ଜହନ୍‌ 8:11 - New Testament in Pengo Parja Language

¹¹ ହେ କଗ୍‌ଲେ ୱେଚ୍‌ଚାତ୍, “ଆକାୟ୍ ମାପୃ, ହେୱାର୍ ବିତ୍ରେତାଙ୍ଗ୍ ଇନେର୍ ପା ନାଙ୍ଗେଙ୍ଗ୍ ଦଣ୍ଡ୍ ପାୟାଆନାୟ୍ ଇଞ୍ଜି ବିଚାର୍ କିଦ୍‌ୱାତାର୍।” ତାପାଚେ ଯୀଶୁ ୱେଚ୍‌ଚାନ୍, “ଲାଗିଙ୍ଗ୍ ଆନେଙ୍ଗ୍ ପା ନିଙ୍ଗେଙ୍ଗ୍ ଦଣ୍ଡ୍ ପାୟାଆନାୟ୍ ଇଞ୍ଜୁଙ୍ଗା। ଏନେଙ୍ଗ୍ ନଙ୍ଗୟ୍ ହାଲା, ମାତର୍ ଆରେ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିମା।”

ସତ୍‌ ବଚନ୍‌ ପୁନି ନିୟମ୍‌

¹¹ “ହେଦେଲ୍‌ ଇଚାତ୍‌, ଇନେର୍‌ ହିଲୁର୍‌ ମାପ୍ରୁ ।” ହେବେ ଜିସୁ ଇଚାନ୍‌, “ଆନ୍‌ ପା ନିଙ୍ଗେଙ୍ଗ୍‌ ଦାଣ୍ଡ୍‌ ହିଦ୍‌ନାଂ ଇଞ୍ଜି ବିଚାର୍‌ କିଦୁଙ୍ଗା; ହାଲା, ନେଞ୍ଜେଙ୍ଗ୍‌ ତାଙ୍ଗ୍‌ ଆରେ ପାପ୍‌ କିମା ।”

ଜହନ୍‌ 8:11 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:3

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାଇ କିୱିତିସ୍ ଏପେଙ୍ଗ୍ ୱିଜାକାଦେର୍ ହେଲେକେ ଦଣ୍ଡ୍ ପାୟାଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:5

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାଇ କିୱିତିସ୍ ଏପେଙ୍ଗ୍ ପା ହେୱାର୍ ଲେକେ ଦଣ୍ଡ୍ ପାୟାଆନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:10

ହେଲେକେ ରକାନ୍ ପାପି ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାତିସ୍, ସରଗ୍‌ନି ଦୁତ୍‌କୁ ବେସି ୱାରି ଆନିକ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:32

ମାତର୍ ନି ହିରୁ ଟଣ୍ଡାଦି ହାଃଜି ମାଚାନ୍। ନଙ୍ଗୟ୍ ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ହେୱାନ୍ ଜାଙ୍ଗ୍‌ଜି ମାଚାନ୍, ନଙ୍ଗୟ୍ ହେୱାନ୍ ଗାଟାଆତ୍‌ତାନ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱାରିତାଙ୍ଗ୍ ଭଜିକିନି ଦର୍‌କାର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:7

ହେଲେକେ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ରକାନ୍ ପାପି ତା ପାପ୍ କାମାୟ୍ ପିସ୍ତି ମାପୃତାକେ ୱାନାନ୍, ହେପାଦ୍ନା ତା କାଜିଙ୍ଗ୍ ସରଗ୍‌ତାକେ ଆଦିକ୍ ୱାରିୟା ଆନାନ୍। ଇମ୍‌ଣାକାର୍ ତା ପାପ୍ କାମାୟ୍ ପିସ୍ତି ମାପୃତାକେ ୱାନି ଦର୍‌କାର୍ ଆକାୟ୍, ହେଲେକେ ନବେନ ଜାଣ୍ ଦରମ୍‌ମାନାୟ୍‌ତାଙ୍ଗ୍ ରକାନ୍ ପାପି ମାନାୟ୍ ତା ପାପ୍ କାମାୟ୍ ପିସ୍ତି ମାପୃତାକେ ୱାତିସ୍ ଈଶ୍ୱର ଆଦିକ୍ ୱାରିୟା ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:32

