ଜହନ୍‌ 6:2 - New Testament in Pengo Parja Language

² ଆରେ ହେୱାନ୍ ରଗ୍‌ଦାକାରିଙ୍ଗ୍ ଚାନିଆଆନି କାମାୟ୍ ହୁଡ଼୍‌ଜି ମାନାୟାର୍ ତାପାଚେ-ପାଚେ ବେସିହେନି ମାନାୟ୍ ହାଚାର୍।

ସତ୍‌ ବଚନ୍‌ ପୁନି ନିୟମ୍‌

² ଆରେ, ହେୱାନ୍‌ ରଗ୍ୟାର୍‌ କାଜିଂ ଇନା ଇନା କାବାଆନି କାମାୟ୍‌ କିଜ଼ି ମାଚାନ୍‌, ହେଦାଂ ୱିଜ଼ୁ ହୁଡ଼୍‌ଜି ହେନି ମାନାୟ୍‌ ତାପାଚେ ୱାଦେଙ୍ଗ୍‌ ଲାଗାତାର୍‌ ।

ଜହନ୍‌ 6:2 Iomraidhean Croise

ମାତିଉ 12:15

ଯୀଶୁ ହେଦାଙ୍ଗ୍ ପୁନ୍‌ଞ୍ଜି ହେବେତାଙ୍ଗ୍ ଏଡ଼ାଆଜି ହସିହାଚାନ୍। ହେବେତାଙ୍ଗ୍ ବେସିହେନି ମାନାୟ୍ ତାପାଚେ ହାଚାର୍। ଆରେ ହେୱାନ୍ ୱିଜାରିଙ୍ଗ୍ ହାର୍‍କିତାନ୍।

ମାତିଉ 13:2

ହେବେ ଯୀଶୁ ଚାରିବେଣ୍‌ତାଙ୍ଗ୍ ବେସିହେନି ମାନାୟ୍ ରୁଣ୍ଡାଆତାର୍। ଲାଗିଙ୍ଗ୍ ଯୀଶୁ ର ଡଙ୍ଗାତାକେ ହାଲ୍‌ଜି କୁଚ୍‌ଚାନ୍, ଆରେ ମାନାୟାର୍ ହାମ୍‌ଦୁର୍ କାଣ୍ଡିତ ନିଲ୍‌ଚି ମାଚାର୍।

ମାତିଉ 14:14

ଡଙ୍ଗାତାଙ୍ଗ୍ ଜୁଜି ଯୀଶୁ ହୁଡ଼୍‌ତାନ୍, ହେବେ ବେସିହେନି ମାନାୟାର୍ ରୁଣ୍ଡା ଆତାର୍‌ନା। ମାନାୟାରିଙ୍ଗ୍ ହୁଡ଼୍‌ଜି କାର୍‌ମାଆଜି କେତେକ୍ ରଗିୟାରିଙ୍ଗ୍ ହାର୍‍କିତାନ୍।

ମାତିଉ 8:1

ଯୀଶୁ ମାଡ଼ିତାଙ୍ଗ୍ ଯୁଜି ୱାନିହିଙ୍ଗ୍, ବେସିହେନି ମାନାୟ୍ ତାପାଚେ ପାଚେ ହାଚାର୍।

ମାର୍କ 1:45

ମାତର୍ ହେ କୁଷ୍ଟରଗ୍‌ଦି ମାନାୟ୍ ହେ ବାହାତାଙ୍ଗ୍ ହସିହାଚି ପାଚେ, ଯୀଶୁ ନାଙ୍ଗେଙ୍ଗ୍ ହାର୍ କିତ୍‌ତାନ୍ ଇଞ୍ଜି ୱିଜୁ ନିପଣ୍ ୱେଚ୍‌ଚି ବୁଲାଆତାନ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ଇମ୍‌ଣି ସହର୍‌ତାକେ ପା ଚଞ୍ଜିଆଆଜି ହାଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍। ଆରେ ଯୀଶୁ ଟାଙ୍ଗ୍ରାବାହାତ ମାଚାନ୍। ମାତର୍ ୱିଜୁ ନିପ୍‌ଣି ମାନାୟାର୍ ତାବେ ୱାଦେଙ୍ଗ୍ ଲାଗାତାର୍।

ମାର୍କ 6:33

ମାତର୍ କେତେକ୍ ମାନାୟ୍ ହେୱାନ୍ ହାନାକା ହୁଡ଼୍‌ତାର୍, ଆରେ ଇମେତାକେ ହାନାରା ଇଞ୍ଜି ପୁନ୍‌ଞ୍ଜି, ହେୱାର୍ ପାଡ଼୍‌ହା ପାଡ଼୍‌ହି ସହର୍‌ନି ମାନାୟାର୍ ତାଙ୍ଗ୍‌ଜି-ତାଙ୍ଗ୍‌ଜି ହାଲ୍‌ଜି ଯୀଶୁ ଆରେ ତା ଚେଲାହିର୍ ଏକାୱାଦାଙ୍ଗ୍ ହେୱାର୍ ଆଗେ ଏକାତାର୍।

