ଜହନ୍‌ 3:2 - New Testament in Pengo Parja Language

² ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”

ସତ୍‌ ବଚନ୍‌ ପୁନି ନିୟମ୍‌

² ହେୱାନ୍‌ ନାଣା ସମୁତ ଜିସୁତି ଲାଗେ ୱାଜ଼ି ତାଙ୍ଗେଙ୍ଗ୍‌ ଇଚାନ୍‌, “ଏ ଗୁରୁ, ଏନ୍‌ ଜେ ଇସ୍ୱର୍‌ତାଂ ୱାଜ଼ି ମାଚି ଗୁରୁ, ଇଦାଂ ଆପେଂ ପୁନାପ୍‌, ଇନାକିଦେଂକି ଏନ୍‌ ଇ ଇମ୍‌ଣି ୱିଜ଼ୁ କାବାଆନି କାମାୟ୍‌ କିତାୟ୍‌ନା, ଇସ୍ୱର୍‌ ଲାହାଂ ହିଲ୍‌ୱିତିସ୍‌ ହେ ସବୁ ଇନେର୍‌ କିଦେଙ୍ଗ୍‌ ଆଡୁର୍‌ ।”

ଜହନ୍‌ 3:2 Iomraidhean Croise

ମାତିଉ 22:16

ତାପାଚେ ପାରୁସିଦଳ୍‍ ତା ଚେଲାହିରିଙ୍ଗ୍ ହେରୋଦ ନିପଣ୍ ଆନି ମାନାୟ୍ ହୁଦାଙ୍ଗ୍ ହିକାଇକିଜି ଯୀଶୁ ଲାଗାୟ୍ ପକ୍ତାର୍। ଆରେ ହେୱାର୍ ୱାଜି ଯୀଶୁଙ୍ଗ୍ ୱେନ୍‌ବାତାର୍, “ଏ ଗୁରୁ, ଆପେଙ୍ଗ୍ ପୁନାପ୍ ଏନେଙ୍ଗ୍ ସତ୍ ଆରେ ସତ୍ ଲେକେ ଈଶ୍ୱର ନିପଣ୍ ୱାନି ହାଜିନି ହିକ୍ଷା ହିନାୟା। ଆରେ ଇନେରିଙ୍ଗ୍ ପାଣ୍ଡ୍ରା ଆଉୟା, ଇନେସ୍‌କି ଏନେଙ୍ଗ୍ ମାନାୟାରିଙ୍ଗ୍ ହାମାନ୍ କିଜି ହୁଡ଼୍‌ନାୟା।

ମାତିଉ 23:7

ଆରେ, ଆଟ୍ ବାଜାର୍‌ତାକେ ଜୁଆର୍‌ ପାୟା ଆଦେଙ୍ଗ୍ ଆରେ ମାନାୟାର୍ ଗୁରୁ ଇଞ୍ଜେର୍‌ମା ଇଞ୍ଜି କୁଚ୍‌ଚେଙ୍ଗ୍ ଇଚାକିନାର୍।

ମାତିଉ 23:8

ମାତର୍ ଏପେଙ୍ଗ୍ ଗୁରୁ ଇଞ୍ଜି ହିର୍‌ବାନାକା ଉଚିତ୍ ଆକାଇ, ଇନେସ୍‌କି ଏପେଙ୍ଗ୍ ୱିଜାଦେର୍ ଟଣ୍ଡାର୍ ଆରେ ମି ଗୁରୁ ଆପ୍‌କା ରକାନ୍।

ମାର୍କ 12:14

ହେୱାର୍ ୱାଜି ଯୀଶୁଙ୍ଗ୍ ୱେଚ୍‌ଚାର୍, “ଏ ଗୁରୁ, ଆପେଙ୍ଗ୍ ପୁନାପ୍, ଏନେଙ୍ଗ୍ ୱିଜୁଦିନ୍ ସତ୍ ୱେଚ୍‍ନାଇ, ମାନାୟାର୍ ଇନାକା ଇଞ୍ଜ୍‌ନାର୍ କି ଇଞ୍ଜୁର୍ ଇଞ୍ଜି ଅଲପ୍‌ପା ଇନେରିଙ୍ଗ୍ ପାଣ୍ଡ୍ରା ଆଉୟା।” ଏନେଙ୍ଗ୍ ୱିଜାକାରିଙ୍ଗ୍ ହାମାନ୍ ହୁଡ଼୍‌ନାୟା, ଆରେ ଏନେଙ୍ଗ୍ ସତ୍ ଲେକେ ଈଶ୍ୱରତାକେ ହାନି ହାଜି ହିକ୍ଷା ହିନାଇ। ନଙ୍ଗୟ୍ ମାଙ୍ଗେଙ୍ଗ୍ ୱେଚ୍‌ଚା, “ରୋମ୍‍ନି କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ମୋଶା ସାସ୍ତର୍‌ତାକେ ଇ ବିଦି ମାନାତ୍ କି ଆକାୟ୍?