ଆନେଙ୍ଗ୍ ଦରମ୍ ମାନାୟାର୍ କାଜିଙ୍ଗ୍ ୱାୱାତାଙ୍ଗ୍‌ନା, ମାତର୍ ପାପିରିଙ୍ଗ୍ ହିର୍‌ବେଦେଙ୍ଗ୍ ୱାତାଙ୍ଗ୍‌ନା। ଇନେସ୍‌କି ହେୱାର୍ ଜାର୍-ଜାର୍ ପାପ୍ କାମାୟ୍ ପିସ୍ତି ମାପୃତାକେ ୱାନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:56

ତାପାଚେ ଯୀଶୁ ଆରେ ତା ଚେଲାହିର୍ ଜେକନି ନାସ୍ ହାଚାର୍।

ଜହନ୍‌ 18:36

ଯୀଶୁ ୱେଚ୍‌ଚାନ୍, “ନା ରାଜି ଇ ପୁର୍ତିନିକା ଆକାୟ୍। ଯଦି ଇ ପୁର୍ତିନିକା ଆତାତ୍‌ମା, ଲାଗିଙ୍ଗ୍ ନା ହଲିଆର୍ ଜୁଜ୍ କିତାର୍‌ମା ଆରେ ନାଙ୍ଗେଙ୍ଗ୍ ଯିହୁଦିର୍ ଆସ୍ତେଙ୍ଗ୍ ଆଡ଼୍‌ଦାୱାତାର୍‌ମା। ମାତର୍ ନା ରାଜି ଜେକନି ବାହାତ।”

ଜହନ୍‌ 3:17

ଈଶ୍ୱର ତା ମେହିଙ୍ଗ୍ ଇ ପୁର୍ତିତାକେ ବିଚାର୍ କିଦେଙ୍ଗ୍ ପକ୍ତାୱାଦାଙ୍ଗ୍ ମାନ୍‌ଞ୍ଚାନ୍। ମାତର୍ ଇ ଜଗତ୍‌ ଇନେସ୍ ତା ମେହି କାଜିଙ୍ଗ୍ ରକ୍ଷା ପାୟାଆନାତ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ମେହିଙ୍ଗ୍ ପକ୍‌ଚି ମାନ୍‌ଞ୍ଚାନ୍।

ଜହନ୍‌ 5:14

ତାପାଚେ ଯୀଶୁଙ୍ଗ୍ ହେୱାନ୍ ଈଶ୍ୱର ମାନି ମନ୍ଦିର୍‌ ବିତ୍ରେ ହୁଡ଼୍‌ତାନ୍। ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ା ନଙ୍ଗୟ୍ ପୁରାପୁରି ହାର୍‌ଆତାଇନା। ଲାଗିଙ୍ଗ୍ ଏନେଙ୍ଗ୍ ଆରେ ପାପ୍ କାମାୟ୍ କିମା। ଏନେଙ୍ଗ୍ ଯଦି ପାପ୍ କାମାୟ୍ କିନାୟ୍, ଏନେଙ୍ଗ୍ ଆଦିକ୍ ଦୁକ୍‌କଷ୍ଟ ପାୟାଆନାୟ୍।”

ଜହନ୍‌ 8:15

ପୁର୍ତିନି ମାନାୟାରିଙ୍ଗ୍ ବିଚାର୍ କିତିଲେକେ ଏପେଙ୍ଗ୍ ନାଙ୍ଗେଙ୍ଗ୍ ବିଚାର୍ କିଦ୍‍ନାଦେରା। ମାତର୍ ଆନେଙ୍ଗ୍ ଇନେରିଙ୍ଗ୍ ପା ବିଚାର୍ କିଦୁଙ୍ଗା।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

୧ କରନ୍ତିୟ 5:12

ଆନେଙ୍ଗ୍ ପାର୍ତିକିୱି ମାନାୟାରିଙ୍ଗ୍ ବିଚାର୍ କିଦେଙ୍ଗ୍ ଇନା ଅଦିକାର୍ ହିଲେତ୍। ମାତର୍ ଏପେଙ୍ଗ୍ ମି ମଣ୍ଡ୍‌ଲିନି ମାନାୟାରିଙ୍ଗ୍ ବିଚାର୍ କିଦେଙ୍ଗ୍ ଅଦିକାର୍ ମାନାତ୍।

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।