ଜହନ୍‌ 11:47

ତାପାଚେ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ବିଚାର୍ କିଜି ମିଟିଙ୍ଗ୍ କିତାର୍। ଆରେ ହେୱାର୍ ୱେଚ୍‌ଚାର୍, “ଆସେଙ୍ଗ୍ ଇନାକା କିନି ଦର୍‌କାର୍? ଇୱାନ୍ ବେସି ଚାନିଆଆନି କାମାୟ୍ କିନାନା।

ଜହନ୍‌ 12:18

ଏଚେପାଦ୍ନା ହେୱାର୍ ୱେଚାର୍ ଯେ ଯୀଶୁ ଚାନିଆଆନି କାମାୟ୍ କିତାନ୍‌ନା, ଲାଗିଙ୍ଗ୍ ବେସିହେନି ମାନାୟ୍ ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ହାଚାର୍।

ଜହନ୍‌ 12:37

ଯୀଶୁ ବେସି ଚାନିଆଆନି କାମାୟ୍ କିତାନ୍। ମାନାୟାର୍ ଇୱିଜୁ ହୁଡ଼୍‌ଜି ପା ପାର୍ତି କିୱାତାର୍।

ଜହନ୍‌ 2:11

ଯୀଶୁ ଇଲେକେ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଚାନିଆଆନି କାମାୟ୍ ଆରମ୍ କିଜି ଜାର୍ ଗୌରବ ଚଚ୍‌ଚାନ୍। ଆରେ ତା ଚେଲାହିର୍ ତାବେ ପାର୍ତି କିତାର୍।

ଜହନ୍‌ 2:23

ଯୀଶୁ ନିସ୍ତାର୍ ପାର୍ବୁ ମାନି କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନିହିଙ୍ଗ୍ କେତେକ୍ ହେନି ମାନାୟ୍ ଚାନିଆଆନି କାମାୟ୍ କିତାକା ହୁଡ଼୍‌ଜି ହେୱାନିଙ୍ଗ୍ ପାର୍ତି କିତାର୍।

ଜହନ୍‌ 20:30

ଯୀଶୁ ବେସି ଜେକନି ଚାନିଆଆନି କାମାୟ୍ କିତାନ୍। ହେ ୱିଜୁ ତା ଚେଲାହିର୍ ହୁଡ଼୍‌ତାର୍। ହେ ଚାନିଆଆନି କାମାୟ୍ କିତାକା ଇ ସାସ୍ତର୍‌ତାକେ ଲେକାଆୱାତାତ୍‌ନା।

ଜହନ୍‌ 3:2

ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”

ଜହନ୍‌ 6:14

ମାନାୟାର୍ ଯୀଶୁ ଚାନିଆଆନି କାମାୟ୍ ହୁଡ଼୍‌ଜି ୱେଚ୍‌ଚାର୍, “ହେୱାନ୍ ହାତ୍‌ପା ଭବିଷ୍ଯତବକ୍ତା, ଇନେର୍‌କି ଇ ପୁର୍ତିତାକେ ୱାନାକା ମାଚାତ୍।”

ଜହନ୍‌ 6:22

ତା ଆର୍‌କାତ୍ ନାଞ୍ଜିଙ୍ଗ୍ ହାମ୍‌ଦୁର୍ ଆଣ୍ଟିପାଡ଼୍‌କା କେତ୍‌ଜାଣ୍ ମାନାୟାର୍ ମାଚାର୍। ହେୱାର୍ ହେବେ ରଞ୍ଜାଙ୍ଗ୍ ନେ ଡଙ୍ଗା ମାଚାକା ହୁଡ଼୍‌ଜି ମାଚାର୍, ଆରେ ଯୀଶୁ ତା ଚେଲାହିର୍ ହୁଦାଙ୍ଗ୍ ଡଙ୍ଗାତାକେ ହାଲ୍‌ୱିତି ବିଷୟତିଙ୍ଗ୍ ପୁନ୍‌ୱାଦାଙ୍ଗ୍ ମାଚାର୍।

ଜହନ୍‌ 6:26

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଦାସ୍ତାନାଦେରା? ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଚାନିଆଆନି କାମାୟ୍ କିତାକା ହୁଡ଼୍‌ଜି ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତୁଦେରା। ମାତର୍ ରୁଟି ତିନ୍‌ଞ୍ଜି ପାନ୍‌ଞ୍ଚିଲେ ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେରା।

ଜହନ୍‌ 6:30

ଲାଗିଙ୍ଗ୍ ମାନାୟାର୍ ହେୱାନିଙ୍ଗ୍ ୱେନ୍‌ବାତାର୍, “ନିଙ୍ଗେଙ୍ଗ୍ ଈଶ୍ୱର ପକ୍ତାତାନ୍‌ନା, ହେଦାଙ୍ଗ୍ ପୁନି କାଜିଙ୍ଗ୍ ଏନେଙ୍ଗ୍ ଇନା ଚାନିଆଆନି କାମାୟ୍ କିନାଇ, ଇମ୍‌ଣାକା କି ହୁଡ଼୍‌ଜି ଆପେଙ୍ଗ୍ ନିଙ୍ଗେଙ୍ଗ୍ ପାର୍ତିକିଦ୍‍ନାପ୍।