ଜହନ୍‌ 1:38

ଯୀଶୁ ବୁଲାଆଜି ହେ ରିୟାର୍ ତାପାଚେ ପାଚେ ୱାନାକା ହୁଡ଼୍‌ତାନ୍। ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନାକା ଇଚା କିନାଦେରା?” ହେୱାର୍ ୱେଚ୍‌ଚାର୍, “ଗୁରୁ, ଏନେଙ୍ଗ୍ ଇମେତାକେ ମାନାୟ୍?”

ଜହନ୍‌ 10:38

ନା ଆବା ଈଶ୍ୱର ଇନାକା କିନାନ୍, ହେଦାଙ୍ଗ୍ ଆନେଙ୍ଗ୍ କିନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ନା କିତି କାମାୟ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆରେ ବୁଜାଆନାଦେର୍ ଯେ ଆବା ଈଶ୍ୱର ନାବେ ମାନାନ୍ ଆରେ ଆନେଙ୍ଗ୍ ତାବେ ମାନାଙ୍ଗ୍।”

ଜହନ୍‌ 12:37

ଯୀଶୁ ବେସି ଚାନିଆଆନି କାମାୟ୍ କିତାନ୍। ମାନାୟାର୍ ଇୱିଜୁ ହୁଡ଼୍‌ଜି ପା ପାର୍ତି କିୱାତାର୍।

ଜହନ୍‌ 14:10

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍? ଏପେଙ୍ଗ୍ ଇନାକା ପାର୍ତି କିନାଦେର୍, ଆନେଙ୍ଗ୍ ଇନା ଇନାକା ୱେଚ୍‌ନାଙ୍ଗା ହେଦାଙ୍ଗ୍ ନାବେତାଙ୍ଗ୍ ୱାୱାତାତ୍‌ନା। ମାତର୍ ଆବା ଈଶ୍ୱର ନା ବିତ୍ରେ ମାନ୍‌ଞ୍ଜି ଇୱିଜୁ କାମାୟ୍ କିନାନା।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 2:11

ଯୀଶୁ ଇଲେକେ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଚାନିଆଆନି କାମାୟ୍ ଆରମ୍ କିଜି ଜାର୍ ଗୌରବ ଚଚ୍‌ଚାନ୍। ଆରେ ତା ଚେଲାହିର୍ ତାବେ ପାର୍ତି କିତାର୍।

ଜହନ୍‌ 20:16

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ମରିୟମ,” ମରିୟମ ତାପଣ୍ ମାସ୍‌ଜି ଯିହୁଦି (ଏବ୍ରୀ) ବେଣ୍‌ତାଙ୍ଗ୍ ୱେଚ୍‌ଚାତ୍, “ରାବ୍‌ବୁନି” ତା ଅର୍ତ ଗୁରୁ।

ଜହନ୍‌ 3:26

ଯୋହନ ଚେଲାହିର୍ ୱାଜି ଯୋହନତିଙ୍ଗ୍ ୱେଚ୍‌ଚାର୍, “ଏ ଗୁରୁ ନି ହୁଦାଙ୍ଗ୍ ଯର୍ଦ୍ଦନ ନାଗୁଡ଼୍ ଆରେ ର ପାଡ଼୍‌କା ଇମ୍‌ଣି ମାନାୟ୍ ମାଚାର୍, ହେୱାରିଙ୍ଗ୍ ମାନ୍ତ ଏତୁ କିୟା। ଏନେଙ୍ଗ୍ ହେୱାନ୍ ବିଷୟରେ ମାନାୟାରିଙ୍ଗ୍ ୱେଚ୍‌ଚି ମାଚାଇ। ହେୱାନ୍ ଡୁବନ୍ ହିନାନା ଆରେ ବେସିହେନି ମାନାୟ୍ ହେୱାନ୍ ଲାଗାୟ୍ ହାନାରା।”

