‌ଦେଙ୍ଗ୍ କଷ୍ଟ କିନାନା, ହେୱାନିଙ୍ଗ୍ ସନ୍‌ମାନ୍ ହିୟାଟ୍।

୨ ଥେସଲନୀକିୟ 3:1

ଏ ପାର୍ତିକିନି ଟଣ୍ଡାର୍‌କାଦେର୍, ମା କାଜିଙ୍ଗ୍ ପାର୍ତାନା କିୟାଟ୍ ଯେ, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ବେଗି-ବେଗି ୱିଜୁ ବାହାତାକେ ଶୁଣାୟ୍ କିନାପ୍, ଆରେ ହେଦାଙ୍ଗ୍ ୱେନି ମାନାୟାର୍ ପାର୍ତି କିୟେର୍। ଏପେଙ୍ଗ୍ ଇନେସ୍‌ଲେକେ ପାର୍ତି କିତାଦେର୍।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ଫିଲୀମୋନ 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିନି କାଜିଙ୍ଗ୍ ନଙ୍ଗୟ୍ ଆନେଙ୍ଗ୍ ଜଇଲ୍ ଇଞ୍ଜ ମାନାଙ୍ଗ୍। ଫିଲୀମୋନ, ଆନେଙ୍ଗ୍ ଆରେ ମା ପାର୍ତିକିନି ଟଣ୍ଡାର୍ ତିମତି ନିଙ୍ଗେଙ୍ଗ୍ ଜୱାର୍ କିଦ୍‌ନାପା। ଏନେଙ୍ଗ୍ ମା ଲାଡ୍‌ନି ସାଙ୍ଗ ମା ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିନାକାୟ୍‌।

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

ହତ୍‌ତି 2:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଏପିସ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ନା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ମାଦି ବୁଲା ଆନାଙ୍ଗା। ଇଦାଙ୍ଗ୍ ନେ ଆନେଙ୍ଗ୍ ୱେଚ୍‌ଚାନାଙ୍ଗା।