ଜହନ୍‌ 7:16 - New Testament in Pengo Parja Language

¹⁶ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇନାକା ହିକ୍ଷା ହିଦ୍‌ନାଙ୍ଗା, ହେଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରନି ହିକ୍ଷା।

ସତ୍‌ ବଚନ୍‌ ପୁନି ନିୟମ୍‌

¹⁶ ଲାଗିଂ ଜିସୁ ହେୱାରିଂ ଉତର୍‌ ହିତାନ୍‌, “ନା ହିକ୍ୟା ନା ଜାର୍‌ତି ଆକାୟ୍‌, ମାତର୍‌ ନାଙ୍ଗ୍‌ ପକ୍‌ତାତାକାନ୍ତି ଇସ୍ୱର୍‌ତାଂ ୱାନି ହିକ୍ୟା ହିନାଙ୍ଗା ।

ଜହନ୍‌ 7:16 Iomraidhean Croise

ଜହନ୍‌ 14:10

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍? ଏପେଙ୍ଗ୍ ଇନାକା ପାର୍ତି କିନାଦେର୍, ଆନେଙ୍ଗ୍ ଇନା ଇନାକା ୱେଚ୍‌ନାଙ୍ଗା ହେଦାଙ୍ଗ୍ ନାବେତାଙ୍ଗ୍ ୱାୱାତାତ୍‌ନା। ମାତର୍ ଆବା ଈଶ୍ୱର ନା ବିତ୍ରେ ମାନ୍‌ଞ୍ଜି ଇୱିଜୁ କାମାୟ୍ କିନାନା।

ଜହନ୍‌ 14:24

ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଲାଡ୍ କିଦୁନ୍, ହେୱାନ୍ ନା କାତା ମାନିକିଉନ୍। ନାବେତାଙ୍ଗ୍ ଇମ୍‌ଣି କାତା ଏପେଙ୍ଗ୍ ୱେଚାଦେର୍‌ନା, ହେଦାଙ୍ଗ୍ ନାଦି ଆକାୟ୍। ମାତର୍ ଇଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି।

ଜହନ୍‌ 17:14

ଆନେଙ୍ଗ୍ ହେୱାରିଙ୍ଗ୍ ନି ହିକ୍ଷା ହିତାଙ୍ଗ୍‌ନା। ଆରେ ଇ ପୁର୍ତିନି ମାନାୟାର୍ ହେୱାରିଙ୍ଗ୍ ଗିଣ୍ କିତାର୍‌ନା। ଇନେସ୍‌କି ହେୱାର୍ ଇ ପୁର୍ତି ନିକାର୍ ଆକାୟ୍, ହେଲେକେ ଆନେଙ୍ଗ୍ ପା ଇ ପୁର୍ତି ନିକାଙ୍ଗ୍ ଆକାଇ।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 3:11

ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଇନାକା ପୁନାଙ୍ଗ୍ ହେଦାଙ୍ଗ୍‌ୱିଜୁ ୱେଚ୍‌ନାଙ୍ଗା, ଆନେଙ୍ଗ୍ ଇନାକା ହୁଡ଼୍‌ନାଙ୍ଗା ହେଦାଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିଉଦେରା।

ଜହନ୍‌ 3:31

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜେକନି ମାନାୟାର୍‌ତାଙ୍ଗ୍ ଗାଜାକାନ୍। ପୁର୍ତିତାଙ୍ଗ୍ ୱାତି ମାନାୟାର୍ ପୁର୍ତି ନିକାର୍। ମାତର୍ ଇମ୍‌ଣାକାନ୍ ସରଗ୍ ଜପିତାଙ୍ଗ୍ ୱାନାନ୍, ହେୱାନ୍ ୱିଜାକାର୍‌ତାଙ୍ଗ୍ ଗାଜାକାନ୍।

ଜହନ୍‌ 5:30

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍‌କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।

ଜହନ୍‌ 6:44

ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।

ଜହନ୍‌ 8:28

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଅହ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆନେଙ୍ଗ୍ ହେ ମାନାୟ୍, ଆନେଙ୍ଗ୍ ଇମ୍‌ଣି କାମାୟ୍ କିଜି ମାଚାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ କିୱାଦାଙ୍ଗ୍ ମାଚାଙ୍ଗ୍। ମାତର୍ ଇନେସ୍ ନା ଆବା ଈଶ୍ୱର ୱେଚ୍‌ଚି ମାନ୍‌ଞ୍ଚାନ୍, ଆନେଙ୍ଗ୍ ପା ହେଲେଙ୍ଗ୍ ୱେଚ୍‌ନାଙ୍ଗା।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।

ହତ୍‌ତି 1:1

“ଈଶ୍ୱର ୱିଜୁ ଡ଼ୁକ୍‌ତି ବିଷୟତିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଚଚ୍‌ଚାନ୍ ହେ ୱିଜୁ ବିଷୟ ବେଗି ଗଟାଆନାତ୍, ଇନେସ୍‌କି ହେୱାନ୍ ତା ଦାସ୍‌ରିଙ୍ଗ୍ ପୁନିକିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଯୀଶୁ ତା ଦାସ୍ ଯୋହନତିଙ୍ଗ୍ ଇ ୱିଜୁ ବିଷୟ ଚଚ୍‌ନି କାଜିଙ୍ଗ୍ ହେୱାନ୍ ତା ଦୁତ୍‌ତିଙ୍ଗ୍ ପକ୍ତାତାନ୍।