ଜହନ୍‌ 4:31

ହେପାଦ୍ନା ଯୀଶୁ ଚେଲାହିର୍ ହେୱାନିଙ୍ଗ୍ ଗୁୱାରି କିଜି ୱେଚ୍‌ଚାର୍, “ଗୁରୁ ଇନାକାପା ଇଚ୍‍କେ ତିନା।”

ଜହନ୍‌ 5:36

ଡୁବନ୍‌ହିନି ଯୋହନ ସାକିତାଙ୍ଗ୍‌ ନା ଲାଗାୟ୍ ଆଦିକ୍ ଗାଜାସାକି ମାନାତ୍। ଆବା ଇମ୍‌ଣି କାମାୟ୍ ପୁରା କିନି କାଜିଙ୍ଗ୍ ହିତ୍‌ତାନ୍‌ନା, ହେ କାମାୟ୍ ୱିଜୁ ନା କାଜିଙ୍ଗ୍ ସାକି ହିତ୍‌ତାନ୍‌ନା, ଆରେ ଆବା ନାଙ୍ଗେଙ୍ଗ୍ ପକ୍ତାତାନ୍‌ନା ଲାଗିଙ୍ଗ୍ ସାକି ହିନାଙ୍ଗା।

ଜହନ୍‌ 6:2

ଆରେ ହେୱାନ୍ ରଗ୍‌ଦାକାରିଙ୍ଗ୍ ଚାନିଆଆନି କାମାୟ୍ ହୁଡ଼୍‌ଜି ମାନାୟାର୍ ତାପାଚେ-ପାଚେ ବେସିହେନି ମାନାୟ୍ ହାଚାର୍।

ଜହନ୍‌ 7:31

ବେସିହେନି ମାନାୟ୍ ଯୀଶୁଙ୍ଗ୍ ପାର୍ତି କିଜି ମାନାୟାର୍ ୱେଚ୍‌ଚାର୍, “ଇୱାନ୍ ଏଚେକ୍ କାମାୟ୍ କିତାନ୍‌ନା, ଖ୍ରୀଷ୍ଟ ୱାତିସ୍ ଇୱାନ୍‌ତାଙ୍ଗ୍ ଆଦିକ୍ ଚାନିଆଆନି କାମାୟ୍ କିଦେଙ୍ଗ୍ ଆଡ୍‌ନାନ୍ କି?”

ଜହନ୍‌ 9:16

କେତ୍‌ଜାଣ୍ ପାରୁସିଦଳ୍‍ ୱେଚ୍‌ଚାର୍, “ଇୱାନ୍ ଜମ୍‌ନିଦିନ୍‌ନି ନିୟମ୍‌ତିଙ୍ଗ୍ ମାନିକିଉନା। ଲାଗିଙ୍ଗ୍ ହେୱାନ୍ ଈଶ୍ୱରତାକେଣ୍ଡାଙ୍ଗ୍ ୱାୱାତାନ୍‌ନା।” ଜେକନିକାର୍ ୱେଚ୍‌ଚାର୍, “ରକାନ୍ ପାପି ମାନାୟ୍ ଇନାୱେଡ଼ାଙ୍ଗ୍ ଇ ଲେକେ ଚାନିଆଆନି କାମାୟ୍ କିଦେଙ୍ଗ୍ ଆଡୁନ୍।” ଇଦାଙ୍ଗ୍ କାଜିଙ୍ଗ୍ ପାରୁସିଦଳ୍‍ ବିତ୍ରେ ବାଗ୍-ବାଗ୍ ଆତାର୍।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ପିଲିପିୟ 1:14

ଆରେ ଆନେଙ୍ଗ୍ ବନ୍ଦି ଆଜିମାଚି କାଜିଙ୍ଗ୍ ପାର୍ତିକିନି ଟଣ୍ଡାର୍ ଈଶ୍ୱରତାକେ ବେସି ପାର୍ତି କିତାର୍। ଆରେ ଈଶ୍ୱର କାତା ସାହାସ୍ ହୁଦାଙ୍ଗ୍ ଶୁଣାୟ୍ କିତାର୍।